Imarisai

Imai

Jehovap Nalunaajaasui

Oqaatsit toqqakkit Kalaallisut

 ILINNIAGASSAQ 7

Guuti uagutsinnik qanoq naalakkersuissava?

Guuti uagutsinnik qanoq naalakkersuissava?

1. Guuti qanoq uagutsinnik naalakkersuissava?

Sooq Jiisusi kun­ngiusus­satut piuk­kun­narner­paava? — MARKUSI 1:40-42.

Jehovap ernini, Jiisusi, qilam­miit kun­ngitut naalak­kersuinis­saanut toq­qarsimavaa. — Atuaruk Saqqummersitat 11:15.

Guutip inuit naalak­kersue­riaasii tamaasa suujun­naarsis­sal­lugil­lu Jiisusi nunarsuarmut tamarmut naalak­kersuisun­ngortis­savaa. Taamaalil­luni Guutip piumasaa qilam­mi nunamilu pis­saaq. Qanit­tuk­kut Guutip naalagaaf­fiata inuiaat pisariaqartitaat, naalak­kersuisut iluamik aqutsisut, inuian­nut naalak­kersui­lersik­kumaarpai nunarsuarmiit­tunil­lu tamanik ataasius­suseqa­lersitsis­sal­luni. Taman­na tusagas­saavoq nuan­nersoq, ilaa? — Atuakkit Danieli 2:44; Matthæusi 6:9, 10; 24:14.

2. Sooq Jiisusi kunngiusussatut piukkunnarnerpaava?

Guutip ernera kun­ngiusus­satut piuk­kun­narnerpaavoq inus­siarnersuul­lunilu eq­qortunik aalajangiusiman­nit­tuugami. (Johan­nesi 1:14) Aam­ma inun­nik ikiuinis­samut pis­saaneqarpoq qilam­mit nunarsuarmut naalak­kersuisus­saagami. Toqusunit makititaanermi kingorna qilaliarpoq, Jehoval­lu talerpiata tungaani is­siavoq kun­ngin­ngortin­neqarnis­sani utaq­qil­lugu. (Hebræerit 10:12, 13) Kingusin­nerusuk­kut Guutip Jiisusi naalak­kersuileq­qul­lugu pis­saanermik tunivaa. — Atuakkit Danieli 7:13, 14.

3. Kikkut Jiisusip naalakkersueqatigissavai?

Jiisusip eqimat­tat ‘il­lernar­tunik’ taaneqartut qilam­miit naalak­kersueqatigis­savai. (Danieli 7:27) Il­lernartut toq­qarneqartut siul­liit tas­saap­put Jiisusip apustilii aalajaatsut. Taamanimiil­li Jehovap angutit arnal­lu aalajaatsut ‘il­lernartutut’ toq­qartar­simavai. Taak­ku Jiisusitut anersaajusutut makititaasarput. — Atuakkit Johannesi 14:1-3; 1 Korinthimiut 15:42-44.

 Inuit qilaliartus­sat qas­siup­pat? Jiisusip taak­ku ‘savarpan­nguanik’ taavai. (Lukasi 12:32) Nag­gataatigut 144.000-in­ngus­sap­put. Taak­ku nunarsuarmut naalak­kersuis­sap­put Jiisusi peqatigalugu. — Atuaruk Saqqummer­sitat 14:1.

4. Jiisusi naalakkersuilermat qanoq pisoqarpa?

Guutip naalagaaf­fia 1914-imi aqutsilerpoq. * Jiisusip kun­ngin­ngoreerami iliuusereq­qaagaa tas­sa Saatani anersaapiluilu nunarsuarmut igil­lugit. Saatani kamat­torsuan­ngorlunilu nunarsuaq tamak­kerlugu ajornartorsior­titsilerpoq. (Saq­qum­mersitat 12:7-10, 12) Taamanimiil­li inuit ajornartorsiutaat ingasatsik­kalut­tuin­narput. Sorsun­nerit, kaan­nersuit, nap­paalanerit nunal­lu sajun­neri Guutip naalagaaf­fiata qanit­tuk­kut nunarsuarmut tamak­kiisumik naalak­kersuilernis­saanut ilisarnaataasut ilagaat. — Atuakkit Lukasi 21:7, 10, 11, 31.

5. Guutip naalagaaffia qanoq iluaqutigaarput?

Al­laat ul­lumik­kut Guutip naalagaaf­fia silarsuaq tamak­kerlugu oqaluus­sisoqarneratigut inup­pas­suarnik inuiaqatigiin­nit tamaneersunik katersuisitsivoq. Inuit maniguut­tut mil­lionil­lit Jiisusimut naalan­nermik­kut ataasius­suseqalerlutil­lu Guutip naalagaaf­fianut in­nut­tan­ngortarput. Nunarsuarmi pis­sutsit ajortut suujun­naarsin­neqarpata taak­ku Guutip naalagaaf­fianit il­lersorneqa­ru­maar­put. Taamaat­tumik Guutip naalagaaf­fiata aqutsineranik iluaqutigin­nik­kumasut tamarmik Jiisusimut naalan­nis­sartik ilin­niar­taria­qarpaat. — Atuakkit Saqqummersitat 7:9, 14, 16, 17.

Ukiut 1000-it ingerlaneran­ni Guutip inun­nut aal­laq­qaam­mut siunertaa Guutip naalagaaf­fianit naam­mas­sineqas­saaq. Nunarsuaq tamarmi paratiisin­ngus­saaq. Nag­gataatigul­lu Jiisusip Naalagaaf­fik Ataataminut tun­niuk­kumaarpaa. (1 Korinthimiut 15:24-26) Il­lit kik­kut Guutip naalagaaf­fia pil­lugu oqalut­tuuk­kusup­pigit? — Atuakkit Tussiaat 37:10, 11, 29.

 

^ par. 6 Biibilimi ukioq 1914 pil­lugu siulit­tuuteqarpoq. Paasisaqarnerorusuk­kuit takuk­kit atuak­kami Biibilimi sorpiaat ajoqersuutigineqarpat?-mi, qupp. 215-218.