Imarisai

Saqqaata tullia

Imai

Jehovap Nalunaajaasui

Kalaallisut

Ullumikkut kikkut Jehovap piumasaatut iliorpat?

 ILINNIAGASSAQ 1

Jehovap Nalunaajaasui inuttut qanoq ittuuppat?

Jehovap Nalunaajaasui inuttut qanoq ittuuppat?

Danmarki

Taiwan

Venezuela

India

Jehovap Nalunaajaa­suinik nalun­ngisa­qar­pit? Immaqa ar­lat­sin­nik sanileqar­putit, suleqateqar­putit, atuaqateqar­putit Biibililuun­niit pil­lugu oqaloqa­teqar­tar­putit. Kik­kor­piaa­vugut? Sooq upperisar­put kik­kun­nut tamanut nalunaajaa­tigisar­par­put?

Inuuvugut nalingin­naasut. As­sigiin­ngit­sunik tunulia­qutaqar­pugut inut­tul­lu atugarisavut as­sigiin­ngit­suupput. Uppeqateqar­pugut al­lanik upperisaqar­simasunik aamma Guutimik upperisa­qarsiman­ngik­kaluartunik. Nalunaajaasun­ngun­ngik­kal­larat­tali tamat­ta Biibilimi ajoqersuutigineqartut misis­soq­qis­saarsima­vavut. (Apustilit Suliaat 17:11) Misis­suk­kavut paasil­luareer­lugit inut­tut nammineq aalajanger­pugut Jehova Guuti pal­lorfiginiar­lugu.

Biibilimik atuaqqis­saar­nerput iluaqu­tigaar­put. Inut­tut al­latul­li ajornartor­siuteqartar­pugut san­ngiis­suteqar­tar­lutalu. Ul­luin­narnili najoq­qutas­siat Biibilimeersut maleruarniar­nerisigut inuuner­put pit­saanerujus­suan­ngorsimavoq. (Tussiaat 128:1, 2) Ilaatigut taman­na pis­sutigalugu Biibilimit ilik­kak­kavut nuan­nersut al­lanut oqalut­tuarisar­pavut.

Guutip najoqqutas­siai naaper­tor­lugit inuu­vugut. Najoq­qutas­siat taak­ku, Biibilimi ajoqersuu­tigineqartut, mak­kunun­nga siuarsaataapput: Nalerisimaarnermut, al­lanik ataq­qin­nin­nermut, un­neq­qarin­nermut, inus­siarnernermut, peq­qis­suunermut, ilaqutariit­tut ataqatigiin­nermut ileq­qoris­suunermul­lu. ‘Guuti kinaas­susersiortuun­ngimmat’ nunarsuaq tamak­ker­lugu anersaak­kut qatan­ngutigiiu­vugut ammip qalipaataa politik­kilu pil­lugit avis­saartuutin­ngit­sut. Inut­tut nalingin­naasuuga­luar­luta peqatigiiuvugut immik­kut it­tut. – Apustilit Suliaat 4:13; 10:34, 35.

  • Jehovap Nalunaajaasui inuillu allat sutigut assigiissuteqarpat?

  • Nalunaajaasut Biibilimik atuaqqissaarnikkut sunik ilikkagaqarsimappat?