Imarisai

Imarisai

Isumannaatsumik timmisartorit

Isumannaatsumik timmisartorit

 Isumannaatsumik timmisartorit

„Sapaatip akunneranut ataasiarlutik timmisartumut ilaasut qimagussortinneqartariaqartarput,“ avisi USA Today allappoq. Qimagussortitsinernulli pissutaasut amerlanerit ulorianartorsiutaaneq ajorput kalerrisaarilussinnarnerusarlutilluunniit, qimagussuinermili imminut illersornerussaatit taaneqartut tulliuttut eqqumaffigigukkit:

EQQORTUNIK ATISAQARIT. Atoruminartunik nerutulaartunillu atisaqarlutit angalagit. Sapinngisamik atisavit amit tamaat assersimasariaqarpaa — qarliit takisuut, ilulliit takisuunik aallit tujuuluilluunniit, pinngortitap tunniussinnaasaannit sanaat soorlu nuersagassiat meqquluallit, annoraassiassat ammilluunniit siunnersuutigineqarput. Annoraamerngit soorlu rayon, polyester nylonillu (ingammik alersit) kissarpallaamut aasinnaapput taamaalillunilu timeq nissullu annertuumik uuneqalersillugit.

EQQARSAATIKKUT PIAREERSARIT. Ajornartorsiortoqalerpat qanoq iliornissat eqqarsaatigiuk. Inissannut ingereeruit, ajornartuulernermi aniffissat qaninnerit saavani tunuanilu sumiiffii maluginiakkit. Aallannginnermi inuttap sillimanissamik ilitsersuutai tusarnaakkit. Qimagusuinissamik ilitsersuusiami siunnersuutit atuaqqikkit.

PAATSIVEERUTEQINAK. Eqqissisimaannarit, ajornartorsiortoqalerpallu inuttap ilitsersuutai malikkit. Aniffissamut qaninnermukarit, timmisartullu qimannissaa pisariaqalerpat pigisatit uninngatiinnakkit.

TIMMISARTOQ QIMAKKUKKU MIANESORIT. Inngigissunik kimmilinnik skooqaruit piikkit. Isikkatit siulliullugit sisoorfiliamut ingeqqaarnak pissigit. Talitit paarlatikkit. Nissutit qaleriissikkit. Nunamut piguit ingerlaannaq timmisartoq qimaguk, biilillu ikiuiartortut alapernaasikkit.

Maleruagassat tamakku malinnerat imminut akilersinnaavoq. USA-p Nationale Luftfartsadministration-iata nutaarsiassamigut Intercom-ikkut ilisimatitsisutigaa: „Timmisartumik ajunaarnerit toqumik kinguneqartut affaasa missaat ajutoornerupput anigorneqarsinnaagaluartut.“ (gE 8/9 2000)