Imarisai

Saqqaata tullia

Imai

Jehovap Nalunaajaasui

Kalaallisut

Uppersusiat maliguk

 KAPITALI 1

“Suli oqaluppoq naak toqoreersimagaluarluni”

“Suli oqaluppoq naak toqoreersimagaluarluni”

1. Sooq Adami Evalu taak­kualu meeraat naatsiivim­mut Edenimut isersin­naan­ngil­lat, Abelil­lu suna kis­saatigil­luin­nar­paa?

ABELIP savaatini eq­qis­sil­lutik sivinganermi ivigar­tor­tut isigin­naar­pai. Im­maqa savaatimi ungataani qaamanimineq ungasin­nerusumiit­toq takusin­naavaa. Nalun­ngilaa taavani naatsiivim­mut Edenimut iser­tarfik panamik ikumasumik kaavit­tuar­tumik as­ser­neqarsimasoq. Angajoq­qaavi taavani najugaqar­nikuup­put, maan­nak­kul­li taak­ku meeraal­luun­niit tas­sunga isersin­naan­ngil­lat. Takorlooruk Abelip nutsani anoraan­nguamit tukaal­latsin­neqar­til­lugit qum­mut qiviaatigaluni Pin­ngor­titsisini eq­qarsaatigigaa. Inuit Guutimut at­taveqarluaq­qilis­sap­pat? Taman­na Abelip kis­saatigil­luin­nar­paa.

2-4. Ul­lumik­kut Abeli uagutsin­nut qanoq oqalup­pa?

2 Ul­lumik­kut Abeli ilin­nut oqalup­poq. Tusaasin­naaviuk? Im­maqa ima eq­qarsar­putit: ‘Taamaas­sin­naan­ngilaq.’ Abelimi Adamip angajul­liliaata tul­lia qangarsuarli toquvoq. Timaa ukiut 6.000-t sin­nerlugit matuma sior­na is­sun­ngoreersimavoq. Toqusimasut pil­lugit Biibilimi ima al­las­simasoqar­poq: “Sun­nguamil­luun­niit ilisimasaqan­ngil­lat!” (Oqal 9:5, 10) Aam­ma Abelip oqaasiinik Biibilimi al­las­simasoqan­ngilaq. Taavami qanoq ilil­luni oqaluus­sin­naagamisigut?

3 Apustili Paulusi isumas­sarsisitaal­luni Abeli pil­lugu ima al­lap­poq: ‘Up­per­nermigut suli oqalup­poq naak toqoreersimagaluarluni.’ (Hebræerit 11:4 atuaruk). Al­las­simaf­fik taman­na naaper­torlugu Abelip up­per­nermigut oqaluut­tar­paatigul­lusooq. Abeli inun­ni taamatut up­persuseqaleq­qaar­tuuvoq. Up­persuseqarluangaarmat maligas­siaa ul­lutsin­ni ilin­niarfigisin­naavar­put. Up­per­nik­kut ilin­niarfigalugulu ilaarutsigu taan­na pil­lugu oqalut­tuaq uagutsin­nut sun­niuteqarluar­tumik oqalus­saarlusooq.

4 Biibilimi Abeli pil­lugu taama an­nikitsigisumik al­las­simasoqaraluar­toq qanoq Abeli taas­sumalu up­persusia ilin­niarfigisin­naagatsigit? Misis­soriar­tigu.

 ‘Silarsuup tunngavilerneqarnerata’ nalaani peroriartorpoq

5. Jiisusip Abeli ‘silarsuup tun­ngaviler­neqar­neranut’ atas­suseramiuk suna pivaa? (Aam­ma qup­per­nerup ataatungaani ilan­ngus­saq takuuk).

5 Abeli inuit siul­liit pin­ngor­tin­neqar­nerisa kingunin­ngua inun­ngor­poq. Kingusin­nerusuk­kut Jiisusip Abeli ‘silarsuup tun­ngaviler­neqar­neranut’ atas­suser­paa. (Lukasi 11:50, 51 atuakkit). Jiisusip matumani inuit silarsuaan­ni ajor­timit uter­titaanis­samik neriuutil­lit pigunar­pai. Abeli nunarsuarmi inuit siul­liit sisamarigaluaraat siul­lersaal­luni Guutimit uter­tin­neqarsin­naasutut isigineqarunar­poq. * Abelip peroriar­tor­nerani maligas­saal­luar­toqan­ngilaq.

