Imarisai

Saqqaata tullia

Imai

Jehovap Nalunaajaasui

Kalaallisut

Biibilimi sorpiaat ajoqersuutigineqarpat?

 KAPITALI 4

Jiisusi Kristusi kinaava?

Jiisusi Kristusi kinaava?
  • Jiisusi Kristusi im­mik­kut qanoq pingaaruteqar­pa?

  • Sumin­ngaan­neer­pa?

  • Inut­tut qanoq it­tuua?

1, 2. (a) Sooq inuk tusaamasaq pil­lugu ilisimasaqarut­ta imaan­ngila taan­na ilisarisimalluaripput? (b) Jiisusi pil­lugu suna paatsiveerusimaarutaava?

SILARSUARMI inup­pas­suaqar­poq tusaamasaasunik. Ilaat il­loqarfigisamin­ni nunagisamin­niluun­niit tusaamasaap­put. Al­lat silarsuarmi tamarmi tusaamasaap­put. Inuul­li tusaamasaasup aq­qa nalun­ngik­kutsigu imaan­ngilaq inuk taan­na ilisarisimalluaripput. Imaan­ngilaq taas­suma tunuliaqutaa pil­lugu sukumiisumik ilisimasaqar­tugut inut­tul­lu qanoq it­tuunera nalun­ngik­kip­put.

2 Silarsuarmi tamarmi inuit Jiisusi Kristusi pil­lugu tusagaqarsimap­put naak ukiut 2000-t mis­siliorlugit matuma sior­na nunarsuarmi inuusimagaluar­toq. Taan­nali kinar­piaava? Taman­na paatsiveerusimaarutaavoq. Oqar­toqar­tar­poq pruf­fiitiin­naasimasoq. Al­lal­li tas­saanerar­paat inuin­naasimasoq ajun­ngitsoq. Al­lal­lu isumaqar­put Jiisusi Guutiusoq taamaat­tumil­lu pal­lorfigineqar­tariaqar­toq.

3. Sooq Jehovap Guutip aam­ma Jiisusip Kristusip ilisarisimaler­nis­saat ilin­nut pingaaruteqar­pa?

3 Jiisusip kinar­piaaneranik ilisiman­nin­nis­sat pingaaruteqar­torujus­suuvoq. Sooq? Biibilimi ima al­las­simam­mat: ‘Inuuneq naas­saan­ngitsoq tas­saavoq ilin­nik, ilumut kisimi Guutiusumik aallartitannillu Jiisusi-Kristusimik, ilisiman­nin­neq.’ (Johan­nesi 17:3) Tas­sa Jehova Guuti aam­ma Jiisusi Kristusi ilisarisimal­lualerutsigit nunami paratiisimi naas­saan­ngitsumik  inuulersin­naavugut. (Johan­nesi 14:6) Aam­mami inooriaatsimut inun­nil­lu al­lanik pin­nin­nermut tun­ngatil­lugu Jiisusi uagutsin­nut maligas­siuil­luar­ner­paavoq. (Johan­nesi 13:34, 35) Atuak­kami matumani kapitalimi siul­lermi sam­mineqar­poq Guuti kinaanersoq. Maan­na misis­sus­savar­put Jiisusi Kristusi pil­lugu Biibilimi suut ajoqersuutigineqar­nersut.

