Atuagaq Biibilimi ajoqersuutigineqartut aamma atuagaq nutaaq What Can the Bible Teach Us? (kalaallisuunngortitaanngitsoq) assigiingajapput. Ilinniartitsinermi atortakkatsinni taakkunani sallusuissutit eqqartorneqartut aamma inissititernerisa tulleriiaarneri assigiipput. Atuakkamili nutaami oqaatsit nassuiaariaatsillu atorneqartut paasiuminarsagaapput. Atuakkamik Biibilimi ajoqersuutigineqartut-mik paasiuminaatsitsisunut immikkut tulluarsagaavoq. Atuakkami nutaami tapiliussaqanngilaq, oqaatsilli sammisallu aalajangersimasut kapitalini atorneqartut atuakkap naggataatungaani paasiuminartumik nassuiarneqarput. Kapitalit aallarniutinik apeqqutitaqaratillu uteqqiinissamut atugassanik ungalusaqanngillat, naanerannili Biibilimi sallusuissutit kapitalimi nassuiarneqartut inerneri atuarneqarsinnaapput. Atuakkat taakku marluk qaqugukkulluunniit, tassa qaammammi immikkut neqeroorutaanngikkaluarpataluunniit, atorneqarsinnaapput. Atuakkami nutaami immikkut ilanngussat Biibilimik atuaqqissaaqateqarnitsinni qanoq atorsinnaavavut?

EQIKKAANERIT: Atuaqqissaarnerni aqutseriaaserput, tassa Biibilimi ajoqersuutigineqartut-mi immikkoortumik atuaariarluni aperineq, inunnut amerlanernut ajunngilluinnarpoq. Atuaqqissaartartoq atuffarluppat oqaatsinilluunniit atukkassinnik sungiussisimasuunngippat atuagaq nutaaq atorneqarsinnaavoq. Immaqa eqikkaanerit atuaqqissaarutigiinnarsinnaavasi, atuaqqissaaqatillu kapitalip nammineq atuarnissaanik kajumissaarlugu. Biibilimi sallusuissut ataaseq amerlanertigut atuaqatigiinnermi minutsini 15-it missaanni sivisussusilimmi ilinniartitsissutigineqarsinnaasarpoq. Kapitalimi paasissutissaaqqat tamaasa eqikkaanerni allaqqaneq ajorput. Taamaammat ilinniartitsisoq atuaqqissaaqatimi pisariaqartitai eqqarsaatigiitigalugit piareersarluartariaqarpoq. Atuaqqissaaqatigiinnermi ilinniartitsisup kapitali tamaat atorpagu eqikkaanerit uteqqiissutitut atorneqarsinnaapput.

ATUAKKAP NAGGATAATUNGAANI NASSUIAATIT: Oqaatsit sammisallu nassuiaatiniittut kapitalit malittaralugit inissititerneqarsimapput. Ilinniartitsisup atuakkap naggataatungaani nassuiaatit atorniarnerlugit aalajangersinnaavaa.