Estlandi

Zimbabwe

Mongolia

Puerto Rico

Jehovap Nalunaajaasuisa naalagaaf­filer­saarfii tamarmik Guutip aq­qanik taaguuteqar­put. Taamaat­tumik naalagaaf­filersaarfimmik ipiit­suu­tit­seqataal­lutalu ajuk­kun­nan­ngit­suutit­seqataal­lutalu aserfal­lat­saaliue­qataasarner­put immik­kut pisin­naatitaaf­fit­tut il­lernartumil­lu kif­fartornit­sin­nut ilaasutut isigaar­put. Kik­kut tamarmik taman­na peqataaf­figisin­naavaat.

Eqqiaaqa­taa­juma­sarit. Ataat­simiit­toqareer­nerata kingorna ilagiin­niit­tut pisariaqarnera naapertor­lugu naalagaaf­filer­saarfimmik eq­qiaasar­put. Sapaatip-akun­neranut ataasiar­luni peq­qis­saarnerusumik eq­qiaasoqartar­poq. Utoq­qaanertaq ilagiin­niluun­niit kif­fartortoq sulias­sanik agguaasar­poq, amer­lanertigut sulias­satut al­lat­torneqarsimasut malil­lugit. Naternik asaasoqar­tariaqarmat, pujoralaajaa­soqar­taria­qar­luni is­siaviil­lu nar­lusuumik inis­sit­siter­neqartaria­qarmata anartarfiil­lu eq­qiarneqartariaqarmata tarrarsuutil­lu qil­lersar­neqar­taria­qarmata eq­qaaviil­lu imaarneqar­tariaqar­lutik ikiuut­toqarnis­saa pisariaqartin­neqartar­poq. Aamma igalaat akut­toqatigiimmik qil­lersar­neqar­taria­qartar­put naalagaaf­filersaarfiul­lu silataa torersar­neqar­taria­qartar­luni. Min­ner­paamik ukiumut ataasiar­luni eq­qiaaq­qis­saartoqartar­poq. Meerartavut suleqataatit­tarut­sigit pal­lorfigin­nit­tarfimmik ataq­qin­nin­nis­samik ilin­niartis­savavut. – Oqaluus­sisartup oqaasii 4:17.

Iluarsa­gassa­qaraa­ngat ikiuuk­kuma­sarit. Ukiut tamaasa naalagaaf­filersaar­fimmik peq­qis­saartumik misis­suisoqartar­poq. Misis­suisoqarnerata kingorna pisariaqan­ngit­sumik akis­saajaateqa­rumanani pisariaqarnera naapertor­lugu aserfal­lat­saaliuisoqartar­poq. (2 Nalunaarsuutit 24:13; 34:10) Naalagaaf­filersaarfik ipiil­lunilu paaril­luagaasoq Guutit­sin­nik pal­lorfigin­nif­fis­satut naleq­qul­luartuuvoq. Tamak­kunin­nga suliaqaqataa­sarnit­sigut ersersit­tar­par­put Jehovamik asan­nil­luta pal­lorfigin­nit­tarfit­sin­nil­lu pingaartit­sil­luta. (Tussiaat 122:1) Tamak­kua tamaasa inuit il­loqarfit­sin­niit­tut ajun­ngit­sumik kil­lin­neqaatigisin­naavaat. – 2 Korinthimiut 6:3.

  • Sooq pallorfiginnittarfipput sumiginnassanngilarput?

  • Naalagaaffilersaarfik ipiitsuutinniarlugu susoqartarpa?