ITERITSI! Nr. 2 2019 | Meeqqat ilinniartariaqagaat arfinillit
Meeqqat ilinniartariaqagaat arfinillit
Meeqqat inersimasunngorpat qanoq ilisimaneqassasoq kissaatigaajuk?
Imminut aqussinnaasoq
Maniguuttoq
Tunniutiinnajuitsoq
Akisussaassutsimik pingaartitsisoq
Inersimalluartoq
Unneqqarissoq
Meeqqavit pissutsit taakku namminneq ineriartortinnavianngilaat. Ilinnit ilitsersorneqarnissartik pisariaqartippaat.
Atuagassiami matumani meeqqannut ilinniartitsissutigisinnaasatit pingaarutillit arfinillit – inersimasunngornissamut piareersarnermut iluaqutissat – sammineqassapput.
Imminut aqussinnaaneq
Sooq imminut aqussinnaaneq pingaaruteqarpa, qanorlu ineriartortissinnaavarput?
Maniguunneq
Meeqqavit maniguunnermik ilinniartinneqarnertik maanna inersimasunngorunillu iluaqutigissavaat.
Tunniutiinnajuitsuuneq
Meeqqat tunniutiinnajuitsut inuunermi ajornartorsiutit qaangerluarnerusinnaasarpaat.
Akisussaassutsimik pingaartitsineq
Akisussaassutsimik pingaartitsineq meeraanermi inersimasuunermiluunniit ilinniarneqartarpa?
Inersimasumit ilitsersorneqarneq
Meeqqat inuunermi tutsuiginartumik ilitsersorneqarnissartik pisariaqartippaat, kikkunnulli ikioqqusinnaappat?
Ileqqorissaarneq
Meeqqavit ileqqorissaarnermik ilinniartinneqarnertik siunissami iluaqutigissavaat.
Angajoqqaanut iluaqutissat allat
Angajoqqaat pitsaasumik inuuneq pillugu tutsuiginartumik aamma siunnersorneqartariaqarput. Paasisaqarnerujumallutit jw.org alakkaruk.
