Imarisai

Imarisai

Oqaloqatigiinneq ikaartarfittullusooq ippoq qitornannut attaveqaataajuartoq

 ANGAJOQQAANUT

5: Oqaloqatigiinneq

5: Oqaloqatigiinneq

QANOQ ISUMAQARTOQ

Oqaloqatigiil­luar­neq tas­saavoq il­lit qitor­natil­lu eq­qarsaatis­sin­nik misigis­sutsis­sin­nil­lu avitseqatigiin­nersi.

SOOQ PINGAARUTEQARTOQ

Qitor­nat inuusut­tuaran­ngoraangata oqaloqatigiin­neq unam­miniar­narsisar­poq. Qitor­nat mikisuutil­lutik angajoq­qaatik sunik tamanik oqalut­tuut­tar­paat. Al­ligaangamil­li oqalut­tuar­pal­laarun­naar­tar­put, angajoq­qaal­lu qitor­namik eq­qarsaataan­nik misigis­susiinil­lu ilisimasaqar­piar­tan­ngil­lat. Pis­sutsit taamaak­kaangata qitor­nap­pit oqaloqatigerusup­pasin­ngik­kaluaraatit oqaloqateqar­nis­sani pisariaqar­tin­ner­paasar­paa!

QANOQ ILIORSINNAASUTIT

Qitornappit oqaloqateqarusunnissaanut naleqqussartarit. Taamaalior­tarit un­nuk­kut kingusis­suk­kul­luun­niit oqaluk­kusuk­kaangat.

“Im­maqa ima oqarusut­tar­putit: ‘Aatsaat maan­na oqaluk­kusuler­pit? Ul­loq naal­lugu angerlarsimaqatigiik­kaluar­pugut!’ Qitor­navul­li oqaluk­kusup­pata naam­magit­taal­lior­navian­ngilagut, ilaa? Angajoq­qaam­mi tamarmik qitor­namin­nit saaf­figineqarusut­tar­put.” – Lisa.

“In­najaal­lugaluarlunga un­nuap-qeq­qata kingor­na inuusut­tuaraatik­kalu oqaloqatigiil­luar­ner­paasar­pugut.” – Herber­t.

BIIBILIMI NAJOQQUTASSIAQ: “Tamassi immikkut ilissinnut pitsaanerpaaq pinnagu allanut pitsaanerpaaq noqqaassutiginiarsiuk.” – 1 Korinthimiut 10:24.

Allamut saasartinnaveersaartarit. Ataataasoq ima nas­suer­poq: “Ilaan­nik­kut qitor­nak­ka oqaloqatigitil­lugit paasiler­tar­para al­lanik eq­qarsaateqarlunga. Sianiinaarsin­naan­ngilak­ka – takusin­naasar­paat!”

Taas­suma oqaasii ilisar­nar­pata fjer­nsyni mobilit as­sigisaal­lu qamit­tak­kit. Qitor­nap­pit oqaasii tusar­naaq­qis­saar­tak­kit qanorluun­niil­lu an­nikip­pasitsigigaluar­pata soqutigineqarluin­nar­tutut misigitil­lugu.

“Oqalut­tuut­tariaqar­pavut qitor­nat­ta misigis­susii uagutsin­nut pingaaruteqar­tuusut. Taamaan­ngip­pat isumakuluutitik an­nin­navian­ngilaat, al­lamul­luun­niit ikior­tis­sarsiulis­sap­put.” – Maranda.

“Qitor­nap­pit eq­qarsar­taasia kuk­kugaluar­pal­luun­niit qisuariapilooqinak.” – Anthony.

BIIBILIMI NAJOQQUTASSIAQ: “Tusarnaaqqissaarniarsigit oqaasissakka.” – Jobi 21:2.

Ulluinnarni periarfissat atorluartakkit. Qitor­nat ilaan­nik­kut am­manerusar­put angajoq­qaatik saal­lugit is­siaqatigin­ngik­kaangamik­kit.

“Biiler­til­luta periarfis­saq atorluar­tar­par­put. Sanileriileraangat­ta oqaloqatigiil­luar­nerusar­pugut.” – Nicole.

Nereqatigiin­neq akun­nat­toor­nan­ngitsumik oqaloqatigiin­nis­samut periarfis­saavoq.

“Neritil­luta tamat­ta ul­lormi tamatumani pisut nuan­niin­nersaat nuan­ner­nersaal­lu oqalut­tuarisar­pavut. Taamaalior­tar­ner­put ataasius­suseqaatigaar­put ajor­nar­torsioraangat­talu nalusan­ngilar­put kisimiin­nata.” – Robin.

BIIBILIMI NAJOQQUTASSIAQ: “Kinaluunniit tusarasuartarli, kisianni oqalukkumaataartuulluni.” – Jaaku 1:19.