Imarisai

Saqqaata tullia

Imai

Jehovap Nalunaajaasui

Kalaallisut

Tusagassat nuannersut Guutimeersut!

 ILINNIAGASSAQ 6

Toqusimasunut sumik neriuutissaqarpa?

Toqusimasunut sumik neriuutissaqarpa?

1. Toqusimasut pillugit tusagassaq nuannersoq suua?

Jiisusi il­loqarfim­mut Betaniamut Jerusalemip eq­qaaniit­tumut apuum­mat ikin­ngutaa Lazarusi ul­luni sisamani toqungareerpoq. Jiisusi taas­suma iler­ranukarpoq Martha Marialu, toqusup qatan­ngutai, ilagalugit. Erniin­naq inup­pas­suit katersuup­put. Takorloorsin­naaviuk Martha Marialu qanoq nuan­naartigisimas­sasut Jiisusip Lazarusi uum­marteq­qim­magu? — Atuakkit Johannesi 11:21-24, 38-44.

Marthap toqusimasut pil­lugit tusagas­saq nuan­nersoq ilisimareerpaa. Nalun­ngilaa Jehovap toqusimasut nunarsuarmi inuuleq­qis­sin­naan­ngortil­lugit makitik­kumaarai. — Atuaruk Esaja 26:19.

2. Toqusimasut arlaannut ingerlaqqittarpat?

Guutip Adami ima oqarfigaa: ‘Is­sumit pivutit, is­sun­ngus­saatil­lu.’ — 1 MOSESI 3:19.

Inuit is­sumit pin­ngortin­neqarput; anersaajunata timiuvugut uiniusut. (1 Mosesi 2:7; 3:19) Tas­sa ilutsin­niit­toqan­ngilaq toqunermi ingerlaq­qit­tartumik. Toqugut­ta aam­ma qarasarput toqus­saaq, taamaalil­luta eq­qarsarsin­naajun­naas­saagut. Taamaat­tumik Lazarusi toqunganermini qanoq misigisaqarsimanerminik oqalut­tuan­ngilaq, toqusum­mi malugis­suseqan­ngil­luin­narput. — Atuakkit Tussiaat 146:4; Oqaluussisartup oqaasii 9:5, 6, 10.

Guutip inuit toqunerisa kingorna in­nermik an­niartit­tarpai? Biibilimi ajoqersuutigineqarmat toqusut malugis­suseqan­ngitsut an­niarfim­mik ikualasumik ajoqersuut eq­qun­ngil­luin­nartuuvoq Guutimut nar­runarsaataasoq. In­nermi inun­nik an­niartitsineq eq­qarsaatigisin­naan­ngilaaluun­niit, taman­nami taas­sumun­nga maajun­nartuuvoq. — Atuaruk Jeremia 7:31.

 3. Toqusimasut oqaluussinnaavaatigut?

Toqusimasut oqalus­sin­naanatil­lu tusaasin­naan­ngil­lat. (Tus­siaat 115:17) Ajortunil­li in­ngileqarpoq, taak­kulu ilaan­nik­kut toqusimasuu­saarlutik inuit oqaluut­tarpaat. (2 Petrusi 2:4) Jehovap toqusimasunik oqaloqateqar­niartarneq inerteq­qutigaa. — Atuakkit 5 Mosesi 18:10, 11.

4. Kikkut inuuleqqikkumaarpat?

Inuit mil­lionilip­pas­suit toqusimasut nunarsuarmi inuuleq­qit­tus­saap­put. Al­laat Guutimik ilisarisiman­nin­ngitsunik ajortuliortartunik makit­toqas­saaq. — Atuakkit Tussiaat 37:29; Apustilit Suliaat 24:15.

Makititaasus­sat Guuti pil­lugu ilumoortumik ilin­niarsin­naas­sal­lutil­lu Jiisusimut up­pertun­ngorsin­naas­sal­lutil­lu naalat­tun­ngorsin­naas­sap­put. (Saqqummersitat 20:11-13) Inuuleq­qit­tus­sat ajun­ngitsu­liortut nunarsuarmi naas­saan­ngitsumik inuulernertik nuan­naarutigiu­maar­paat. — Atuakkit Johannesi 5:28, 29.

5. Toqusunit makititsinissaq Jehova pillugu sumik ersersitsiva?

Guutip ernini aal­lartim­magu uagut pil­luta toqusus­san­ngortil­lugu toqusimasunut neriuutis­saqarpoq. Tas­sa toqusunit makititsineq Jehovap uagutsin­nik asan­nin­neranut uagutsin­nul­lu ajun­ngisaarneranut takus­sutis­saavoq. Toqusimasut makititaap­pata ingam­mik kik­kut naapik­kusus­sin­naavigit? — Atuakkit Johannesi 3:16; Romamiut 6:23.