Imarisai

Imai

Jehovap Nalunaajaasui

Oqaatsit toqqakkit Kalaallisut

Oqaluttuaq 91: Jesusip qaqqami oqaluusaa

Oqaluttuaq 91: Jesusip qaqqami oqaluusaa

MAANI Jesus issiavoq. Galilæami qaqqami inuppassuit uku ajoqersulerpai. Taassumunnga qaninnerpaat Jesusip ajoqersugarai. Ilaat aqqaneq-marluk toqqarsimavai apustilinngortillugit. Apustilit Jesusip immikkut ajoqersugarai. Qanoq ateqartut nalunngiliuk?

Jiisusi ilinniartitsisoq

Ukuupput: Simon Peter qatanngutaalu Andreas. Taava Jakob Johannesilu, aamma taakku qatanngutigiipput. Ataaseq ateqarpoq Jakob, allalu ateqarluni Simon. Apustilit ilaat marluk ateqarput Judas. Aappaa tassaavoq Judas Iskariot, aappaalu taaneqartarpoq Taddæ′usimik. Taava Filip Nata′naelilu (Bartolomæ′usimittaaq taaneqartartoq), kiisalu Mattæus Tomasilu.

Jesus Samariamit uterami oqaluussilerpoq oqarluni: ’Qilammiup naalagaaffia qanillivoq.’ Naalagaaffik sunaasoq nalunngiliuk? Naalagaaffiuvoq piviusoq, Guutip naalakkersuisui. Jesus tassani kunngiuvoq. Taanna qilammit naalagaajumaarpoq eqqissinerlu nunami atulersikkumaarlugu. Taava Guutip naalagaaffiata nunarsuaq paratiisinngortikkumaarpaa.

Uani Jesusip inuit naalagaaffik pillugu ajoqersorpai. ’Ima qinusassaasi,’ nassuiaavoq. ’Ataatarput qilammiusutit, aqqit illernarsili. Naalagaaffiit tikiulli. Piumasat qilammisut nunamissaaq pili.’ Inuit amerlasuut qinnut tamanna taasarpaat ’Ataatarpooq’-mik. Qinnut taanna alanngaarsinnaaviuk tamaat?

Jesusip aamma inuit imminnut qanoq innissaannik ajoqersorpai. ’Inunnut qanorluunniit iliorfigeqqugussi ilississaaq taamatut iliorfigisigik,’ oqarpoq. Inuit allat ajunngitsumik iliorfigigaangatsit illit iluarusuttarputit, ilaa? Taava uaguttaaq nammineq allat ajunngitsumik iliorfigisariaqarpavut, Jesus taama oqarpoq. Inuit tamarmik nunami paratiisiusumi taamaaliortalerpata nuannissaqaaq, ilaa?

Matîuse kapitalit 5-imiit 7 ilanngullugu; 10:1-4.