Imarisai

Imarisai

„Mobiltelefoneqanngitsoorsinnaajunnaarneq“

„Mobiltelefoneqanngitsoorsinnaajunnaarneq“

 „Mobiltelefoneqan­ngitsoorsin­naajunnaarneq“

JAPANIMI ITERITSI!-P ILANNGUTASSIORTUANIT

„MOBILTELEFONEQAN­NGITSOORSIN­NAAJUNNAARNEQ ajornartorsiutaagaluttuinnarpoq,“ Japanimi aviisimi The Daily Yomiuri-mi qulequtaavoq. Ilumut mobiltelefoneqan­ngitsoorsin­naajunnaarneq eqqartorneqarpa? Taamaalluinnarpoq, „inuusuttut mobiltelefonitik avatimi ilaatut isigilersimagunarpaat — allaallu mobiltelefonitik nassanngitsooraangamikkit puffaqqajaasinnaallutik,“ aviisimi allassimavoq. Allanit immikkoortinneqalernissartik annilaangatigalugu inuusuttorpassuit sumiikkaluaraangamilluunniit mobiltelefonitik nassartuartarpaat. „Mobiltelefoniminni nalunaarfigitinngikkaangamik eqqissiveeruttarput uumisoqqajaallutik misigisarlutillu atorfissaqartinneqaratik.“ Eqqissiveqannginnamik sms-ikkut nalunaarfigitinniariarlutik akipallattarput, tamatigut ingerlaannaq akinissaq pisariaqanngikkaluartoq.

Mobiltelefoneqarneq soorunami iluaqutaasinnaavoq. Tassami ajornartorsiortoqartillugu iluaqutaalluartarsimavoq. Mobiltelefonimik atuineq ajunngikkaluarpoq, killilimmik atoranni. Tamatuminngalu ilisimasallit oqarput mobiltelefoneqan­ngitsoorsin­naajunnaarnerup inuup attaveqateqarsinnaassusia pissusissamisoortoq ajoqusertaraa. Osaka-mi atuarfimmi 6. klassimiit 10. klassimut ilinniartitsisoq mobiltelefonit pillugit isumakuluuteqarpoq. Taanna isumaqarpoq „meeqqat inuit allat pissusilersornerannik nipaannillu isumalersuisinnaajunnaarsimasut,“ aviisimi allassimavoq.

Allaaserisaq ima naggaserneqarpoq: „Meeqqat mobiltelefoneqan­ngitsoorsin­naajunnaarnerisa siunissami ingasatsikkiartuinnarnissaa avaqqunneqarsinnaagunanngilaq. Tamatuma ajoqutai aatsaat killilersorneqarsinnaapput inersimasut mobiltelefonimik atuinermikkut meeqqanut ilungersorlutik maligassiuilluarniarsarigunik.“ (gE 1/8 03)