Imarisai

Saqqaata tullia

Imai

Jehovap Nalunaajaasui

Kalaallisut

Kristumiutut inuunerput kiffartornerpullu – Najoqqutassaq  |  Oktobari 2017

 KRISTUMIUTUT INUUNEQ

Allakkanik Illernartunik qanoq peqqissaartumik atuaqqissaartalersinnaasutit

Allakkanik Illernartunik qanoq peqqissaartumik atuaqqissaartalersinnaasutit

Misilinneqarnermi Danielitut aalajaakkusuppit? Guutip oqaasii, aamma siulittuutit paasiuminaassinnaasut, Danielip peqqissaarluni atuaqqissaartarpai. (Dan 9:2) Peqqissaarlutit atuaqqissaartarnerit aalajaattuarnissannut iluaqutigisinnaavat. Qanoq? Jehovap neriorsuutaasa piviusunngornissaannut uppernerit taamaalillutit nakussatsissinnaagakku. (Jos 23:14) Aamma Guutip asanerulernissaanut iluaqutigisinnaavat, eqqortuliornissannullu kajumissuseqarnerulissaatit. (Tuss 97:10) Kisianni suna aallarniutigissaviuk? Siunnersuutit tulliuttut eqqarsaatigeriakkit.

  • Suna atuaqqissaassavara? Ilagiit ataatsimiinnerinut piareersarneq atuaqqissaartarnermi ileqquliussanut pitsaasunut ilaavoq. Sapaatip-akunnerani Biibilimi atuagassani paasinngisatit misissortarukkit pissarsiaqarfiginerussavatit. Qatanngutit ilaat aalajangersimapput Biibilimi siulittuutit, Guutip anersaavata inerititaata immikkoortui, apustilip Paulusip ajoqersuiartortitatut angalaneri allaallu Jehovap pinngortitarsua misissorniarlugit. Ullup ingerlanerani Biibilimut tunngasumik apeqqummik eqqarsaateqaruit allaguk tullianilu atuaqqissaaleruit sammillugu.

  • Sumi paasissutissarsisinnaavunga? Suut periarfissaasinnaasut takujumallugit filmi Studieredskaber – en hjælp til at finde åndelige skatte isiginnaaruk. Sungiusaatitut Danieli kapitali 7-imi silarsuarmi naalagaaffiit suut nersutitut ilisarnaaserneqartut misissukkit.

  • Qanoq sivisutigisumik atuaqqissaartassaanga? Aalajangersimasumik atuaqqissaartarneq anersaakkut peqqissutsimut pingaaruteqarpoq. Sivikinnerusumik atuaqqissaartarneq aallartissutigisinnaavat, pisariaqarpallu sivitsoriartuaartillugu. Guutip oqaasianik atuaqqissaartarnerup erlinnartuutinik ujarlerneq assigaa; erlinnartuutinik nanisisarnerujartortillutit suli assaarusunnerulissaatit! (Uss 2:3-6) Guutip oqaasianik paasisaqarusunnerulissaatit, aalajangersimasumillu Biibilimik atuaqqissaartarneq ileqquliutissavat. – 1 Petr 2:2.

DANIELI KAPITALI 7-IMI NERSUTIT SUNUT ASSERSUUTAAPPAT?

  • Dan 7:4

  • Dan 7:5

  • Dan 7:6

  • Dan 7:7

APEQQUT ALLA:

Danieli 7:8, 24-milu allaqqasut qanoq eqquuppat?

TULLIANI MISISSUGASSAQ:

Saqqummersitat kapitali 13-imi nersutit sunut assersuutaappat?