Imarisai

Saqqaata tullia

Imai

Jehovap Nalunaajaasui

Kalaallisut

What Can the Bible Teach Us?-imit eqikkaanerit

10. Pinngortitat anersaajusut uagutsinnik qanoq sunniisinnaasut

10. Pinngortitat anersaajusut uagutsinnik qanoq sunniisinnaasut

1. INNGILIT GUUTIP ILAQUTARIIS­SORTAANUT ILAAPPUT

“Naalagaq nersorsiuk, ilissi inngilii, ... peqqusaanik naammassisitsisartut.” – Tussiaat 103:20

Inngilit pillugit qanoq ilisimasaqarpugut?

  • Jobi 38:4-7

    Jehovap nunarsuaq pinngortinngikkallaramiuk inngilit pinngortippai.

  • Saqqummersitat 5:11

    Millionilinnik inngileqarpoq.

  • 1 Petrusi 1:11, 12

    Inngilit Jehovap nunamut siunertaa soqutigiuarsimavaat.

  • Lukasi 15:10

    Inngilit Guutip kiffai soqutigingaarpaat.

2. INNGILIT GUUTIP KIFFAI IKIORTARPAAT

“Naalakkap inngilia taassuminnga mianerinnittut eqqaanni inississaaq, aniguisissavaalu.” – Tussiaat 34:8

Qanoq nalunngissinnaavarput inngilit inunnik ikiuisinnaasut?

  • 1 Mosesi 19:15, 16; Danieli 6:23; Lukasi 22:43; Apustilit Suliaat 12:6-11

    Inngilit Loti, Danieli, Jiisusi Petrusilu ikiorpaat.

  • Hebræerit 1:14

    Nalitsinni Jehovap inngilini aqqutigalugit kiffani ikiorlugillu sernissortarpai.

3. INNGILIPILUIT AJOQUSIINIARTARPUT

“Saatanimit nakutinneqaqqunata; nalunngilarpummi taanna qanoq ittumik pilersaaruteqartoq.” – 2 Korinthimiut 2:11

Anersaapiluit kikkuuppat, aamma sooq ulorianartuuppat?

  • Saqqummersitat 12:9

    Inngili Jehovamut pikitsitsivoq. Taanna Saatanimik taaneqarpoq.

  • 1 Mosesi 6:2

    Noap nalaani inngilit ilaat pikitsitsillutik nunarsuarmukarput.

  • Matthæusi 9:34

    Inngilit pikitsitsiumatuut taakku Saatanimut ililiukkamik anersaapilunngorput.

  • 5 Mosesi 18:10, 11

    Anersaapiluit sapinngisartik tamaat peqqusersusaarlutik inunnik ajoqusiiniartarput.

4. SAATANI ANERSAAPILUILLU AKIORSINNAAVATIT

‘Diaavulu akerartorsiuk, taava ilissinnit qimaassaaq.’ – Jaaku 4:7

Saatani anersaapiluillu akiorsinnaaqqullugit Jehovamit qanoq ikiorneqarsinnaavit?

  • Apustilit Suliaat 19:19

    Anersaapilunnut tunngasut tamaasa, tassa anersaarsiornermik ajoqutaarpasitsitsinngitsut pissanganarpasitsisullu, pigiunnaakkit.

  • Efesosimiut 6:16, 18

    Biibilip atuartarneratigut uppernerit nakussatsiguk, Guutimillu sernissorneqarumallutit qinusarit.

  • Ussatit 18:10

    Jehovap aqqa atortaruk.