Imarisai

Saqqaata tullia

Imai

Jehovap Nalunaajaasui

Kalaallisut

Biibilimi sorpiaat ajoqersuutigineqarpat?

 TAPILIUSSAQ

Guutip aqqata atorneqarnera isumaalu

Guutip aqqata atorneqarnera isumaalu

TUS­SIAAT 83:19-imi ima al­las­simavoq: “Paasitserlugu il­lit kisivit – aq­qit tas­saasoq Jahve – Qutsin­nerus­saar­tuusutit nunarsuarmi tamarmi.” Biibilimik nutsik­kani arlalin­ni al­lani, soorlu Ot­to Fabriciusip 1822-mi aam­ma Niels Wolfip 1824-mi kalaal­lisuun­ngor­titaan­ni, ateq Jehova ator­neqar­poq. Nutsik­kanili amerlasuuni Jehova imaluun­niit Jahve ator­nagu taaguutinik, soorlu ‘Naalak­kamik’, taarser­neqarsimavoq. Il­lit Biibilin­ni Tus­siaat 83:19-imi qanoq al­las­simava? Versimi tamatumani sorleq ator­neqar­tus­saava – taaguut imaluun­niit ateq?

Guutip aqqa naqinnerit hebræerisuut atorlugit

Versimi tamatumani ateq pineqar­poq. Biibilip ilarujus­sua hebræerisut al­lan­neqaq­qaar­poq. Versimi pineqar­tumi al­las­simaq­qaarfin­ni taak­kunani kinaas­susil­lip aq­qa im­mik­kut it­toq ator­neqar­poq. Ateq taan­na ima al­lan­neqar­tar­poq: יהוה (JHWH). Kalaal­lisut qal­lunaatul­lu ima al­lan­neqar­tar­poq: Jehova imaluun­niit Jahve. Ateq taan­na Biibilimi versimi ataasiin­narmi al­las­simava? Naamik, Al­lak­kat Hebræerisuut al­las­simaq­qaarfiini 7000-riangajal­lugu ator­neqar­poq! *

Guutip aq­qa qanoq pingaaruteqar­tigaa? Guutimut qanoq qinusar­nis­satsin­nik Jiisusip najoq­qutas­siaa misis­soriar­tigu. Ima aal­lar­tip­poq: “Ataatar­put qilan­niit­tutit! Aq­qit il­ler­nar­titaali.” (Mat­thæusi 6:9) Kingusin­nerusuk­kut Jiisusi Guutimut ima qinuvoq: “Ataataq, aq­qit naalan­narsisiguk!” Taava Guutip nipaa qilam­mit ima tutsiup­poq: “Naalan­narsisereer­para, naalan­narsiseq­qik­kumaar­paralu.” (Johan­nesi 12:28) Erseq­qip­poq Guutip aq­qa pingaaruteqar­torujus­suusoq. Taavami sooq nutserisut ilaasa ateq taan­na Biibilimik nutsik­kamin­ni ator­nagu taaguutinik taarsersimavaat?

Pis­sutigisat pingaar­nerit marluugunar­put. Siul­lermik, inup­pas­suit ateq ator­neqar­tus­saan­ngin­nerar­paat ilisimaneqan­ngim­mat aal­laq­qaam­mut qanoq taaneqar­tar­nersoq. Itsaq hebræerit oqaasii ersiutit (a, e, i, o, u) ator­nagit al­lan­neqar­tar­put. Taamaat­tumik ul­lumik­kut kialuun­niit qulak­keerlugu ilisiman­ngilaa JHWH Biibilip nalaani qanoq taaneqar­tar­nersoq. Taman­nali pis­sutigalugu Guutip aq­qa ator­naveersaas­savar­put? Biibilip nalaani Jiisusip aq­qa Jeshuatut imaluun­niit Jehoshuatut taaneqar­tarsimasin­naavoq – kialuun­niit  ilisiman­ngilaa. Ul­lumik­kul­li nunarsuaq tamak­kerlugu inuit Jiisusip aq­qa ator­tar­paat, as­sigiin­ngitsunik taal­lugu oqaatsimin­ni taaneqar­tar­nera malil­lugu. Nangaanatik ator­tar­paat nalugaluarlugu Jiisusip nalaani qanoq taaneqar­tarsimanersoq. Nunamut al­lamukaruit paasis­savat aam­ma il­lit atit oqaatsit al­lat atorlugit al­latorujus­suaq nipeqar­toq. Taamaat­tumik Guutip aq­qata itsaq qanoq taaneqar­tarsimaneranik nalor­nis­sutigin­nin­neq ator­naveersaar­nis­saanut pis­sutis­saan­ngilaq.

Guutip aq­qata Biibilimit peer­neqar­neranut pis­sutigineqarajut­toq al­la juutit ileq­qutoqaan­nut at­tuumas­suteqar­poq. Juuter­pas­suit isumaqar­put Guutip aq­qa taaneqaq­qusaan­ngitsoq. Taman­na Biibilimi inatsisip matuma eq­qun­ngitsumik ator­neqar­neranik pis­suteqarunar­poq: “Naalak­kap [Jehovap, NW] Guutivit aq­qa ator­nerlus­san­ngilat, Naalak­kap [Jehovap, NW] pin­ngitsuutis­san­ngim­magu aterminik ator­nerluisoq.” – 2 Mosesi 20:71990.