6. Abelip angajoq­qaavi qanoq it­tuup­pat?

6 Silarsuaq pilersin­neqaq­qam­meraluar­toq inuit atugarliulereersimap­put. Abelip angajoq­qaavi, Adami Evalu, im­maqa pin­nersuul­lutil­lu qiim­maaris­suup­put. Kuk­korujus­suar­pul­li, taman­nalu nalun­ngil­luin­nar­paat. Naam­mal­luin­nar­tuugaluarlutik naas­saan­ngitsumil­lu inuunis­samik neriugisaqaraluarlutik Jehovamut Guutimut pikitsitsigamik angerlarsimaf­fim­min­nit naatsiivim­mit Edenimit paratiisiusumit anisitaap­put. Kis­saatigisatik sunit tamanit, al­laat kinguaamik pisariaqar­titaan­nit, pingaar­nerutik­kamik­kit naam­mal­luin­nas­suseq naas­saan­ngitsumil­lu inuuneq an­naavaat. – 1 Mos 2:15-3:24.

7, 8. Kaini inun­ngormat Eva qanoq oqar­pa, sunalu eq­qarsaatigigunar­paa?

7 Adami Evalu naatsiivim­mit anisitaagamik erloqil­lutik inuusariaqaler­put. Taamaat­torli angajul­liliar­tik Kainimik, tas­sa ‘pilersitamik’, atser­paat. Eva ima oqar­poq: “Naalak­kap ikiuineragut angut  pin­ngor­tip­para.” Tamatuman­nga erser­poq ajor­tumik, Adamimik Evamil­lu tam­mar­titsisumik, suujun­naarsitsisus­samik ar­nap ‘kinguaaqaler­nis­saanik’ Jehovap naatsiivim­mi siulit­tuil­luni neriorsuutaa Evap eq­qarsaatigigunaraa. (1 Mos 3:15; 4:1) Siulit­tuum­mi matumani Evap ar­naq im­minut tun­ngasoralugulu ‘kinguaas­saq’ neriorsuutigisaq Kainimut tun­ngasoraa?

8 Taamaap­pat kuk­korujus­suar­poq. Kaini peroriar­tor­nermini angajoq­qaaminit taamatut oqarfigineqar­tarsimaguni pingaakujut­tun­ngorsimas­saaq. Pif­fis­sap ingerlanerani Eva er­ner­taaq­qip­poq, taan­nali pingaar­torsiutigineqan­ngilaq. Abelimik, ‘anersaar­nerin­narmik’ isumaqarunar­tumik, atser­paat. (1 Mos 4:2) Taamatut atsiinermik­kut Abeli isumal­luarfigival­laar­nagu Kainilu pingaar­nerutil­lugu ersersip­paat? Taman­na eq­qoriaan­narsin­naavar­put.

9. Ul­lumik­kut angajoq­qaat Adami Evalu, angajoq­qaat siul­liit, qanoq ilin­niutigisin­naavaat?

9 Ul­lumik­kut angajoq­qaat Adami Evalu, angajoq­qaat siul­liit, ilin­niutigingaarsin­naavaat. Oqaatsis­sigut iliuutsis­sigul­lu meeq­qasi makitanermik, ataq­qineqarusun­nermik nam­minis­sarsior­nermil­lu ilin­niar­tit­tar­pisigit? Imaluun­niit Jehovamik Guutimik asan­nin­nis­saan­nik ikin­nguteqar­nis­saan­nil­lu ilin­niar­terusup­pisigit? Ajoraluar­tumik angajoq­qaat siul­liit akisus­saaf­fitsik suusupagaat. Taamaak­kaluar­torli kinguaavi neriuutis­saqar­put.

Abelip suut uppersuseqarnerulissutigai?

10, 11. Kaini Abelilu sunik suliaqaler­pat, Abelil­lu pis­suseq suna ineriar­tor­tip­paa?

10 Adamip nukap­piaq­qat taak­kua marluk ilaqut­tanik pilersuiniar­nermi sulias­sanik pisariaqar­tunik ilin­niar­tis­simas­savai. Kaini naasoris­saasun­ngor­poq Abelilu savanik paarsisun­ngorluni.

