Imarisai

Saqqaata tullia

Imai

Jehovap Nalunaajaasui

Kalaallisut

Kristumiutut inuunerput kiffartornerpullu – Najoqqutassaq  |  Juuni 2017

 KRISTUMIUTUT INUUNEQ

Nutaarsiassap nuannersup oqaluussissutiginera nuannaarutigiuk

Nutaarsiassap nuannersup oqaluussissutiginera nuannaarutigiuk

Oqaluussinissaq sapernartittarpiuk? Apeqqut tamangajatta angissagunarparput. Sooq? Immaqa oqaluussiffigisartakkatsinni amerlasuut soqutiginninnatillu akerlilersuisarmata nalusatsinnilluunniit oqaloqateqarnissaq sapernartittaratsigu. Tamakku nikallussutigisinnaavavut. Guutili pilluartoq nuannaarluta kiffartornissatsinnik kissaateqartoq pallorfigaarput. (Tuss 100:2; 1 Tim 1:11) Nuannaarluni oqaluussinissamut pissutaasut pingasut suuppat?

Siullertut, neriuummik tusarliussassaqarpugut. Amerlasuut neriuuteqanngikkaluartut inuit uummataat “nalunaarummik nuannersumik” immersorsinnaavavut. (Es 52:7) Guutilli naalagaaffianik nutaarsiassat nuannersut aamma uagut nuannaalissutigisinnaavavut. Oqaluussinnginninni Guutip naalagaaffiata pilluaqqussutit nunarsuarmi atuutilersitassai eqqarsaatigeqqissaartakkit.

Aappaattut, nutaarsiassat nuannersut oqaluussissutigisavut inuit timikkut anersaakkullu iluaqutigisarpaat. Ileqqupalaaqarunnaarnissartik ilinniartarpaat naassaanngitsumillu inuuneqalernissamik neriuuteqalerlutik. (Es 48:17, 18; Rom 1:16) Annaassiniartutut imminut isigisinnaavugut. Inuit ilaasa annaanneqarnissartik kissaatiginngikkaluaraat annaanneqarusuttunik ujaasiuarpugut. – Matt 10:11-14.

Pingajuattut pingaarnertullu, oqaluussinerput Jehovamut ataqqinaataavoq. Taassuma nalunaajaanerput pingaartingaarpaa. (Es 43:10; Hebr 6:10) Tamatuma saniatigut suliarput naammassiniassagatsigu anersaaminik illernartumik sinnilissuarmik tunisarpaatigut. Taamaattumik nuannaarnermik, anersaap illernartup inerititaata ilaanik, tuneqqullutit Jehova kimigiiserfigisaruk. (Gal 5:22) Tamanna nikallungajunnaarnissamut nakimaallutalu oqaluussinissamut iluaqutigissavarput. (ApS 4:31) Taava oqaluussiffigisatta qanoq qisuariarnerat apeqqutaatinnagu oqaluussineq nuannaarutigilissavarput. – Ez 3:3.

Oqaluussinermi qanoq isiginnittaaseqarusuppit? Nuannaarnerit qanoq ersersissinnaaviuk?

FILMI FÅ GLÆDEN VED STUDIUM OG MEDITATION TILBAGE ISIGINNAARIARLUGU APEQQUTIT UKU AKIKKIT:

  • Sooq qaammammut tiimerpassuit oqaluussisaraluarluta atuaqqissaarneq pingaartittariaqarparput?

  • Maria qanoq ilaartariaqarparput?

  • Qaqugukkut Guutip oqaasia eqqarsaatigeqqissaartarpiuk?

  • Nutaarsiassamik nuannersumik oqaluussinermi suna nuannaalissutigisarpiuk?