Imarisai

Saqqaata tullia

Imai

Jehovap Nalunaajaasui

Kalaallisut

Kristumiutut inuunerput kiffartornerpullu – Najoqqutassaq  |  Marsi 2017

 KRISTUMIUTUT INUUNEQ

Guuti tusarnaaruk – Qanoq atorneqassasoq

Guuti tusarnaaruk – Qanoq atorneqassasoq

Atuffarluttut assilissat atorlugit sallusuissutinik Biibilimeersunik ilinniartinnissaannut iluaqutissatut quppersagaq Listen to God (kalaallisuujunngilaq) suliaavoq. Ilinniagassani tamani quppernernik marlunnik takissusilinni assilissani tikkuutit malillugit oqaloqatigiinneq ingerlanneqarsinnaavoq.

Quppersakkami Listen to God-imi assilissat Guuti tusarnaaruk naassaanngitsumik inuusinnaaqqullutit-mi assilissanut assingupput, taannali allassimasoqarnerullunilu atuaqqissaaqatigineqartartumit atualaarsinnaasumit atorneqarsinnaavoq. Atuaqqissaaqatigisap Listen to God atortaraluaraa oqaluussisartut ilinniartitsinerminni Guuti tusarnaaruk atussallugu iluarinerusarpaat. Quppernerni arlalinni tapiliussatut ilanngussat atuaqqissaaqatigineqartup pisinnaasai apeqqutaatillugit eqqartorneqarsinnaapput.

Quppersagaq qanoq ilisukkulluunniit, aamma qaammammi neqeroorutaanngikkaluartoq, neqeroorutigisinnaavat. Atuaqqissaaqateqarnermi Biibilimi oqaluttuat nassuiarumallugit assilissat atortakkit. Atuaqqissaaqatigineqartoq oqaaseqarniassammat paasinnissimanersorlu qulakkeerumallugu aperisaruk. Quppernerit ataanni allassimaffiit tamaasa atuariarlugit eqqartortarsigit. Quppersagaq naammassigussiuk atuaqqissaaqatigisat kuisinnissamut piukkunnarseqqullugu Biibilimi sorpiaat ajoqersuutigineqarpat? atuaqqissaarsiuk.