MISSIARSI NERIORSUUTIGISAASOQ

4. Taaguutit “Mis­siarsi” aam­ma “Kristusi” qanoq isumaqar­pat?

4 Jiisusip inun­ngor­nera sioq­quterujus­suarlugu Biibilimi siulit­tuutigineqar­poq Guuti Mis­siarsiusus­samik, imaluun­niit Kristusiusus­samik, aal­lar­titsiumaar­toq. Taaguutit “Mis­siarsi” (hebræerisuumik naggueqar­toq) aam­ma “Kristusi” (grækerisuumik naggueqar­toq) marluul­lutik isumaqar­put  “tanitaq”. Neriorsuutigisaq taan­na tanitaajumaar­poq, tas­sa sulias­samut im­mik­kut it­tumut Guutimit toq­qagaajumaar­poq. Atuak­kami matumani kapitalit tul­liut­tut ilaan­ni sam­mis­savar­put Guutip neriorsuutaasa eq­quutitin­neqar­nis­saan­nut Mis­siarsip pingaaruteqangaar­nera sutigul­lu maan­na uagutsin­nut iluaqutaasin­naanera. Jiisusip inun­ngor­nera sioq­qul­lugu inup­pas­suit eq­qarsaatigisimas­sagunar­paat kina Mis­siarsius­sanersoq.

5. Ajoqersuk­kat Jiisusimut tun­ngatil­lugu suna qularutigin­ngivip­paat?

5 Ukiuni hundredini siul­ler­ni Jiisusip ajoqersugaasa up­peril­luin­nar­paat Jiisusi tas­saasoq Mis­siarsi siulit­tuutigisaq. (Johan­nesi 1:41) Taak­kua ilaata, Siimuut-Petrusip, toq­qarlugu ima oqarfigaa: “Il­lit tas­saavutit Kristusi.” (Mat­thæusi 16:16) Ajoqersuk­kal­li qanoq qulak­keersin­naavaat – uagul­lu qanoq qulak­keersin­naavar­put – Jiisusi tas­saasoq Mis­siarsi neriorsuutigisaq?

6. Nas­suiaruk Jehovap kif­fani aalajaatsut qanoq Mis­siarsimik kinaas­susersisin­naalersik­kai.

6 Jiisusi sioq­qul­lugu Guutip pruf­fiitiisa an­nikitsualup­pas­suit Mis­siarsimut tun­ngasut siulit­tuutigisimavaat. An­nikitsualuit taak­ku iluaqutigalugit Mis­siarsi kinaas­susersineqarsin­naavoq. Ima as­sersuusior­toqarsin­naavoq: Takorlooriaruk inuk takusiman­ngisaan­nak­kat qimut­tuitsut unit­tarfian­nut ulapif­fioqisumut mit­tarfis­suarmul­luun­niit niuf­fiorit. Niuf­fior­tin­nagu inuk taan­na pil­lugu paasis­sutis­saalun­nik oqalut­tuun­neqar­tuuguit iluaqutaas­sagaluar­poq, ilaa? Jehovap pruf­fiitit Biibilimi eq­qaaneqar­tut aq­qutigalugit Mis­siarsip iliuuseriumaagai inuunerminilu misigiumaagai an­nikitsuarar­pas­suit ilan­ngul­lugit oqalut­tuarai. Siulit­tuuter­pas­suit taak­kua eq­quun­nerat iluaqutigalugu Guutip kif­faasa aalajaatsut ajor­naatsumik Mis­siarsi kinaas­susersisin­naasimavaat.

7. Siulit­tuutit Jiisusimut eq­quutitin­neqar­tut ilaan­nik marlun­nik eq­qaasaqarit.

7 Marlus­sun­nik as­sersuuteqariar­ta. Mis­siarsip neriorsuutigisaasup inun­ngor­nera ukiunik 700-nit amerlanerusunik sioq­qul­lugu pruf­fiitip Mikap siulit­tuutigaa taan­na Betlehemimi, Judami il­loqarfeeq­qami, inun­ngorumaar­toq. (Mika 5:1) Jiisusi Betlehemimer­piaq inun­ngor­poq! (Mat­thæusi 2:1, 3-9) As­sersuut al­la Danielimik al­lak­kat 9:25-mi (1900)  siulit­tuutigineqar­tumut tun­ngavoq, tas­sani ukiut hundredilip­pas­suit sioq­qul­lugit siulit­tuutigineqar­poq Mis­siarsi qaqugor­piaq saq­qum­merumaar­toq – tas­sa ukiumi 29-mi. * Siulit­tuutit taak­kua al­lar­pas­suil­lu eq­quun­neran­nit erser­poq Jiisusi tas­saasoq Mis­siarsi neriorsuutigisaq.

