Imarisai

Saqqaata tullia

Imai

Jehovap Nalunaajaasui

Kalaallisut

Kristumiutut inuunerput kiffartornerpullu – Najoqqutassaq  |  Aggusti 2016

 KRISTUMIUTUT INUUNEQ

Oqaluussinermi pikkorinnerulerit – Biibilimik atuaqqissaartartup tunniulluinnarnissaanut kuisinnissaanullu ikiorneratigut

Oqaluussinermi pikkorinnerulerit – Biibilimik atuaqqissaartartup tunniulluinnarnissaanut kuisinnissaanullu ikiorneratigut

SOOQ PINGAARUTEQARTOQ: Biibilimik atuaqqissaartartut Jehovamit iluarisaajumallutik tunniulluinnartariaqarlutillu kuisittariaqarput. (1 Petr 3:21) Aalajangiussartik malillugu inuusut anersaakkut illersorneqartarput. (Tuss 91:1, 2) Kristumiu inummut, suliffimmut peqatigiiffimmulluunniit tunniulluinnarnani Jehovamut tunniulluinnartarpoq. Taamaattumik atuaqqissaartartoq Guutimik asanninnermik qujamasunnermillu ineriartortitsisariaqarpoq. – Rom 14:7, 8.

QANOQ TAAMAALIORSINNAASUTIT:

  • Atuaqqissaarnermi paasissutissat Jehova pillugu sumik ersersitsinersut eqqartorsiuk. Ullut tamaasa Biibilimik atuartarnerup Jehovamullu qinujuarnerup pingaaruteqassusii erseqqissakkit. – 1 Th 5:17; Jaak 4:8

  • Atuaqqissaaqatigisartakkat tunniulluinnarnissamik kuisinnissamillu anguniagaqaqqullugu kajumissaaruk. Aamma anguniakkanik annikinnerusunik, soorlu ataatsimiinnerni akisarnissamik imaluunniit sanilinut suleqatinullu oqaluussisarnissamik, angusinissaanut ikioruk. Eqqaamajuk Jehovap kiffartorfigeqqulluni kinaluunniit pinngitsaalineq ajormagu. Inuup nammineq tunniulluinnarniarnerluni aalajangertussaavaa. – 5 Mos 30:19, 20

  • Atuaqqissaaqatigisartakkat Jehovamit iluarisaajumalluni kuisinnissamullu piukkunnarsiumalluni pisariaqartunik allanngueqqullugu kajumissaaruk. (Uss 27:11) Ileqqut ilaat ileqqoriunnaarnissaat sapernarsinnaasarmat Biibilimik atuaqqissaaqatigineqartartup inutoqaq iperarumallugu inullu nutaaq atiumallugu sivisuumik ikiorneqarnissani pisariaqartissinnaavaa. (Ef 4:22-24) Napasuliaq Alapernaarsuiffik-mi allaaserisanik “Biibili inuit inuunerannik allannguisitsisarpoq”-mik atuartarnissaanik kajumissaartaruk

  • Jehovamut kiffartorninni misigisimasannik nuannersunik oqaluttuuttaruk. – Es 48:17, 18