Inatsim­mi tamatumani Guutip aq­qata ator­nerlun­neqar­nis­saa iner­teq­qutigineqar­poq. Aq­qatali ataq­qin­nit­tumik ator­neqar­nis­saa iner­teq­qutigineqar­pa? Naamerluin­naq. Al­lak­kanik Hebræerisuunik (Testamentitoq­qamik) al­lat­tut tamarmik angutaap­put aalajaatsut Guutip itsaq Israelik­kun­nut inatsisigititaanik maleruaasut, taak­kualu Guutip aq­qa ator­tar­paat. As­sersuutigalugu tus­siaatit inup­pas­suar­nit pal­lorfigin­nit­tunit erinarsuutigineqar­tar­tut ilar­pas­suini ateq ator­paat. Al­laat Jehovap Guutip kif­fani peq­quai aq­qi torlorfigeq­qul­lugu, aalajaatsul­lu taamaalior­tar­put. (Joeli 3:5; Apustilit Suliaat 2:21) Taamaat­tumik ul­lumik­kut kristumiut nangaanatik Guutip aq­qa ataq­qin­nit­tumik ator­tar­paat, soorlu Jiisusi taamaalior­tarsimas­sasoq. – Johan­nesi 17:26.

Biibilimik nutserisut Guutip aq­qata taaguutinik taarser­neratigut ingasat­tumik kuk­kup­put. Guuti ungasit­tutut kinaas­suseqan­ngitsutul­lu ilersit­tar­paat, Biibilimili kajumis­saar­neqar­pugut Jehovamut qanit­tumik at­taveqaler­niaq­qul­luta. (Jaaku 4:8) Ikin­ngutigil­luak­kavit ilaat eq­qarsaatigiuk. Qanoq ateqar­nersoq paasisiman­ngik­kuk­ku qanimut ikin­ngutigiilersimas­sagaluar­pisi? Taamatut­taaq inuit Guutip aq­qa, Jehova, pil­lugu paasitin­naveersaar­neqarunik taas­sumun­nga qanoq qanil­lisin­naas­sagaluar­pat? Inuit Guutip aq­qa ator­tan­ngik­kunik­ku aam­ma isumaa nuan­ningaar­toq ilisimalis­san­ngilaat. Ateq taan­na qanoq isumaqar­pa?

Guutip atermi qanoq isumaqar­nera kif­faminut aalajaatsumut Mosesimut nas­suiar­paa. Aq­qi pil­lugu Mosesimit aperineqarami Guuti ima akivoq: “Tas­saavunga uangaasoq [Sun­ngorusun­nera naaper­torlugu taamaalis­saanga, NW]!” (2 Mosesi 3:14) Guutip akis­sutaa  taan­na Rotherhamip nutsigaani imaap­poq: “Iluarisara naaper­torlugu qanorluun­niit ilis­saanga.” Tas­sa Jehova siuner­taminik naam­mas­sin­nis­sin­naajumal­luni pisariaqar­nera naaper­torlugu sun­ngorsin­naavorluun­niit, aam­ma pin­ngor­titaminut siuner­taminil­lu naam­mas­sin­nin­nis­saminut tun­ngatil­lugu pisariaqar­toq sunaluun­niit pitis­sin­naavaa.

Takorlooruk il­lit iluarisat naaper­torlugu sun­ngorsin­naasutil­luun­niit! Ikin­ngutitit ikior­niarlugit qanoq ilius­sagaluar­pit? Arlaat perulun­nar­tumik nap­parsimaleraluar­pat nakorsan­ngorsin­naas­sagaluar­putit pik­koris­soq nakorsarsin­naas­sagaluarlugulu. Al­la aningaasatigut an­naasaqarsimagaluar­pat ajun­ngisaar­tin­ngorsin­naas­sagaluar­putit pisooq ikiorsin­naas­sagaluarlugulu. Ajoraluar­tumil­li il­lit sun­ngorfigisin­naasatit kil­leqar­put. Tamatsin­nut taamaap­poq. Biibilimik atuaq­qis­saar­nerujar­tor­til­lutit tupaal­laatigis­savat paasilerlugu Jehova neriorsuutiminik eq­qor­titsiumal­luni pisariaqar­nera naaper­torlugu sun­ngorsin­naasorluun­niit. Pis­saanerminil­lu asasaminut iluaqutaasumik atuinini nuan­naarutigaa. (2 Nalunaarsuutit 16:9) Jehovap aq­qanik ilisiman­nin­ngitsut taas­suma pis­susii nuan­nersut tamak­ku malugin­ngitsuus­savaat.

Erseq­qip­poq ateq Jehova Biibilimi ator­neqar­tus­saasoq. Guutisior­nitsin­ni ator­tarutsigu isumaalu ilisimagutsigu Ataatatsin­nut qilam­miusumut, Jehovamut, qanin­nerulis­sutigis­savavut. *

^ par. 2 Biibilip kalaal­lisuup 2000-mi ator­tus­san­ngor­titap nas­suiaatitaani takuuk: ‘Naalagaq’.

^ par. 2 Guutip aq­qa, tamatuma isumaa guutisior­nermilu sooq ator­neqar­tariaqar­nersoq pil­lugit paasis­sutis­saqar­neruvoq uani: Guutip oqaasianik misissueqqissaarut, im­mik­koor­toq 1. Jehovap Nalunaajaasuinit saq­qum­mersin­neqar­toq.