Imarisai

Imai

Jehovap Nalunaajaasui

Oqaatsit toqqakkit Kalaallisut

 ILINNIAGASSAQ 24

Suliarput qanoq ililluni aningaasalersorneqarpa?

Suliarput qanoq ililluni aningaasalersorneqarpa?

Nepali

Togo

Tuluit Nunaat

Peqatigiif­fipput ukiut tamaasa Biibilinik Biibili­lersaa­rutinil­lu 100 mil­lionilik­kuutaanik saq­qummersit­sil­lunilu akiliisit­sinani nas­sius­suisar­poq. Naalagaaf­filersaarfiit immik­koortortaqarfiil­lu sanaartor­lugil­lu aserfal­lat­saaliortar­pavut. Betelimi sulisut ajoqersuiartortital­lu tuusintilik­kuutaat aningaasatigut tapersertar­pavut, ajunaarnersuaqaraangal­lu ikiuiniar­toqarnis­saa isumagisar­par­put. Immaqa ima eq­qarsar­putit: ‘Tamak­ku tamarmik qanoq aningaasalersorneqar­pat?’

Pissarsiat qulinginik, ilaasortaa­nermut akiliu­tinik aningaa­sanil­luunniit kater­suisit­sineq ajor­pugut. Oqaluus­sinermut tun­ngatil­lugu suliar­put akisugaluartoq aningaasanik qin­nuteqarneq ajor­pugut. Ukiut 100-t matuma siorna Napasuliaq Alapernaarsuiffik-up tulut­tuup normuata aappaan­ni al­las­simavoq upperigipput Jehova ikiortiga­lutigu, ‘taamaat­tumik tapersersoq­qul­luta inuit qin­nuuloorfigin­ngisaan­nas­sagivut qin­nuigin­ngisaan­nas­sagivul­lu’ – taamaaliun­ngisaan­nar­pugul­lu. – Matthæusi 10:8.

Nammineq kajumis­sutsimit tunissutinit aningaasa­lersor­neqarpoq. Inuppas­suit Biibili tun­ngavigalugu ilin­niartit­siner­put qujamasuu­tigigamik­ku tunis­suteqartar­put. Jehovap Nalunaajaasuisa pif­fis­sartik, nukitik, aningaasaa­titik atorsin­naasatil­lu al­lat ator­lugit Guutip piumasaata nunarsuarmi pinis­saanik siuarsaanertik nuan­naarutigisar­paat. (1 Nalunaarsuutit 29:9) Tunis­suteqarusut­tunut naalagaaf­filersaarfin­ni ataat­simeersuartarfin­nilu aningaasanik nak­kaatit­siveqar­poq. Nittartagarpulluunniit jw.org alakkarlugu tunis­suteqar­toqarsinnaavoq. Uil­larneq piit­soq aningaasan­nguanik mar­lun­nik naalaf­fiup aningaasanik nak­kaatit­sivianut ikisisoq Jiisusip nersualaagaa as­sigalugu ul­lumik­kut tunis­sutigineqartut amer­lanersaat pisuujuneer­suun­ngil­lat. (Lukasi 21:1-4) Kinaluun­niit aalajangersimasumik ‘immik­koortit­sisarsin­naavoq’ taamaalil­luni “uummammigut aalajangiisima­nermisut” tunis­suteqarsin­naal­luni. – 1 Korinthimiut 16:2; 2 Korinthimiut 9:7.

Upperil­luin­nar­par­put Jehovap piumasami naammas­sineqarnis­saanik tapersersuinis­samut pisuus­sutitik ator­lugit imminik ataq­qin­nik­kusut­tut uummataat kil­lit­tuarumaarai. – Ussatit 3:9.

  • Peqatigiif­fipput upperisarsioqatigiinnit al­lanit qanoq allaanerua?

  • Nammineq kajumissutsimit tunissutit sumut atorneqartarpat?