Imarisai

Saqqaata tullia

Imai

Jehovap Nalunaajaasui

Kalaallisut

Tusagassat nuannersut Guutimeersut!

 ILINNIAGASSAQ 2

Guuti kinaava?

Guuti kinaava?

1. Sooq Guuti pallorfigisariaqarparput?

Guuti ilumoortoq sunik tamanik pin­ngortitsisuuvoq. Aal­lartif­feqan­ngilaq, aam­ma piujuaan­nas­saaq. (Tus­siaat 90:2) Tusagas­sat nuan­nersut Biibilimi atuarneqarsin­naasut Guutimeersuup­put. (1 Timotheusi 1:11) Guutip inuunermik tunim­matigut taan­na kisiat pal­lorfigi­saria­qarparput. — Atuaruk Saqqummersitat 4:11.

2. Guuti kinaassusilittut qanoq ittuua?

Guuti inum­mit kimil­luun­niit takuneqan­ngisaan­narsimavoq anersaajugami — tas­sa pin­ngortitanit timiusunit nunamiit­tunit qutsin­neruvoq. (Johan­nesi 1:18; 4:24) Guutil­li kinaas­susilit­tut pis­susii taas­suma pin­ngortitaani maluginiarsin­naavavut. As­sersuu­tigalugu nerisas­sat naasul­lu as­sigiin­ngitsorpas­suuneran­nit Guutip asan­nin­nera ilisimas­susialu erserput. Pis­saaneralu avataarsuata anginerujus­suanit erserpoq. — Atuaruk Romamiut 1:20.

Guutip kinaas­susia pil­lugu paasisaqar­nerusin­naavugut Biibilimik atuartar­nitsigut. As­sersuu­tigalugu Biibilimi al­las­simavoq Guutip suut iluarinerai suul­lu iluarin­ngin­nerai, inun­nik qanoq pin­nit­tarnera aam­ma pisuni as­sigiin­ngitsuni qanoq iliuuseqar­tarnera. — Atuakkit Tussiaat 103:7-10.

3. Guuti ateqarpa?

Jiisusi ima oqarpoq: “Ataatarput qilan­niit­tutit! Aqqit illernar­titaali.” (Matthæusi 6:9) Guuti taaguu­terpas­suaqa­raluar­luni ataasiin­narmik ateqarpoq. Guutip aq­qa oqaatsini as­sigiin­ngitsuni as­sigiin­ngit­sumik taaneqartarpoq. Ukiorpas­suarni kalaal­lisut imatut taaneqartar­simavoq: “Jehova.” Inuil­li ilaasa imatut taasarpaat: “Jahve.” — Atuaruk Tussiaat 83:19.

Biibilerpas­suarni Guutip aq­qa taaguutinik Naalak­kamik imaluun­niit Guutimik taarser­neqar­tarpoq. Biibilili al­lan­neqarmat Guutip aq­qa 7000-it mis­siliorlugit atorneqar­simavoq. Jiisusip Guutip aq­qa ilisimalersip­paa Guuti pil­lugu ilin­niartit­sigami. — Atuaruk Johan­nesi 17:26.

 4. Jehovap soqutigaatigut?

Ataataasup asannittup uuma pisimaneratut Guutip siunissarput ungasinnerusoq eqqarsaatigaa

Naal­liuuterpas­suaqarmat imaap­pa Jehova Guutiusoq uagutsin­nik soqutigin­nin­ngitsoq? Inuit ilaat oqartarput Guuti us­serniarluta, imaluun­niit misilin­niarluta, naal­liutsitsi­sartoq — taman­nali ilumuun­ngilaq. — Atuaruk Jaaku 1:13.

Guutip pingaartik­kamisigut nam­mineq aalajangiisin­naatip­paatigut. Guutimut kif­fartus­sanerluta nam­mineq aalajangersin­naanerput qujamasuu­tigaarput, ilaa? (Josva 24:15) Inup­pas­suil­li ajortuliorniarlutik aalajangertarput, taamaat­tumil­lu naal­liun­nartorpas­suaqarpoq. Taman­nalu Jehovap aliasuutigaa. — Atuakkit 1 Mosesi 6:5, 6.

Jehova Guutiugami uagutsin­nik soqutigin­nit­toq kis­saatigaa inuuneq nuan­naarutigis­sagip­put. Qanit­tuk­kut naal­liuutit tamak­kunun­ngalu pis­sutaasut atuuk­kun­naarsis­savai. Pif­fis­samili kil­lilim­mi naal­liuutit atuuk­kal­larnis­saan­nik akuerin­nin­nerminut pis­sutis­saqarluarpoq. Ilin­niagas­sami 8-mi tamatumun­nga pis­sutaasoq suunersoq sam­mis­savarput. — Atuakkit 2 Petrusi 2:9; 3:7, 13.

5. Qanoq Guutimut attaveqarlualersinnaavugut?

Jehovap kajumis­saarpaatigut im­minut qinunik­kut qanil­leq­qul­luta. Tamat­ta im­mik­kut soqutigaatigut. (Tus­siaat 65:3; 145:18) Isumak­keerfigin­nik­kumasarpoq. Ilaan­nik­kut kuk­kusaraluartugut im­minut iluaritin­niarluta ilungersornivut maluginiartarpai. Taamaat­tumik naam­mal­luin­nan­ngitsuugaluarluta Guutimut at­taveqar­luarsin­naavugut. — Atuak­kit Tussiaat 103:12-14; Jaaku 4:8.

Jehovap inuunermik tunim­matigut taan­na al­lanit tamanit asanerus­savarput. (Markusi 12:30) Guuti pil­lugu ilin­niartuarnik­kut taas­sumalu piumasaatut iliortuarnik­kut Guutimik asan­nin­nin­nik ersersitsiguit taas­sumun­nga at­taveqar­luar­nerulis­saatit. — Atuakkit 1 Timotheusi 2:4; 1 Johannesi 5:3.