Jiisusi kuisikkami Missiarsinngorpoq, imaluunniit Kristusinngorpoq

8, 9. Jiisusip kuisin­nerani taas­suma Mis­siarsiunera qanoq up­per­narsar­neqar­pa?

8 Ukiup 29-p naaler­nerani Jiisusip Mis­siarsiuneranut suli al­lamik up­per­narsaatis­saqaler­poq. Jiisusi ukioq taan­na Johan­nesimut Kuisisumukar­poq kuus­suarmi Jordanimi kuisik­kumal­luni. Jehovap Johan­nesi neriorsorsimavaa up­per­narsaam­mik tuniumal­lugu Mis­siarsi kinaas­susersisin­naanias­sam­magu. Jiisusi kuisim­mat up­per­narsaat taman­na Johan­nesip takuaa. Biibilimi oqalut­tuaq imaap­poq: ‘Takuara anersaaq tuisut il­luni qilam­mit aq­qar­toq qulangersimajualerlugulu [Jiisusi]. Imermik kuisiar­toq­qul­lunga uan­nik aal­lar­titsisup oqarfigaanga: Takusat taan­na anersaap aq­qarfigisaa qulangersimajualigaalu tas­saavoq anersaamik il­ler­nar­tumik kuisisoq. Taman­na takuara, nalunaajaatigaaralu taan­na tas­saasoq Guutip er­nera.’ (Johan­nesi 1:32-34; Mat­thæusi 3:16, 17) Qanoq pisoqar­nera takoreerlugu Johan­nesip qularutigiun­naar­paa Jiisusi Guutip aal­lar­titarigaa. Guutip anersaava, tas­sa nukinga sulisoq, Jiisusimut kuineqar­niariar­toq taan­na Mis­siarsin­ngor­poq, imaluun­niit Kristusin­ngor­poq, siut­tus­satut kun­ngis­satul­lu toq­qagaasoq. – Esaja 55:4.

9 Siulit­tuutit Biibilimiit­tut eq­quun­neran­nit Guutil­lu nam­mineq oqaaserisaanit erseq­qil­luin­nar­poq Jiisusi tas­saasoq Mis­siarsi neriorsuutigisaq. Jiisusi pil­lugu apeq­qutinut pingaaruteqar­tunut al­lanut aam­ma Biibilimi akineqar­tunut ilaap­put uku marluk: Sumin­ngaan­neer­pa? Aam­ma inut­tut qanoq it­tuua?

JIISUSI SUMINNGAANNEERPA?

10. Jiisusip nunarsuarmut pin­ngik­kal­larami piusimanera pil­lugu Biibilimi qanoq al­las­simasoqar­pa?

10 Biibilimi oqalut­tuarineqar­poq Jiisusi nunarsuarmut pin­ngik­kal­larami  qilam­mi piusimasoq. Mikap siulit­tuutigaa Mis­siarsi Betlehemimi inun­ngorumaar­toq, oqaatigaalu taan­na “itsarsuarmit” pilerfeqar­toq. (Mika 5:1) Jiisusip arlaleriarluni nam­mineq ersersip­paa nunarsuarmi inun­ngun­ngik­kal­larami qilam­miis­simal­luni. (Johannesi 3:13; 6:38, 62 atuakkit; Johan­nesi 17:4, 5) Qilam­mi anersaajul­luni Jiisusip Jehova im­mik­kut it­tumik at­taveqarfigaa.

