Inuit nunanit tamalaaneersut tuppallersarneqarnissartik pisariaqartippaat. (Oqal 4:1) Septembarimi Napasuliaq Alapernaarsuiffik-mi tuppallersaaneq sammineqassaaq, taannalu amerlanerpaanut agguaanniarlugu immikkut suliniuteqassaagut. Inuilli tuppallersarumallugit oqaloqatigerusukkatsigit atuagassiat angerlarsimanngitsunut nakkartittassanngilavut.

QANOQ OQASSAAGUT?

“Tamatta ilaannikkut tuppallersarneqarnissarput pisariaqartittarparput. Sumili tuppallersaatissarsisinnaavugut? [2 Korinthimiut 1:3, 4 atuakkit]. Atuagassiami matumani Guutip qanoq tuppallersartaraatigut sammineqarpoq.”

Soqutiginnittoq atuagassiamik tigusippat ...

FILMI SOOQ BIIBILIMIK ATUAQQISSAARTARIAQARPIT? TAKUTIGUK

Taava Biibilimik atuaqqissaartarneq pillugu neqeroorit.

PULAAQQIINISSAMUT TUNNGAVILIIGIT

Aggeqqikkuit apeqqut akerusutat, soorlu “sooq Guutip naalliunnartoqarnera akueraa?” eqqaajuk.