Imarisai

Saqqaata tullia

Imai

Jehovap Nalunaajaasui

Kalaallisut

Kristumiutut inuunerput kiffartornerpullu – Najoqqutassaq  |  Aggusti 2017

 KRISTUMIUTUT INUUNEQ

Qaqugu ikiorti-pioneritut kiffartoqqissinnaavunga?

Qaqugu ikiorti-pioneritut kiffartoqqissinnaavunga?

Jehovap innuttaasa kajumissutsimik pilliuteqartarumaarnerat Ezekielip naalaffimmik takorluuisitaaneranit ersersinneqarpoq. Uagut qanoq qujaniutinik pilliuteqarsinnaavugut? – Hebr 13:15, 16.

Ikiorti-pioneritut kiffartornitsigut taamaaliorsinnaavugut. Ukiumi kiffartorfiusumi 2018-imi qaammatit tallimanik arfininngornillit sapaatillilluunniit arlaqarput. Tamanna pingaartumik piffissaq tamaat suliffilinnut weekendiunerusunilu oqaluusseqataasartunut iluaqutaassaaq. Tamatuma saniatigut oqaluussisartut marsimi apriilimilu aamma ilagiinnik nakkutilliisup qaammammi tikeraarfiani 30 tiimit imaluunniit 50 tiimit toqqarsinnaavaat.

Taavami atukkavut pissutigalugit ikiorti-pioneritut kiffartorsinnaanngikkutta? Oqaluussinermut pikkorinnerulerniarsinnaavugut immaqalu sivisunerusumik oqaluussisarsinnaalluta. Qanorluunniit atugaqaraluarluta Jehovamik asanninnerput ukiumi kiffartorfiusumi 2018-imi sapinngisatsinnik pitsaanerpaamik pilliuteqarnissatsinnut kajumississutigisinnaavarput. – Hos 14:3.

Sabina Hernándezitut qanoq aallussilluarsinnaavunga?

FILMI MED JEHOVAS HJÆLP KAN JEG GØRE NÆSTEN ALT ISIGINNAARIARLUGU APEQQUTIT UKU AKIKKIT:

  • Jehovamut kiffartornermi iliuuseqarnerunissamut Sabinap suna kajumississutigaa?

  • Sabinap maligassiuinera qanoq kajumississutigaajuk?

  • Ukiumi kiffartorfiusumi 2018-imi qaammammi sorlermi (qaammatini sorlerni) ikiorti-pioneritut kiffartorsinnaavit?