Imarisai

Saqqaata tullia

Imai

Jehovap Nalunaajaasui

Kalaallisut

Biibilimi suna tusarliunneqarpa?

Biibilimi tusarliunneqartut — Eqikkaaneq

Biibilimi tusarliunneqartut — Eqikkaaneq
  1. Jehovap Adami Evalu paratiisimi naassaanngitsumik inuusussatut pinngortippai. Saatanip Guuti inguppaa taassumalu naalakkersuisinnaatitaanera apeqquserlugu. Adamip Evallu Saatani pikitsitseqatigaat, ajorti toqulu imminnut kinguaaminnullu atulersillugit

  2. Jehovap pikitsitsisut eqqartuuppai neriorsuillunilu aniguisitsisussaq, imaluunniit kinguaassaq, Saatanimik aserorterisussaq saqqummerumaartoq, pikitsitsinerup ajortillu sunniutai atorunnaarsillugit

  3. Jehovap Aaperaat Daavilu neriorsorpai kinguaassamut, imaluunniit Missiarsimut, kunngitut naassaanngitsumik naalakkersuiumaartumut siuaasanngorumaartut

  4. Jehovap pruffiitit isumassarsisillugit siulittuisippai Missiarsip ajortimik toqumillu atuukkunnaarsitsinissaanik. Taanna naalakkersueqatinilu Guutip naalagaaffiani, sorsunnernik, nappaatinik allaallu toqumik atorunnaarsitsisussami, kunngitut naalakkersuissaaq

  5. Jehovap ernini nunamut aallartippaa Missiarsiuneralu ersersillugu. Jiisusip Guutip naalagaaffia oqaluussissutigaa inuuninilu pilliutigalugu. Taava Jehovap taanna anersaatut makitippaa

  6. Jehovap ernini qilammi kunnginngortippaa, tamannalu pissutsit aaqqissuussaanerata matuma ulluisa kingulliit aallaqqaatigaat. Jiisusip malinnitsini nunamiusut nunarsuaq tamakkerlugu Guutip naalagaaffianik oqaluussissutiginninneranni siulersorpai

  7. Jehovap ernini peqquaa Naalagaaffimminik nunamut atuutitsileqqullugu. Naalagaaffiup tamatuma naalakkersueriaatsit guutiitsut aserorterpai, paratiisi pilersillugu inuillu aalajaatsut naammalluinnartunngoriartuaartillugit. Jehovap naalakkersuisinnaatitaanera qutsissisitaavoq aqqalu naassaanngitsumut illernarsisitaalluni