11. Biibilimi qanoq ersersin­neqar­pa Jiisusi tas­saasoq er­neq Jehovamut erlin­nar­ner­paaq?

11 Jiisusi tas­saavoq er­neq Jehovamut erlin­nar­ner­paaq, pis­sutis­saqarluar­tumil­lu taamaap­poq. Siul­lermik, Jiisusi Guutip pin­ngor­titaasa siul­lersarim­man­ni ‘pin­ngor­titaani tamani er­niusut siul­lersaan­nik’ taaneqar­poq. * (Kolos­semiut 1:15) Aap­pas­saanik, Guutip er­nera taan­na im­mik­kut it­tuuvoq ‘er­nituaagami’. (Johan­nesi 3:16) Taman­na isumaqar­poq Jiisusi kisimi Guutimit toq­qaan­nar­tumik pin­ngor­tin­neqar­toq. Pingajus­saanik, Guutip al­lanik tamanik pin­ngor­titsinermini Jiisusi kisiat pin­ngor­titseqatigaa. (Kolos­semiut 1:16) Sisamas­saanil­lu, Jiisusi ‘Oqaasermik’ taaneqar­poq. (Johan­nesi 1:14) Tamatuman­nga paasisin­naavar­put Jiisusi Guuti sin­nerlugu oqalus­simasoq, qular­nan­ngitsumik Guutip pin­ngor­titaanut al­lanut, in­ngilinut inun­nul­lu, paasis­sutis­sanik in­nersuus­sutinil­lu ingerlatitseq­qin­nermigut.

12. Sumit nalun­ngilar­put er­nerup angajul­liliap Guuti naligin­ngik­kaa?

12 Inuit ilaasa isumaqar­nerat­tut Guutip er­nerata angajul­liliap Guuti naligaa? Biibilimi ajoqersuutigineqar­tut naaper­torlugit taamaan­ngilaq. Im­mik­koor­tup matuma siuliani eq­qaaneqareersutut Er­neq pin­ngor­titaavoq. Tas­sa aal­lar­tif­feqar­poq, kisian­ni Jehova Guuti aal­lar­tif­feqar­nanilu naggateqan­ngilaq. (Tus­siaat 90:2) Er­nituap Ataatami naligiler­niar­nis­saa eq­qarsaatigisiman­ngilaaluun­niit. Biibilimi erseq­qis­sumik al­las­simavoq  Ataataq Er­nermit an­nerusoq. (Johannesi 14:28 atuaruk; 1 Korinthimiut 11:3) Jehova kisimi tas­saavoq “Guuti Ajugaqan­ngitsoq”. (1 Mosesi 17:1) Naligineqan­ngilaq. *

13. Er­nerup Biibilimi ‘Guutip takus­saan­ngitsup as­singanik’ taaneqar­nera qanoq isumaqar­pa?

13 Jehova angajul­lilianilu – qilam­mi ul­loris­sat nunarsuul­lu pin­ngor­tin­neqar­nerat sioq­quterujus­suarlugu – ukiuni mil­liardilik­kuutaani asaqatigiil­lutik qanimut at­taveqatigiip­put. (Johan­nesi 3:35; 14:31) Er­neq angusisaq­qis­saar­poq. Taamaat­tumil­lu Biibilimi taaneqar­poq ‘Guutip takus­saan­ngitsup as­singanik’. (Kolos­semiut 1:15) Soorlumi inuup as­sigiin­ngitsutigut angun­ni as­sigisarsin­naagaa, taamatut­taaq er­nerup qilam­miit­tup taas­suma Ataatami pis­susii kinaas­susialu angusisaatigai.

14. Jehovap er­nitua qanoq inut­tut er­niusin­naava?

14 Jehovap er­nitua qilak qimal­lugu nunarsuarmut aq­qarluni inut­tut inuunis­saminut piumas­suseqar­poq. Im­maqali ima eq­qarsar­putit: ‘Qanoq ilil­luni pin­ngor­titaq anersaajusoq inut­tut er­niusin­naagami?’ Jehovap tupin­nar­tulior­neragut aatsaat taama pisoqarsin­naavoq. Angajul­liliami qilam­mi inuunera niviarsiap juutiusup Mariap il­liaanut nuup­paa. Tamatumani inum­mik ataataasoqan­ngilaq. Taamaat­tumik Maria naam­mal­luin­nar­tumik er­ner­taar­poq, taan­nalu Jiisusimik atser­paa. – Lukasi 1:30-35.