11 Abelili pingaaruteqar­nerusumik iliuuseqar­poq. Ukiut ingerlaneran­ni, Paulusimit kingusin­nerusuk­kut al­laatigineqar­tutut, up­per­nermik ineriar­tor­titsivoq. Abelip nalaani maligas­saal­luar­toqan­ngim­mat taman­na maluginiar­nar­poq. Taavami suut pis­sutigalugit Jehova Guuti up­periler­paa? Abelip up­perlualer­neranut pis­sutaasin­naasut pingasut sam­meriar­tigit.

12, 13. Jehovap pin­ngor­titai Abelip up­per­nik­kut qanoq nakus­satsis­sutigigunar­pai?

12 Jehovap pinngortitai. Jehovap nuna perloq­qoreermagu kapinar­tulin­nik or­pigaqalerlunilu naasupiloqaler­poq nunamik naggorlut­tun­ngor­titsisunik. Taamaak­kaluar­torli nuna Abelip ilaqutaasalu inuus­sutigisin­naasaan­nik naatitar­pas­suaqar­poq. Uumasut, tim­mis­sat, aalisak­kat, qaq­qat, tatsit, kuus­suit, imaq, qilak, nuis­sat, seqineq, qaam­mat ul­loris­sal­lu perloq­quneqan­ngil­lat. Abelip takusai tamarmik  Jehovap Guutip sunik tamanik pin­ngor­titsisup asan­ningaar­neranik, siuneqas­suseqangaar­neranik ajun­ngis­susianil­lu ersersitsip­put. (Romamiut 1:20 atuaruk). Abelip pin­ngor­titat Guutil­lu pis­susii eq­qarsaatigeq­qis­saaraangamigit up­per­nik­kut nakus­satsit­tar­poq.

Abeli pin­ngorti­tanik qimer­luuisar­ner­migut Pin­ngorti­tsisup asan­nittup upperinis­saanut tun­ngavis­saqar­lua­lerpoq

13 Abeli qular­nan­ngitsumik Jehovamik eq­qarsaatigin­nin­nis­samut pif­fis­saqar­tar­poq. Savaatiminik paarsisoq takorlooruk. Savanik paarsisuugami pisungaatsiar­tar­poq. Qaq­qat itivil­lugit, qooq­qutigoorluni kuus­suil­lu ikaarlugit uumasut ivigar­torfis­sanut qorsooq­qis­sunut, tatsinut unin­ngaarfis­sanul­lu isuman­naatsunut siulersor­tar­pai. Savat inun­nit siulersor­neqar­nis­samik ser­nis­sor­neqar­nis­samil­lu pisariaqar­titalit­tut pin­ngor­tin­neqarunaramik Guutip pin­ngor­titaanit tamanit ikior­tariaqar­ner­paar­pasip­put. Abelip paasivaa aam­ma nam­mineq inun­nit pis­saaneqar­nerungaar­tumik siulersor­neqar­nis­samik, ser­nis­sor­neqar­nis­samik isumas­sor­neqar­nis­samil­lu pisariaqar­titsil­luni? Qular­nan­ngitsumik tamak­ku pil­lugit qinoqat­taar­tar­poq, tamatumalu kingunerisaanik up­per­nini ineriar­tor­tip­paa.

14, 15. Jehovap neriorsuutaanut tun­ngatil­lugu Abelip suut eq­qarsaatigeq­qis­saar­tarunar­pai?

14 Jehovap neriorsuutai. Adamip Eval­lu naatsiivim­mit Edenimit anisitaanermin­nut pis­sutaasut er­nermin­nut oqalut­tuarisarsimas­savaat. Taamaat­tumik Abelip eq­qarsaatigeq­qis­saagas­sai amerlap­put.

