Imarisai

Imarisai

 UNAMMINIAGAQ ILIUUSEQARLUTIK ANIGORPAAT

Ricardop Andresillu misigisalikkersaarutaat

Ricardop Andresillu misigisalikkersaarutaat

Ilin­niar­titaaneq Biibilimik tun­ngavilik tupin­naan­nar­tumik inuunermik al­lan­nguisitsisar­poq. Uku marluk as­sersuutigeriar­tigit: Ricardo Andresilu.

RICARDO: 15-inik ukioqarlunga, sun­ner­tiasuul­lunga, inupiluit peqatigisaler­pak­ka. Ikin­ngutitaak­ka uan­nut sun­niuteqaqaat. Al­laam­mi ukiuni qulini par­naarus­sivim­miin­nis­sara kis­saatigaara! Im­maqa sianiitsor­pal­lan­neruvoq. Eq­qaamiuvul­li par­naarus­saaq­qasimasut nuan­naar­torineqarlutil­lu ataq­qisaap­put. Taak­kunatut it­toorusup­punga.

Inupilun­nik peqateqar­tar­nermut tun­ngasut tamaasa misigaak­ka, ilaatigut ikiaroor­tar­neq, atoqateqar­tar­neq nakuuser­tar­nerlu. Un­nuit ilaan­ni aal­laasersor­tunut akuuvunga. Isumaqarlunga toqutaas­sal­lunga, ajor­nangali aniguivunga. Tamatuma kingor­na inuunera anguniak­kak­kalu pimoorul­lugit eq­qarsaatigisaler­pak­ka al­lan­nguiniarlungalu aalajangerlunga. Taamani eq­qarsaatigaara qanoq kial­lu ikiorsin­naaneraanga.

Ilaqut­tama amerlanersaat pil­luan­ngil­lat. Ajor­nar­torsiuter­pas­suaqar­put. Angamali ilaata ilaqutai taamaan­ngil­lat. Nalun­ngilara taak­ku pitsaasuusut najoq­qutas­sial­lu Biibilimiit­tut malil­lugit inuusut. Sior­natigum­mi Guutip aq­qa Jehova pil­lugu paasitis­simavaan­nga. Aal­laasersor­toqareersoq Jehovap aq­qa atorlugu ikioq­qul­lunga taan­na qin­nuigaara. Tupigusuutigisan­nik aqaguani Jehovap Nalunaajaasuisa ilaat kasut­tor­poq! Taan­na Biibilimik ilin­niar­titsisoriler­para.

Erininarserian­ngitsoq misilin­neqangaatsiar­punga. Ikin­ngutitoq­qama peqatigeq­qul­lutik sianerfigikulasar­paan­nga. Ar­tor­naraluar­toq naaggaar­tar­pak­ka. Biibilimik atuaq­qis­saar­tuar­nis­sara aalajangiusimavara. Taama aalajangersimanera nuan­naarutigaara! Inuunera pitsan­ngorujus­suar­poq pil­lualivil­lungalu.

Eq­qaamavara Guutimut qinul­lunga oqarfigalugu taamani inupilut­tut ataq­qisaalerusul­lunga ukiuni qulini par­naarus­saarusus­simal­lunga. Taamaat­tumik qin­nuigaara sivikin­ner­paamik ukiuni qulini nam­mineq ikior­neqarsimanit­tut al­lanik ikiuisin­naaq­qul­lunga pif­fis­saq tamaat kif­far­torfigis­sagin­ni akuereq­qul­lunga. Guutip qin­nutiga tusar­paa, ukiunimi 17-ini pif­fis­saq tamaat kif­far­tor­punga! Par­naarus­saaq­qan­ngisaan­nar­pungalu.