JIISUSI INUTTUT QANOQ ITTUUA?

15. Sooq oqarsin­naavugut Jiisusi aq­qutigalugu Jehova ilisarisimanerulersin­naagip­put?

15 Nunarsuarmiin­nermini oqaaserisar­tagai iliuuserisar­tagaalu tun­ngavigalugit Jiisusi ilisarisimal­lualersin­naavar­put. Aam­mami Jiisusip ilisarisimaler­neratigut Jehova ilisarisimanerulersin­naavar­put. Sooq? Jiisusi angusisarluin­narmat. Jiisusi ajoqersuk­kami ilaan­nut ima oqar­poq: “Uan­nik takun­nit­tup Ataataq takuaa.” (Johan­nesi 14:9) Biibilip atuagar­taani sisamani iivangkiiliunik taaneqar­tar­tuni – Mat­thæusip, Markusip, Lukasip  aam­ma Johan­nesip al­lagaan­ni – Jiisusip Kristusip suliai, pis­susii inuuneralu pil­lugit paasis­sutis­sar­pas­suaqar­poq.

16. Jiisusip pingaar­ner­tut suna tusarliup­paa, ilin­niar­titsis­sutaalu sumit pip­pat?

16 Jiisusi ‘Ajoqersuisutut’ ilisimaneqar­poq. (Johan­nesi 1:38; 13:13) Suut ilin­niar­titsis­sutigigamigit? Pingaar­ner­paamik al­lanut oqalut­tuarisar­paa “Naalagaaf­fim­mik iivangkiiliu”, tas­sa Guutip naalagaaf­fia pil­lugu nutaarsias­saq nuan­nersoq. Naalagaaf­fik taan­na tas­saavoq Guutip Kristusi aq­qutigalugu nunarsuarmut tamarmut naalak­kersuif­fis­saa, inuit taas­sumun­nga naalat­tut ataavar­tus­sanik pil­luaq­quneqaatigisas­saat. (Mat­thæusi 4:23) Tusarlius­saq taman­na sumit piva? Jiisusip nam­mineq ima nas­suiar­paa: “Ajoqersuutiga uanga nam­mineq pigin­ngilara, aal­lar­titsisimali pigaa.” (Johan­nesi 7:16) Jiisusip nalun­ngilaa Ataatami kis­saatigigaa inuit Naalagaaf­fik pil­lugu nutaarsias­saq nuan­nersoq tusas­sagaat. Guutip naalagaaf­fia tamatumalu naam­mas­siumaagai pil­lugit kapitali 8-mi paasisaqar­nerusin­naavutit.