15 Jehova oqar­poq nuna perloq­qunarsis­sasoq. Abelip naasupiluit or­pik­kal­lu kapinar­tul­lit takugamigit oqaatsit taak­kua ilumoor­nerat paasivaa. Jehovap aam­ma siulit­tuutigaa naar­tuneq er­nisun­nerlu Evamut naal­liuutaas­sasut. Abelip aam­ma qatan­ngutini inuugaangata taman­na qular­nan­ngitsumik up­per­narsisar­paa. Jehovap siulit­tuutigaa Eva uiminit asaneqar­nis­samik soqutigineqar­nis­samil­lu ingasat­tumik pisariaqar­titsis­sasoq, Adamilu nuliaminut naalagaas­sasoq. Abelilu pis­sutsinut alianar­tunut tamak­kunun­nga isigin­nit­tuuvoq. Tamak­ku tamaasa pis­sutigalugit Jehovap oqaasiisa tutsuiginarluin­nar­tuunerat Abelip up­per­narsivaa. Taamaat­tumik Guutip ‘kinguaas­saq’, Edenimi ajor­toqaler­neranut pis­sutaasunik aaq­qiisus­saq, pil­lugu neriorsuutaata up­perinis­saanut Abeli pis­sutis­saqarluar­poq. – 1 Mos 3:15-19.

16, 17. Jehovap kerubii Abelip qanoq ilin­niarfigigunar­pai?

 16 Jehovap kiffai. Taamani Abeli maligas­saal­luar­tunik ilaqutaqan­ngik­kaluar­toq al­lanik silas­soris­sunik nunamiit­tunik pin­ngor­titaqar­poq. Adami Evalu naatsiivim­mit Edenimit anisitaareermata Jehovap taak­ku kinguaavilu paratiisimut nunarsuarmiit­tumut tamatumun­nga isersin­naatin­ngilai. Edenimut iser­toqan­ngin­nias­sam­mat Jehovap kerubit – in­ngilit qaf­fasis­sumik inis­sisimaf­fil­lit – panalu ikumasoq kaavit­tuar­toq isaariaanut inis­sip­pai. – 1 Mosesi 3:24 atuaruk.

17 Takorlooruk Abelip nukap­piaraal­luni kerubit taak­ku isigin­naarai. Taak­ku inut­tut timeqarmata pis­saaneqangaar­nerat takusin­naavaa. “Panalu” ikumasoq kaavit­tuar­toq aam­ma mianer­nangaar­poq. Abelip peroriar­tor­nermini kerubit taak­ku susas­saaleqisut nak­kutigisamin­nil­luun­niit qimatsisut takuai? Naamik. Ukior­pas­suar­ni ul­loq un­nuarlu pin­ngor­titat sianis­susil­lit pis­saaneqangaar­tul­lu taak­ku inis­samin­niit­tuar­put. Taamaalil­luni Abelip paasivaa Jehova Guuti naaper­tuil­luar­tunik aalajaatsunil­lu kif­faqar­toq. Abelip Jehovamut tun­niusimaneq naalan­nerlu ilaqut­tami pis­suserin­ngisaat kerubini taak­kunani takuai. Qular­nan­ngitsumik in­ngilit maligas­saal­luar­nerat up­per­nik­kut nakus­satsis­sutigaa.

Abelip inuu­nini tamaat kerubit Jehovamut aala­jaal­lutillu naalal­lutik kif­far­tortut takusin­naavai

18. Ul­lumik­kut suut tun­ngavigalugit up­per­nitsin­nik ineriar­tor­titsisin­naavugut?

18 Jehovap pin­ngor­titani, neriorsuutini in­ngilimilu maligas­siaat aq­qutigalugit im­minut tun­ngasut paasinarsisitaasa eq­qarsaatigeq­qis­saar­tar­nerisigut Abeli up­perluar­neruleriar­tuin­nar­poq. Maligas­siaa ilin­niarfigingaarsin­naavar­put. Ingam­mik inuusut­tut qiim­mas­saatigisin­naavaat paasil­lugu ilaqut­tat qanorluun­niit ilior­niarlutik aalajangeraluar­pata Jehovamut Guutimut piviusumik  up­persuseqalersin­naal­lutik. Uagut ul­lumik­kut pin­ngor­titat alutor­nar­tut, Biibili tamaat pigisar­put Jehovamul­lu aalajaal­lutik kif­far­tor­tor­pas­suit maligas­siaat iluaqutigalugit up­per­nitsin­nik ineriar­tor­titsinis­samut tun­ngavis­saqarluar­pugut.