Ikin­ngutigisimasar­pas­suak­ka sivisuumik par­naarus­saaq­qap­put. Al­lat toqoreer­put. Kingumut qiviarlunga ilaqut­tak­ka Nalunaajaasut qujamasuf­figeqaak­ka. Biibili malil­lugu inuunermik­kut al­laanerorusus­suseqar­put. Inupilun­nik ataq­qisimasaraluan­nit taak­ku ataq­qiner­paavak­ka. Pingaar­tumil­li Guutip inooriaatsimik pitsaaner­paamik ilin­niar­tim­manga qujamasoqaanga.

 ANDRES: Inun­ngorfiga peroriar­torfigisaralu piitsoqarfiuvoq, tamaani ikiaroor­tar­tut, sioorasaaril­luni akilersuisitsisar­tut, ator­tit­tar­tut toqutsineril­lu nalingin­naap­put. Ataataga imerajut­tuuvoq kokainitor­tar­tuul­lunilu. Angajoq­qaak­ka oq­qat­tuaan­narlutil­lu paajuaan­nar­put.

Ukiukil­lunga imigas­sar­tor­taler­punga ikiaroor­talerlungalu. Pif­fis­sama an­ner­tunersaani aq­qusinermi tarfisar­punga til­lin­niariarlungalu til­litak­ka tuniniar­tarlugit. Peror­nerugama ataatama kuk­kusumik im­minut qanil­litin­niaraluarlunga ikiaroor­nar­tunik iner­teq­qutaasunil­lu al­lanik nunatsin­nut iser­tor­tumik eq­qus­sinermik tamak­kunan­ngalu tuniniaanermik ilin­niar­tip­paanga. Aningaasaater­pas­suaqaleriataar­punga. Ilaan­nili politiit tigusaraan­nga. Toqutsiniarsimasutut ukiuni tal­limani par­naarus­sas­san­ngorlunga eq­qar­tuun­neqar­punga.

Ul­laat ilaan­ni par­naarus­siviup højtaleriatigut nalunaarutigineqar­poq par­naarus­sat Jehovap Nalunaajaasui Biibilimik eq­qar­tueqatigisin­naagaat. Najuun­niarlunga aalajanger­punga. Tusak­kak­ka paasinar­put, taamaat­tumik Nalunaajaasunit Biibilimik atuaq­qis­saaqatigineqar­taler­punga. Biibilimi al­las­simasut pik­kunaal­lisin­nagit Guutip najoq­qutas­siai qutsis­sut ilin­niar­titsis­sutigaat.

Paasiaar­para ikior­neqar­nanga pisariaqar­tunik al­lan­nguisin­naananga, ingam­mik par­naarus­saaqatin­nit iliuuserisalik­kan­nik nuan­narin­nin­ngitsunit sioorasaar­neqaraangama. Taamaat­tumik nakus­satseq­qul­lunga ilisimas­suseqalerseq­qul­lungalu qinuvunga, Jehoval­lu ikior­paanga. Al­laam­mi Biibili pil­lugu par­naarus­sanut kaam­mat­tuisin­naaler­punga.

Par­naarus­sivim­mit iperagaalerama an­nilaangangaarama par­naarus­sivim­miigin­narusuk­kaluar­punga. Anilerama par­naarus­sat ilaasa inuul­luaq­quaan­nga. Al­laam­mi al­lat asan­nip­palut­tumik ima oqarfigaan­nga: “Angerlar­niarit, paarsisun­nguaq.”

Guutip ilin­niar­tis­siman­ngik­kaluar­panga inuunera qanoq is­simas­sagaluar­nersoq eq­qarsaatigigaangak­ku an­nilaam­mer­tar­punga. Guutip asam­manga al­lan­ngorsin­naan­ngitsutul­lu isigisiman­ngim­manga qujamasungaar­punga. *

^ par. 15 Biibilip inuit inuuneran­nik al­lan­nguisitsisin­naanera pil­lugu misigisalik­kersaarutit al­lat jw.org-imi atuar­neqarsin­naap­put. Tuuk­kit BIIBILIP ATORIAAN­NAANERA > TOQ­QIS­SISIMANEQ PIL­LUAR­NERLU.