Imarisai

Saqqaata tullia

Imai

Jehovap Nalunaajaasui

Kalaallisut

Guutimut ikinngutaalersinnaavutit!

 ILINNIAGASSAQ 18

Naassaanngitsumik Guutimut ikinngutaagit!

Naassaanngitsumik Guutimut ikinngutaagit!

Ikinngutitaassagaanni ikinngutigiittuassagaannilu iliuuseqartuartariaqarpoq. Guutimut ikin­ngutaaler­niarlutit ikin­ngutaajuar­niarlutil­lu ilungersuutitit pil­luaq­quneqangaas­sap­put. Jesusip im­minut up­per­tut ima oqarfigai: ’Sal­lusuis­sutip inus­siaajun­naarsis­savaasi.’ (Juánase 8:32) Taman­na qanoq isumaqar­pa?

Maannakkut kiffaanngissuseqalereersinnaavutit. Ajoqersuutinit eq­qun­ngitsunit sal­luliuutinil­lu Satanip pilersitaanit aniguisin­neqarsin­naavutit. Inuit mil­lionilik­kuutaat Jehovamik ilisarsisiman­ngitsut ilisar­naataan­nit neriuuteqan­ngin­nermit aniguisitaasin­naavutit. (Rûmamiut 8:22) Guutimut ikin­ngutaasut al­laat ’toqumut siooranermit’ aniguisitaap­put. — Eprîarit 2:14, 15.

Guutip silarsuassaani nutaami kiffaanngissuseq nuannaarutigisinnaavat. Siunis­sami kif­faan­ngis­suseq nuan­ningaar­toq misigisin­naavat! Nunarsuaq paratiisiusoq sorsun­ner­nit, nap­paatinit pinerlut­tulior­nermil­lu kif­faan­ngis­suseqarfius­saaq. Piitsuunermit kaan­nermil­lu kif­faan­ngis­suseq. Utoq­qalinermit toqumil­lu kif­faan­ngis­suseq. Ersinermit, qunutitaanermit naaper­tuil­luan­ngis­sutsimil­lu kif­faan­ngis­suseq. Biibilimi Guuti pil­lugu al­las­simavoq: „As­satit am­mar­tar­patit pin­ngor­tital­lu tamaasa ajun­ngitsuutin­nik qaarsil­lar­tit­tarlugit.“ — Tus­siaat 145:16.

Guutimut ikinngutaasut naassaanngitsumik inuussapput. Inuuneq naas­saan­ngitsoq tas­saavoq Guutimut ikin­ngutaajumasunut tamanut tunis­sutaa nalis­saqan­ngitsoq. (Rûmamiut 6:23) Eq­qarsaatigiuk inuuneq naas­saan­ngitsoq ilin­nut qanoq kinguneqarsin­naanersoq!

Assigiinngitsorpassuarnut piffissaqalissaatit. Im­maqa nipilersor­nermik ilin­niarusup­putit. Im­maqaluun­niit as­silis­sanik qalipaanermut sanasutul­luun­niit ilin­niarusup­putit. Im­maqa uumasut naasul­lu pil­lugit ilin­niar­nerusin­naavutit, imaluun­niit takusas­sarsiorlutit nunarsuaq angalaf­figalugu. Naas­saan­ngitsumik inuunerup tamak­ku tamaasa ajor­narun­naarsis­savai!

Ikinngutitaartornissannut piffissaqalissaatit. Naas­saan­ngitsumik inuunerup Guutimut ikin­ngutaasor­pas­suit al­lat ilisarisimaler­nis­saat ajor­narun­naarsis­savaa. Pigin­naas­susii pis­susiilu ajun­ngitsut ilisimalis­savatit, aam­ma illit ikin­ngutigilis­savatit. Asas­savatit, taak­kualu asas­savaatsit. (1 Korintumiut 13:8) Inuunerup naas­saan­ngitsup periarfis­sis­savaatit inuit nunarsuarmiit­tut tamaasa ikin­ngutigiler­nis­saan­nut! Tamanil­lu pitsaaner­paavoq, Jehovamut ikin­ngutaaner­pit ukiut hundredelik­kuutaat ingerlaneran­ni qajan­naal­liar­tuin­nar­nis­saa. Naassaanngitsumik Guutimut ikinngutaasinnaavutit!