Ukiut tamaasa, Jiisusip peqqussutaa naalallugu, Jehovap Nalunaajaasui nunarsuarlu tamakkerlugu qaaqqusat millionillit Jiisusip toqunera eqqaaniar­niarlugu katersuuttarput. (Lukkarsi 22:19) Pisartup tamatuma, Jiisusip inuiaat pillugit iliuuserisimasaanik pingaar­titsinis­satsinnik eqqaasit­tarpaatigut. Aamma pilliutaa maanna inuunitsinni siunissamilu qanoq iluaqutigisin­naagipput oqalugiaammi ersersin­neqartarpoq. – Johannesi 3:16.

 Ukioq manna najuutissaguit najuutis­sanngik­kaluaruil­luunniit Jiisusip pilliutaa qanoq iluaqutigisin­naaviuk? Jiisusi qanoq iliornis­satsinnik marlunnik eqqaasaqarpoq:

1.  1. Guuti Jiisusilu pillugit ilinniarit. Jiisusi Ataataminut qilammiusumut qinulluni ima oqarpoq: “Ilinnik, Guutimik ilumoor­tutuamik, aallartitannillu Jiisusimik Kristusimik ilisarisiman­nilernertik naassaan­ngitsumik inuuneqalis­sutigissavaat.” – Johannesi 17:3.

2.  2. Ilikkakkatit maleruakkit. Jiisusip erseqqissarpaa ilinniar­titsissutigisani inuunitsinni maleruar­tariaqarigut. Assersuutigalugu qaqqami oqalugiarnini naggaserlugu ‘oqaatsiminik maleruaasoq’ nersorpaa. (Lukkarsi 6:46-48) Tamatuminnga assingusumik pisumi allami ima oqarpoq: “Maanna tamanna paasivarsi, pilluas­saasilu taamaaliorussi.” – Johannesi 13:17.

 Guuti Jiisusilu pillugit ilikkagaqar­nerorusuppit? Ilikkakkatit qanoq atussanerlugit atoriaan­naasunik siunnersor­tikkusuppit? Aajuku iluaqutigisin­naasavit ilaat:

Biibilimik pikkorissarneq

 Inuppassuit akeqanngitsumik Biibilimik pikkoris­sartitsisarnerput Biibilimik paasinniler­nissaminnut maleruaaniar­nerminnullu iluaqutigisarpaat.

•   Pikkorissarneq tamanna paasisaqarfiginerujumallugu Biibilimik misissueqateqarneq pillugu qupperneq alakkaruk.

•   Jehovap Nalunaajaasui ilagalugit qanoq pikkoris­sartoqartartoq paasiumallugu takujuk video Biibilimik pikkoris­sarnermut tikilluarit.

Jehovap Nalunaajaasuisa ataatsimiinneri

 Jehovap Nalunaajaasui sapaatip-akunneranut marloriarlutik Naalagaaf­filersaarfimminni ataatsimiittarput. Tassani Biibili aamma ilinniakkagut inuunitsinni qanoq atorsin­naanerlugit eqqartueqatigiit­tarpugut.

 Ataatsimiinnerit tamanut ammapput. Najuunniarlutit Nalunaajaasuusariaqan­ngilatit. Illoqarfigisanni pissutsit apeqqutaallutik aalajangersin­naavutit ornigullutit isiginnaarutik­kulluunniit ataatsimiinneq najuuffiginiar­nerlugu.

•   Ataatsimiinnerni taakkunani susoqar­tarnersoq paasiumallugu qilanaar­tuutitut takuuk video Naalagaaf­filersaarfimmi susoqartarpa?

•   Najukkannut qanittumi sumi ataatsimiit­toqartarnersoq takuniarlugu alakkaruk Jehovap Nalunaajaasuisa ilagiivisa ataatsimiinnerat.

Nittartak­katigut allaaserisat videullu

 Nittartak­katigut allaaserisarpassuit videullu Jiisusip ilinniar­titsinera toqukkullu pilliutaa naleqangaartoq pillugit ilikkagaqar­nerusin­naavutit.

 Assersuutigalugu inuup ataasiinnaap toqunera inunnut millionilinnut qanoq ililluni iluaqutaasin­naanera pillugu ilinniarusukkuit allaaserisat uku atuakkit: “Jiisusip annaappaatigut – Qanoq?” aamma “Sooq Jiisusi naalliullunilu toqua?”, imaluunniit isiginnaaruk video Sooq Jiisusi toqua?