AVIISI sunaluun­niit qup­peruk. TV isigin­naaruk, imaluun­niit radio tusar­naaruk. Peq­qar­niisaar­niar­nerit, sorsun­nerit pinerlun­neril­lu pil­lugit nutaarsias­sar­pas­suaqar­poq. Il­lit atugarisatit, il­lit nam­mineq ajor­nar­torsiutitit eq­qarsaatigik­kit. Im­maqa nap­paat asasan­nil­luun­niit toquk­kut an­naasaqarsimanerit ar­torsaatigaat. Im­maqa Guutip kif­faatut Jobitut, ‘an­niaatinik ulik­kaarluni’ oqarsimasutut, misigivutit. – Jobi 10:15.

Im­minut ima aperigit:

  • Guutip taman­na uan­nut inun­nul­lu al­lanut tamanut siuner­tariner­paa?

  • Ajor­nar­torsiutik­ka aaq­qin­niarlugit sumut ikior­tis­sarsiorsin­naaner­punga?

  • Nunarsuarmi qaquguluun­niit eq­qis­sineqar­nis­saanik neriuutis­saqar­ner­pa?

Apeq­qutit taak­ku Biibilimi nuan­nersunik tutsuiginar­tunil­lu akis­sutis­saqar­tin­neqar­put.

 BIIBILIMI ALLASSIMAVOQ GUUTI NUNARSUARMI PISSUTSINIK IMA ALLANNGUIUMAARTOQ:

‘Qulliit tamaasa isaannit allarterumaarpai, toqulu peerukkumaarpoq, aliasuttoqarunnaarlunilu nilliasoqarunnaarlunilu anniartoqarunnaassaaq.’ – Saqqummersitat 21:4

“Tusiattoq tuttorsuartut pissigarumaarpoq.” – Esaja 35:6

“Tappiitsut isaat uisitaassapput.” – Esaja 35:5

 ‘Ilivermiittut tamarmik ilivernit aniumaarput.’ – Johannesi 5:28, 29

“Innuttaasoq kinaluunniit oqassanngilaq: ‘Napparsimavunga!’” – Esaja 33:24

“Karrit naammangaartut nunami naasimassapput.” – Tussiaat 72:16, 1990

 BIIBILIMI AJOQERSUUTIGINEQARTUT ILUAQUTIGIKKIT

Qup­per­nerup matuma siuliini atuak­katit piviusorsiun­ngitsumik isumaliutaan­naanerarlugit itigar­tin­niaqinagit. Guuti neriorsuivoq pis­sutsit tamak­ku atuutilersin­niarlugit, Biibilimilu nas­suiar­neqar­poq qanoq taamaaliorumaar­nersoq.

Biibilili imaqar­nerujus­suuvoq. Maan­na pil­luar­nar­tumik nalerisimaar­nar­tumil­lu inuunis­samut iluaqutigilereersin­naavat. Il­lit nam­mineq ajor­nar­torsiutitit isumakuluutitil­lu eq­qarsaatigitsiak­kit. Im­maqa aningaasatigut ilaqutariin­nik­kul­luun­niit ajor­nar­torsiuteqar­putit, imaluun­niit peq­qiil­lior­putit. Im­maqa asasavit ilaan­nik toquk­kut an­naasaqarsimavutit. Biibili iluaqutigisin­naavat ul­luin­nar­ni ajor­nar­torsiutivit anigor­nis­saan­nut naam­magalugil­luun­niit ator­nis­saan­nut, aam­ma Biibili iluaqutigalugu isumak­kut eq­qis­sisin­naavutit, apeq­qutim­mi soorlu imaat­tut tas­sani akineqar­put:

  • Sooq inuit naalliuppat?

  • Inuunermi isumakuluutit qanoq naammagalugit atorneqarsinnaappat?

  • Ilaqutariittut qanoq pilluarnerulersinnaavugut?

  • Toqugutta qanoq pisoqassava?

  • Toqukkut annaasimasavut takoqqissavavut?

  • Sooq upperilluinnarsinnaavarput Guutip neriorsuutini nuanningaartut eqquutitikkumaarai?

 Atuak­kamik matumin­nga atuarlutit aal­lar­tis­simanin­nit erser­poq Biibilimi suut ajoqersuutigineqar­nersut paaserusuk­kitit. Tamatumani atuagaq una iluaqutigisin­naavat. Maluginiariaruk kapitalit im­mik­koor­tuinut tamanut apeq­quteqarmat. Inuit mil­lionil­lit Jehovap Nalunaajaasui peqatigalugit apeq­qutit akis­sutil­lu atorlugit periaaseq malil­lugu Biibili oqaloqatigiis­su­tigisarsimavaat, taman­nalu nuan­naaru­tis­sarsif­figi­simaqaat. Neriup­pugut aam­ma il­lit taamaalior­neq nuan­naarutigis­sagit. Qularin­ngilar­put Biibilimi sorpiaat ajoqersuutigineqar­nersut paasis­sal­lugu pis­sanganar­til­lugulu pis­sarsiaqar­nar­tis­sagit.