Ukiut tamaasa kristumiorpassuit unittoorsimasut eqqaaniaaqataasarput. Naassaanngitsumik inuunissamut arpassimagaluarlutik assigiinngitsorpassuit, ilaatigut quppersakkami Jehovamut uterit-mi eqqaaneqartut, pissutigalugit unikkiartulersimapput. (Hebr 12:1) Taamaattorli Jehovap unittoorsimasut, ‘ernermi aavanik pisiani’, erlinnangaartutut isigiuarpai. (ApS 20:28NW; 1 Petr 1:18, 19) Ilagiinnut uteqqullugit qanoq ikiorsinnaavavut?

Savanik paarsisup savamik tammarsimasumik ujaasersuataartarneratut ilagiinni utoqqaanertat kristumiut unittoorsimasut ujartarlugillu ikiorniartarpaat. (Luk 15:4-7) Tamanna Jehovap asanninneranut ersiutaavoq. (Jer 23:3, 4) Tamatta, utoqqaanertaannaanngitsut, unittoorsimasunik kajumissaarisinnaavugut. Inussiarnisaarnermik misiginneqatiginninnermillu ersersitsiniartarnerput Jehovap iluarissallugulu angusaqarfiulluarsinnaavoq. (Uss 19:17; ApS 20:35) Taamaattumik kina kajumissaarsinnaanerlugu eqqarsaatigeriarlugu iliuuseqapallagit!

FILMI HJÆLP DEM DER ER BLEVET UVIRKSOMME ISIGINNAARIARLUGU APEQQUTIT UKU EQQARSAATIGIKKIT:

  • Nalunaajaasoq ilisarisimanngisani naapikkamiuk Anne sua?

  • Sooq unittoorsimasumik ikiuinissaq eqqarsaatigigutsigu utoqqaanertanut saaffiginnittariaqarpugut?

  • Lauramut aappassaanik pulaarnissaminut Anne qanoq piareersarpa?

  • Anne Lauramik kajumissaariniarnermini nikallujuinnermik, erinitsajuinnermik asanninnermillu qanoq ersersitsiva?

  • Jiisusip assersuusiaa Lukasi 15:8-10 allassimasoq qanoq ilinniarfigisinnaavarput?

  • Ataatsimoorluni Lauramik ikiuiniarneq qanoq kinguneqarluarpa?