Imarisai

Saqqaata tullia

Jehovap Nalunaajaasui

Kalaallisut

Guutip naalagaaffia suua?

Guutip naalagaaffia suua?

Tassaasoraajuk ...

  • uummatitsinniittoq?

  • qilammi ornigassaq?

  • qilammiit naalakkersuinerussava?

 AKISSUT BIIBILIMEERSOQ

“Qilaap Guutiata naalagaaffik qaqugumulluunniit atasussaq pilersikkumaarpaa.” — Danieli 2:44.

“Erneq uatsinnut tunniussaavoq, naalagaassuserlu tuimiugissavaa.” — Esaja 9:5.

TAMANNA QANOQ ILUAQUTIGISINNAAGIT

 BIIBILIMI ALLASSIMASUT UPPERISINNAAVAVUT?

Aap, ilaatigut uku marluk pissutigalugit:

  • Jiisusip takutimmagu Guutip naalagaaffia qanoq naammassisaqarumaartoq. Jiisusip ajoqersukkani Guutip naalagaaffia tikiuteqqullugu Guutillu piumasaa nunami peqqullugu qinusarnissaannik ilinniartippai. (Matthæusi 6:9, 10) Qinnummi tamatumani qinnutigineqartut qanoq eqquukkumaartut Jiisusip takutippai.

    Jiisusip nunarsuarmiikkallarami kaattut nerisippai, napparsimasut ajorunnaarsippai toqusimasunillu uummartitseqqilluni! (Matthæusi 15:29-38; Johannesi 11:38-44) Taamaaliornermigut Jiisusip, Guutip naalagaaffiani kunngiusussap, Naalagaaffik taanna innuttaminut qanoq naammassisaqarumaartoq takutilluarpaa. — Saqqummersitat 11:15.

  • Nunarsuarmi pissutsinit ersermat Guutip naalagaaffia ungasinngitsukkut tikiukkumaartoq. Jiisusip siulittuutigaa Naalagaaffiup nunarsuarmi eqqissisitsinngitsiarnerani sorsunnerit, kaannersuit nunallu sajuttarneri piumaartut. — Matthæusi 24:3, 7.

    Pissutsit taakkorpiaat ullumikkut takusarpavut. Taamaattumik tatigilluinnarsinnaavarput Guutip naalagaaffiata ungasinngitsukkut ajornartorsiutit taakkua tamarluinnaasa atuukkunnaarsissagai.

 EQQARSAATISSIISSUT

Guutip naalagaaffia naalakkersuilerpat pissutsit qanoq ilissappat?

Akissut Biibilimeersoq ukunaniippoq: TUSSIAAT 37:29 aamma ESAJA 65:21-23.