Sooq Abelip pilliutaa pitsaanerusoq

19. Abelip ilumoor­toq tun­ngaviusoq suna pif­fis­sap ingerlanerani paasivaa?

19 Jehovamut up­per­nerujar­tor­til­luni Abelip up­per­nini iliuutsimigut ersersik­kusuler­paa. Inuin­naagami qilam­mik nunamil­lu pin­ngor­titsisoq sumik tunisin­naagamiuk? Guutim­mi tunineqar­nis­sani inun­nil­luun­niit ikior­neqar­nis­sani pisariaqar­tin­ngilaa. Abelip ilumoor­toq tun­ngaviusoq pif­fis­sap ingerlanerani paasivaa: Eq­qor­tumik pis­sutiginiagaqarluni Ataatani qilam­miusoq asan­nit­toq Jehova pigisaminik pitsaaner­paamik tuniguniuk nuan­naar­tis­sal­lugu.

Kaini assigi­nagu Abeli up­per­luni pil­liute­qarpoq

20, 21. Kaini Abelilu Jehovamut sunik pil­liuteqar­pat, Jehovalu sua?

20 Abeli savaatiminik pitsaanersiuk­kanik pil­liuteqar­nis­saminut piareersaler­poq. “Savaatimi piaq­qeq­qaataasa tun­nuinik pil­liivoq.” (1 Mos 4:4) Kaini aam­ma Guutimit pil­luaq­quneqarusul­lunilu iluarisaarusuk­kami naatitaminik pil­liuteqar­nis­saminut piareersar­poq. Abelitul­li eq­qor­tumik isigin­nit­taaseqan­ngilaq. Qatan­ngutigiit pil­liutis­satik sas­saam­matigit as­sigiin­ngis­sutaat erser­poq.

21 Adamip er­nerisa pil­liinermin­ni ikik­kaaviit atorsimas­savaat im­maqalu kerubit, taamani nunarsuarmi Jehovamut kisiar­taal­lutik sin­niisuusut, tak­kuan­ni pil­liuteqarlutik. Jehovap pil­liuteqar­nerat qanoq isumaqarfigaa? Ima al­las­simavoq: “Naalak­kap Abelip pil­liutaa iluaraa.” Guutip iluarin­nin­nini qanoq ersersin­neraa oqalut­tuami eq­qaaneqan­ngilaq.

22, 23. Sooq Abelip pil­liutaa Jehovap iluaraa?

22 Sooq Abelip pil­liutaa Guutip akueraa Kainil­lu pil­liutaa akuerinagu? Pil­liutaa pis­sutigiin­narlugu? Abelim­mi uumasoq pil­liutigigamiuk aava erlin­nar­toq kuutsip­paa. Abelip pil­lium­mik taamaat­tumik pil­liuteqar­neq qanoq naleqar­tigisoq nalun­ngilaa? Ukiut hundredilip­pas­suit Abelip toqunerata kingor­na Guutip savamik ajoquteqan­ngitsumik pil­liuteqar­neq er­nermi naam­mal­luin­nar­tup pil­liutaanut as­sersuup­paa. ‘Guutip savaaraatut’ Jiisusip aava pisuus­suteqan­ngitsoq kuineqar­tus­saavoq. (Joh 1:29; 2 Mos 12:5-7) Tamatumun­ngali tun­ngasor­pas­suit Abelip ilisimasimanaviar­nagil­lu paasisimanavian­ngilai.

23 Unali nalun­ngil­luin­nar­par­put: Abeli pigisaminik pitsaaner­paamik pil­liuteqar­poq. Jehovap pil­liut iluariin­nar­nagu aam­ma Abeli iluaraa. Abeli Jehovamik asan­nin­nini up­perin­nil­luin­nar­ninilu kajumis­sis­sutigalugit iliuuseqar­poq.

24. (a) Sooq oqarsin­naavugut Kainip pil­liutaa im­mini ajun­ngitsoq? (b) Kaini inup­pas­suil­lu nalitsin­ni inuusut qanoq as­sigiis­suteqar­pat?

