Imarisai

Jehovap Nalunaajaasui

Oqaatsit toqqakkit Kalaallisut

Biibili qanoq isumaqarfigaajuk?

Biibili qanoq isumaqarfigaajuk?

Isumaqarpit ...

  • inunnit atuakkiaasoq?

  • oqaluttualiaasoq?

  • Guutip oqaaserigaa?

 AKISSUT BIIBILIMEERSOQ

“Allakkat Illernartut tamarmik Guutimit isumassarsiarititaapput.” — 2 Timotheusi 3:16, New World Translation.

TAMANNA QANOQ ILUAQUTIGISINNAAGIT

Inuunermi apeqqutinut pingaarutilinnut akissutissarsissutigissavat. — Ussatit 2:1-5.

Siunnersuutinik atoriaannaasunik pissarsissutigissavat. — Tussiaat 119:105.

Siunissamut neriuuteqalissutigissavat. — Romamiut 15:4.

 BIIBILIMI ALLASSIMASUT UPPERISINNAAVAVUT?

Aap, ilaatigut uku pingasut pissutigalugit:

  • Ataqatigiilluinnarmat. Ukiut 1600-t ingerlaneranni inunnit 40-t assigiinngitsunit missaannit Biibili allanneqarpoq. Amerlanerit imminnut naapinnikuunngillat. Taamaakkaluartorli atuagaq tamarmi ataqatigiilluinnarlunilu atuakkami sammisaq ataaseq pingaarnertut allaatigineqarpoq!

  • Allattut unneqqarissuummata. Oqaluttuarisaanermik allaaserinnittartut nunaqqatimi sorsunnerni ajorsarneri isertorniapallattarpaat. Tamatuma akerlianik Biibilimik allattut isertuaratik namminneq kukkussutitik nunaqqatimilu kukkussutaat allaatigisarpaat. — 2 Nalunaarsuutit 36:15, 16; Tussiaat 51:3-6.

  • Siulittuutit eqquuttarmata. Itsaq illoqarfiup Babylonip suujunnaarsitaanissaa ukiut 200-t sioqqullugit Biibilimi pisussaq siulittuutigineqarpoq. (Esaja 13:17-22) Babyloni qanoq tiguarneqassanersoq allaatigineqaannarani aamma tiguaasussap aqqa allaatigineqarpoq. — Esaja 45:1-3.

    Biibilimi siulittuuterpassuit allat annikitsualuttortaat ilanngullugit eqquuttarput. Guutillu oqaasianiittut tamakkua eqquunnissaat naatsorsuutigaarput, ilaa? — 2 Petrusi 1:21.

 EQQARSAATISSIISSUT

Guutip oqaasia inuuninni qanoq iluaqutigisinnaaviuk?

Akissut Biibilimeersoq ukunaniippoq: ESAJA 48:17, 18 aamma 2 TIMOTHEUSI 3:16, 17.