Jiisusi toquvoq uagut inuusinnaaqqulluta. Johannesi 3:16

Jiisusip toquneranit ullut pingasut qaangiuttut arnat arlallit ilerranut apuukkamik paasivaat ilerra imaqanngitsoq. Jehovap Jiisusi toqusunit makitissimavaa.

Kingusinnerusukkut Jiisusi apustilinut saqqummertarpoq.

Aap, Jehovap Jiisusi anersaajusutut pissaaneqangaartutut toqusuitsutut makitissimavaa. Jiisusip ajoqersugai qilaliarneranik takunnittuupput.

 Guutip Jiisusi makitippaa, naalagaaffimminilu kunnginngortippaa. Danieli 7:13, 14

Jiisusip inuunini pilliutigaa inuiaat utertinneqaatissaattut. (Matthæusi 20:28) Utertitsissut taanna iluaqutigalugu Guutip naassaanngitsumik inuunissamut periarfissippaatigut.

Jehovap Jiisusi nunarsuarmut kunngiusussatut toqqarsimavaa. Inuit 144.000-it aalajaatsut nunarsuarmeersut qilammut makititaasut Jiisusi qilammeeqatigissavaat. Jiisusi 144.000-illu qilammi naapertuilluartumik naalakkersuisuussapput — Guutip naalagaaffiani. — Saqqummersitat 14:1-3.

Guutip naalagaaffia nunarsuarmik paratiisinngortitsissaaq. Sorsuttoqarunnaassallunilu pinerluttuliortoqarunnaassallunilu piitsoqarunnaassallunilu kaattoqarunnaassaaq. Inuit nuannaartuussallutillu pilluartuussapput. — Tussiaat 145:16.