 24 Kainimut tun­ngatil­lugu taamaan­ngilaq. Jehovap Kaini taas­sumalu pil­liutaa iluarin­ngilai. (1 Mos 4:5) Pil­liutaa im­mini ajun­ngilaq; kingusin­nerusuk­kut Guutip inatsisaani naatitanik pil­liuteqar­toqarsin­naanera akuerineqar­poq. (3 Mos 6:7, 8) Biibilimili al­las­simavoq ‘Kainip suliai ajor­tuusut’. (1 Johannesi 3:12 atuaruk). Inup­pas­suit ul­lumik­kut isumaqar­nerat­tut Kaini isumaqarunar­poq al­lat tak­kuan­ni Guutimut tun­niusimaneq naam­mat­toq. Iliuusaanit ingerlaan­naq erser­poq Jehova qaman­nga pisumik up­perinagulu asan­ngik­kaa.

25, 26. Jehovap Kaini qanoq mianersoq­quaa, Kainili sua?

25 Kainip paasigamiuk Jehovamit iluarineqar­nani Abelip maligas­siaa ilin­niarfigaa? Naamik. Qatan­ngutini uumigingaaler­paa. Uum­mam­miui Jehovap takusin­naagamigit kamagit­tarluni Kaini eq­qarsalersin­niar­paa. Ingasat­tumik ajor­tulioq­qajaaneranik mianersoq­quaa oqarfigalugulu al­lamik isumataaruni ‘niaq­quni makitis­simasin­naagaa’. – 1 Mos 4:6, 7.

26 Guutip mianersoq­qusinera Kainip suusupagaa. Nuk­kani im­minik tatigin­nit­toq aperaa narsaam­mi pisut­tuaqatigerusun­neraani. Tas­sani Abeli saas­sup­paa toqul­lugulu. (1 Mos 4:8) Oqar­toqarsin­naavoq Abeli siul­ler­paal­luni up­perisarsior­nik­kut malersugaasoq up­per­ninilu pil­lugu toqutaasoq. Toqugaluar­toq Jehovap Abeli puiun­ngilaa.

27. (a) Sooq qularin­ngil­luin­narsin­naavar­put Abeli makititaajumaar­toq? (b) Abeli naapik­kumal­lugu susariaqar­pugut?

27 Abelip aava Jehovamut Guutimut akiniuteq­qul­luni naaper­tuil­luar­tuliorfigeq­qul­lunilu torlulavorlusooq. Pinerlut­tuliaa pil­lugu Guutip Kaini ajor­toq pil­laramiuk naaper­tuil­luar­neq atuutsip­paa. (1 Mos 4:9-12) Pingaar­ner­tul­li, Abelip up­per­nera uagutsin­nut oqalut­tutut ip­poq. Inuunera – im­maqa hundredit mis­siliorlugit ukioqar­nera – taamanik­kut inuuneq­qor­tuneq eq­qarsaatigalugu sivikip­poq, inuuninili ajun­ngitsumik ator­paa. Ataataminit qilam­miusumit, Jehovamit, asaneqar­nini iluarineqar­ninilu ilisimaaralugit toquvoq. (Hebr 11:4) Taamaat­tumik qularin­ngil­luin­narsin­naavar­put Jehovap kil­leqan­ngitsumik eq­qaaman­nis­sin­naanerminiitik­kaa nunarsuarmilu paratiisiusumi inuunermut makitik­kumaaraa. (Joh 5:28, 29) Naapik­kusup­piuk? Abeli ‘suli oqalut­toq’ tusar­naaruk­ku up­per­nik­kul­lu ilaaruk­ku naapis­sin­naavat.

^ par. 5 Oqaatsini “silarsuup tun­ngaviler­neqar­nera”-ni naatsiias­sanik siaruar­terineq, tas­sa naatitsineq, pineqarmat inuit siul­liit kinguaas­siuler­nerat pineqar­poq. Taavami sooq Jiisusip Kaini siul­liul­luni inun­ngor­toq pin­nagu Abeli ‘silarsuup tun­ngaviler­neqar­neranut’ atas­suser­paa? Kainip aalajangiisar­nermigut iliuutsimigul­lu Jehovamut Guutimut piaaraluni pikitsitsinini ersersik­kamiuk. Kainip taas­sumalu angajoq­qaavisa uter­titsis­sum­mik iluaqutigin­nin­nis­saat toqusunil­lu makititaanis­saat ilimanar­pasin­ngilaq.