17. Jiisusi sumi ilin­niar­titsisar­pa, aam­ma sooq inun­nik ilin­niar­titsinis­sani ilungersuutigingaar­tar­paa?

17 Jiisusi sumi ilin­niar­titsisar­pa? Sumiluun­niit inun­nik naapitsif­figisamini – asimi, il­loqarfin­ni, nunaqarfin­ni, niueriar­tor­tarfin­ni angerlarsimaf­fin­nilu. Jiisusip naatsorsuutigin­ngilaa inuit im­minut or­nigutis­sasut. Nam­mineq inuit or­nit­tar­pai. (Markusi 6:56; Lukasi 19:5, 6) Jiisusip Guutip naalagaaf­fianik oqaluus­sis­sutigin­nin­nis­sani inun­nil­lu ilin­niar­titsinis­sani ilungersuutigingaar­tar­pai, pif­fis­samilu ilarujus­sua suliamut tamatumun­nga ator­paa. Sooq? Guutip piumasarim­magu. Jiisusi tamatigut Ataatami piumasaatut ilior­tar­poq. (Johan­nesi 8:28, 29) Taamaalior­nerminul­li aam­ma al­lamik pis­suteqar­poq. Tas­sa inup­pas­suit im­minut or­nigut­tar­tut qaman­nga pisumik misigin­neqatigigamigit. (Mat­thæusi 9:35, 36 atuak­kit). Taak­ku sumigin­nagaap­put up­perisarsior­nik­kut siut­tuusunit, Guuti siuner­taalu pil­lugit sal­lusuis­sum­mik ajoqersor­tigisas­saraluamin­nit. Jiisusip nalun­ngilaa inuit Guutip naalagaaf­fianik tusarler­neqar­nis­sar­tik qanoq pisariaqar­titsigigaat.

18. Jiisusip pis­susii sorliit nuan­nariner­paavigit?

 18 Jiisusi inut­tut asan­ningaar­tuul­lunilu isumas­suingaar­tuuvoq. Saaf­figiuminar­tuuvoq inus­siar­nersuul­lunilu. Al­laat meeq­qat peqatigigaangamik­ku iluarusut­tar­put. (Markusi 10:13-16) Jiisusi kinaas­susersior­tuun­ngilaq. Peq­quserlun­neq naaper­tuil­luan­ngin­nerlu uumigai. (Mat­thæusi 21:12, 13) Taamani ar­nat pisin­naatitaaf­feqar­pian­ngitsut Jiisusip ar­nat ataq­qin­nit­tumik pisar­pai. (Johan­nesi 4:9, 27) Jiisusi pisuusaar­nerun­ngitsumik maniguut­tuuvoq. Ilaan­ni apustilit isigaat asap­pai, uf­fa taman­na inus­sianit isumagineqar­taraluar­toq.

Jiisusi sumiluunniit inunnik naapitsiffigisamini oqaluussisarpoq

19. Oqalut­tuap suup ersersip­paa Jiisusi inuit al­lat pisariaqar­titaan­nik eq­qumaf­figin­nit­tuusoq?

19 Inuit al­lat pisariaqar­titaat Jiisusip eq­qumaf­figisar­pai. Taman­na pingaar­tumik malun­niut­tar­poq Guutip anersaavata pis­saaneratigut inun­nik ajorun­naarsitsigaangat al­latul­luun­niit tupin­nar­tulioraangat. (Mat­thæusi 14:14) Ilaan­ni angutip pupis­sup Jiisusi saaf­figaa ima oqarluni: “Piumaguit minguk­kun­naarsis­sin­naavarma.” Pupis­sup an­niaatai naal­liuutaalu Jiisusip nam­mineq misigisutut ip­pai. Angut nal­ligingaalerlugu as­sani  isaap­paa pupis­sorlu at­torlugu. “Piumavunga, minguk­kun­naarit,” oqar­poq, nap­parsimasorlu ajorun­naar­poq! (Markusi 1:40-42) Takorloorsin­naaviuk angut taan­na qanoq misigisimas­sanersoq?

NAGGATISSAMUT AALAJAATSOQ

20, 21. Jiisusi Guutimut ilumoorfigin­nin­nik­kut naalan­nik­kul­lu qanoq maligas­saal­luar­pa?

