Imarisai

Saqqaata tullia

Imai

Jehovap Nalunaajaasui

Kalaallisut

Tusagassat nuannersut Guutimeersut!

 ILINNIAGASSAQ 10

Upperisarsiorneq eqqortoq sorliunersoq qanoq paasineqarsinnaava?

Upperisarsiorneq eqqortoq sorliunersoq qanoq paasineqarsinnaava?

1. Upperisarsiorneq eqqortoq ataasiinnaava?

“Pruf­fiitioq­quser­sunut mianersoritsi.” — MATTHÆUSI 7:15.

Jiisusip ajoqersuk­kaminut up­perisarsiorneq ataasiin­naq, tas­sa eq­qortoq, ilin­niartitsis­sutigaa. Taan­na aq­qum­mut inuunerup naas­saan­ngitsup tungaa­nukar­tumut as­sersuup­paa imalu oqarluni: ‘Ikit­tuin­naap­put taas­sumin­nga nanisisut!’ (Mat­thæusi 7:14) Guutip pal­lorfigin­nin­neq oqaatsiminik, Biibilimik, tun­ngavilik kisiat akueraa. Ilumoortumik pal­lorfigin­nit­tut tamarmik ‘up­perisami ataatsimi’ ataasius­suseqarput. — Atuakkit Johannesi 4:23, 24; 14:6; Efesosimiut 4:4, 5.

2. Kristumiut ilumuunngitsut pillugit Jiisusi qanoq oqarpa?

“Nas­sueru­tigisar­paat Guuti ilisimal­lugu, uf­fali suliamik­kut miser­ratigalugu.” — TITUSI 1:16.

Jiisusip mianersoqqus­sutigaa pruf­fiitioq­qusersut kristumius­sutsimik al­lan­ngortitsisut saq­qum­mernis­saat. Taak­ku qal­lik­kut kristumiuu­sorinarsin­naap­put ilumoortut, nam­min­nerlu kristu­miuunera­raluarput. Ilumul­li kristumiuu­nersut paasineqarsin­naavoq. Qanoq? Taamaal­laat up­perisar­siornermi eq­qortumi ilumoortunik kristumioqarpoq Biibilimi pis­susereq­quneqartunik iliuusereq­qune­qartunil­lu maleruaasunik. — Atuakkit Matthæusi 7:13-23.

3. Ilumoortumik pallorfiginnittut kikkuunersut qanoq paasineqarsinnaava?

Ilisarnaataasut tal­limat uku eq­qarsaa­tigik­kit:

  • Ilumoortumik pallorfiginnittut Biibili Guutip oqaasiatut ataqqivaat. Najoq­qutas­sianik Biibilimiit­tunik maleruaaniartuup­put. Tas­sa up­perisaq ilumoortoq up­perisanit inuit isumaan­nik aal­laavilin­nit al­laane­ruvoq.  (Matthæusi 15:7-9) Ilumoortumik pal­lorfigin­nit­tut ilin­niartitsis­sutigisatik malil­lugit inuup­put. — Atuakkit Johannesi 17:17; 2 Timotheusi 3:16, 17.

  • Jiisusip ajoqersugai ilumoortut Guutip aqqanik, Jehovamik, atuinermikkut ataqqinnipput. Jiisusi Guutip aq­qanik ilisiman­nilersit­sisarner­migut ataq­qin­nip­poq. Inuit al­lat Guutimik ilisarisiman­nilersit­tarpai Guutil­lu aq­qa il­lernar­siseq­qul­lugu qinusarnis­saan­nik ilin­niartit­tarlugit. (Matthæusi 6:9) Najuk­kan­ni up­perisar­siortut sorliit Guutip aq­qanik atuip­pat? — Atuakkit Johannesi 17:26; Romamiut 10:13, 14.

  • Kristumiut ilumoortut Guutip naalagaaffia oqaluussissu­tigisarpaat. Guutip Jiisusi nunarsuarmut aal­lartip­paa naalagaaf­fini pil­lugu nutaarsias­samik nuan­nersumik oqaluus­sis­sutigin­neq­qul­lugu. Jiisusi toqus­si tikil­lugu Guutip naalagaaf­fia pil­lugu oqaluus­siuarpoq. (Lukasi 4:43; 8:1; 23:42, 43) Aam­ma oqarpoq ajoqersuk­kami naalagaaf­fik taan­na oqaluus­sis­sutigis­sagaat. Inuit arlaata Guutip naalagaaf­fia pil­lugu oqaloqatiginiarlutit saaf­figip­patit taas­suma up­perisarsiortunut sorlernut ilaanis­saa ilimanarnerpaava? — Atuaruk Matthæusi 24:14.

  • Jiisusip malittai silarsuarmut ajortumut matumunnga ilaanngillat. Politik­kimut akerleriin­nernul­lu peqataasan­ngin­nertik ilisarnaatigaat. (Johan­nesi 17:16; 18:36) Aam­mat­taaq iliuutsit isum­mal­lu ajoqutaasut silarsuarmi maani nalingin­naasut ilaarnaveersaartarpaat. — Atuaruk Jaaku 4:4.

  • Kristumiut ilumoortut immikkorluinnaq ittumik asaqatigiipput. Biibili atorlugu nag­gueqatigiis­suseq apeq­qutaatin­nagu inuit tamaasa ataq­qinis­saat ilin­niartarpaat. Up­perisarsiornerit eq­qun­ngitsut inuiaat sorsun­nerinik as­sut tapersersuisarput, kristumiul­li ilumoortut taamaaliorumaneq ajorput. (Mika 4:1-3) Kristumiut ilumoortut nam­minis­sarsioratik pif­fis­sartik nukitil­lu al­lanik ikiuinermut kajumis­saari­nermul­lu atortarpaat. — Atuakkit Johannesi 13:34, 35; 1 Johannesi 4:20.

4. Upperisarsiorneq ilumoortoq sorliusoraajuk?

Up­perisarsioqatigiit sorliit ilin­niartitsis­sutigisatik tamaasa Guutip oqaasianit tun­ngaveqartip­paat, Guutip aq­qanik atuip­pat, taas­sumalu naalagaaf­fia inuiaat neriuutis­satuaat­tut oqaluus­sis­sutigaat? Kik­kut tul­lermin­nik asan­nit­tuul­lutil­lu sorsun­nerni peqataaneq ajorpat? Il­lit qanoq isumaqarpit? — Atuakkit 1 Johannesi 3:10-12.