Imarisai

Saqqaata tullia

Imai

Jehovap Nalunaajaasui

Kalaallisut

Guutimut ikinngutaalersinnaavutit!

 ILINNIAGASSAQ 14

Guutimut ikinngutaasut ajortut ingalassimasarpaat

Guutimut ikinngutaasut ajortut ingalassimasarpaat

Satanip inuit ajortuliornissamut usserniartarpai. Guutimut ikinngutaajumasut Jehovap uumigisai uumigisariaqarpaat. (Tussiaat 97:10) Guutip ikinngutaasa ingalassimasassaasa ilaat ukuupput:

Kinguaassiuutitigut ajortuliornerit. „Allasiussanngilatit.“ (2 Moses 20:14) Katissimanani atoqateqarneq aamma eqqunngitsuliorneruvoq. — 1 Korintumiut 6:18.

Imerajunneq. ’Imerajuttut . . . Guutip naalagaaffia kingornussarissanngilaat.’ — 1 Korintumiut 6:10.

Inuarneq naartuersinnerlu. „Inuassanngilatit.“ — 2 Moses 20:13.

Tillinneq. „Tillissanngilatit.“ — 2 Moses 20:15.

Salluneq. Jehovap „oqaq sallutooq“ uumigaa. — Ussatit 6:17.

 Nakuuserneq kamannerlu nununeqanngitsoq. „[Jehovap] . . . nakuusernermik nuannarisaqartoq uumigaa.“ (Tussiaat 11:5) ’Uinngup suliaanut [ilaavoq] . . . kamanneq.’ — Galâsiamiut 5:19, 20.

Aningaasanoorneq. ’Allaffigaassi imaattut ilagisaqqunagit: qatanngummik taaneqartoq . . . piumatuuppat.’ — 1 Korintumiut 5:11.

Ammip qalipaataa tunngavigalugu inuiannillu allanik uumissuineq. ’Ilissinnik uumissuisut ajunngitsuliorfigisigik; ilissinnik innarliisut qinuginnittullu qinnussigik.’ — Matîuse 5:43, 44.

Guutip unnersuussutai uagutsinnut pitsaanerpaapput. Ajortuliunngitsoornissaq ajornaatsuinnaajuaannanngilaq. Jehovap nalunaajaasuisalu ikiuinerisigut Guutip iluarinngisaanik iliuuseqarnissaq pinngitsoortissinnaavat. — Jesaja 48:17; Filípimiut 4:13; Eprîarit 10:24, 25.