20 Jiisusi Guutimut ilumoorfigin­nin­nik­kut naalan­nik­kul­lu maligas­saal­luar­ner­paavoq. Pis­sutsini qanorluun­niit it­tuni aam­ma akerlilersor­neqar­nerit ajor­tumil­lu pineqar­nerit qanorluun­niit it­tut atoraluarlugit Ataataminut qilam­miusumut aalajaat­tuar­poq. Aalajaal­luin­nar­tuuvoq Saatanil­lu us­siiniar­neri nak­kaan­narfigisar­nagit. (Mat­thæusi 4:1-11) Eq­qarliisa ilaasa up­perfigin­ngik­kal­laramik­ku ‘paatsiveerutivis­simasoraat’. (Markusi 3:21) Taman­nali Jiisusip nikal­lus­sutiginagu Guutip piumasaatut suliaqar­nini ingerlatiin­nar­paa. Mitaatigineqaraluarluni oqaasipiluun­neqaraluarlunilu im­minut naalak­kersin­naajuaan­nar­poq akerlilersor­tinilu ajoquser­nian­ngisaan­narlugit. – 1 Petrusi 2:21-23.

 21 Jiisusi aalajaat­tuar­poq toqus­si tikil­lugu – akeq­qaminit naak­kit­taatsumik toqutaanis­si tikil­lugu. (Filippimiut 2:8 atuaruk). Eq­qarsaatigeriaruk un­nuami ul­lormilu inut­tut inuuf­figisamini kingul­lermi suut naam­magit­tarluni ator­tariaqarsimanerai. Tigusarineqar­poq, ilisiman­nit­tuunerar­tunit sal­luliuutigineqar­poq, eq­qar­tuus­sisunit peq­quserlut­tunit eq­qar­tuun­neqar­poq, inup­pas­suar­nit mitaatigineqar­poq sak­kutuunil­lu naal­liutsitaal­luni. Qisum­mut nap­pak­kamut kikiat­tugaal­luni aner­ningilerluni ima suaar­poq: “Naam­mas­sivoq.” (Johan­nesi 19:30; Apustilit Suliaat 5:30) Jiisusi toqunermi kingor­na ul­lut pingajuan­ni Jehovamit anersaatut makitin­neqar­poq. (1 Petrusi 3:18) Sapaatit-akun­nialun­ngui qaangium­mata qilam­mut uter­poq. Tas­sani ‘Guutip taler­piata tungaani is­sialer­poq’ kun­ngisul­lu pis­saaneqar­titaaler­nis­sani utaq­qilerlugu. – Hebræerit 10:12, 13.

22. Jiisusip toqus­si tikil­lugu aalajaat­tuar­nermigut suna ajor­narun­naarsip­paa?

22 Jiisusip toqus­si tikil­lugu aalajaat­tuar­nermigut suna ajor­narun­naarsip­paa? Taas­suma toquneratigut periarfis­sin­neqar­pugut nunarsuarmi paratiisiusumi naas­saan­ngitsumik inuunis­samut, Jehovap aal­laq­qaam­mut siuner­taanut naaper­tuut­tumik. Taman­na Jiisusip toquneratigut qanoq ajor­narun­naar­nersoq kapitalimi tul­liut­tumi sam­mis­savar­put.

^ par. 7 Danielip siulit­tuutaa Jiisusimut qanoq eq­quutitin­neqar­nersoq tapilius­sami nas­suiar­neqar­neruvoq. Takuuk “Mis­siarsip tikiun­nis­saa Danielip siulit­tuutaani qanoq siulit­tuutigineqarsimasoq”.

^ par. 11 Jehova Pin­ngor­titsisuugami Ataatatsin­nik taaneqar­tar­poq. (Esaja 64:7) Jiisusi Guutimit pin­ngor­titaagami Guutip er­neranik taaneqar­tar­poq. Pin­ngor­titat anersaajusut al­lat, al­laam­mi inuit siul­lersaat Adami, aam­ma Guutip er­nerinik taaneqar­put Jehovamit pin­ngor­titaagamik. – Jobi 1:6; Lukasi 3:38.

^ par. 12 Guutip er­nerminit angajul­liliamit naligineqan­ngin­neranut tapilius­sami amerlanerusunik up­per­narsaateqar­poq. Takuuk “Ataataq, Er­neq aam­ma anersaaq il­ler­nar­toq pil­lugit ilumoor­toq”.