Imarisai

Saqqaata tullia

Imai

Jehovap Nalunaajaasui

Kalaallisut

Ullumikkut kikkut Jehovap piumasaatut iliorpat?

 ILINNIAGASSAQ 12

Oqaluussinerput qanoq aaqqissugaava?

Oqaluussinerput qanoq aaqqissugaava?

Spania

Hvideruslandi

Hong Kongi

Peru

Jiisusi toqussi sioq­qutit­siar­lugu ima nalunaar­poq: ‘Naalagaaf­fimmik iivangkiiliu [nutaarsias­saq nuan­nersoq, NW] taan­na silarsuarmi tamarmi oqaluus­sis­sutigineqas­saaq inuian­nut tamanut nalujun­naarsil­lugu, taavalu naggatis­saq nal­liutis­saaq.’ (Matthæusi 24:14) Silarsuar­li tamak­ker­lugu oqaluus­sineq taman­na qanoq naammas­sineqas­sava? Jiisusip nunamiik­kal­larami maligas­siaanik malin­nin­nik­kut. – Lukasi 8:1.

Inuit angerlar­simaf­fianni naapin­niar­tar­pavut. Jiisusip ajoqersuk­kani il­lumiit il­lumut nutaarsias­samik nuan­nersumik oqaluus­sinermik ilin­niartippai. (Matthæusi 10:11-13; Apustilit Suliaat 20:20) Iivangkiiliumik oqaluus­sis­sutigin­nit­tut taak­ku immik­kut oqaluus­sif­fis­salerneqar­put. (Matthæusi 10:5, 6) Aamma ul­lumik­kut oqaluus­siner­put aaq­qis­suul­luagaammat ilagiit tamarmik immik­kut oqaluus­sif­fis­salerneqartar­put. Taamaalil­luta Jiisusip peq­qis­saartumik ‘inun­nut oqaluus­seq­qusinera nalunaajaaq­qusineralu’ naammas­sisin­naavar­put. – Apustilit Suliaat 10:42.

Inuit sumiit­tul­luun­niit tusar­ler­niar­tar­pavut. Jiisusi inun­nut sumiik­kaluartunul­luun­niit, soor­lu tasersuup sinaaniit­tunut puilasulial­lu eq­qaan­niit­tunut, oqaluus­sil­luni maligas­siuisar­poq. (Markusi 4:1; Johan­nesi 4:5-15) Aamma inoqativut – aq­qusinerni, sulif­fin­ni telefonik­kul­lu – Biibili pil­lugu oqaloqatiginiartar­pavut. Periarfis­saqaraangat­talu sanilit­sin­nut, suleqatit­sin­nut, atuaqatit­sin­nut eq­qar­lit­sin­nul­lu nalunaajaasar­pugut. Periarfis­sat tamak­ku ator­luarnerisigut nunarsuaq tamak­ker­lugu inuit mil­lionilik­kuutaat ‘an­naas­sineq’ pil­lugu nutaarsias­samik nuan­nersumik tusar­lerneqar­put. – Tussiaat 96:2.

Guutip naalagaaf­fia pil­lugu nutaarsias­samik nuan­nersumik tamatumalu siunis­samut qanoq sun­niuteqarsin­naanera pil­lugu oqalut­tuuk­kusus­sin­naasan­nik nalun­ngisaqar­pit? Nipangiusiman­niin­narnak piaarner­paamik oqalut­tuutik­kit!

  • Nutaarsiassaq nuannersoq suna oqaluussissutigineqartariaqarpa?

  • Jehovap Nalunaajaasuisa Jiisusip oqaluusseriaasia qanoq ilaarpaat?