Imarisai

Saqqaata tullia

Imai

Jehovap Nalunaajaasui

Kalaallisut

Biibilimik oqaluttuaatikka

Oqaluttuaq 71: Paratiisissamik neriorsuut

Oqaluttuaq 71: Paratiisissamik neriorsuut

UANI paratiisip assinga takusinnaavat, immaqa Guutip pruffiitiminut Esajasimut takutitaanut assingusoq. Jonasip kinguninnguagut Esajas inuuvoq.

Inuit Paratiisimi

Paratiisi isumaqarpoq "Naatsiivik“ imaluunniit "Naatsiivissaarsuaq“. Atuakkami uani takoreersimasannut eqqaanarpa? Naatsiivimmut alianaatsumut Adamip Evallu najugassaattut Jehova Guutip pinngortitaanut assinguvoq, ilaa? Nunarsuaq tamarmi qaquguluunniit paratiisinngussanerluni?

Jehovap pruffiitini Esajas paratiisissaq nutaaq Guutip innuttaasa pissaat allatsissimavaa. Oqarsimavoq: ’Amaqqut savallu eqqisseqatigiissapput. Nersuteeqqat liiveeqqallu ivigartoqatigiissapput, meerannguanillu paarsisoqassapput. Naalungiarsulluunniit pulateriaarsuup toqunartullip eqqaani pinnguaraluaruni ajoquserneqarnavianngilaq.’

’Taamaattoqarsinnaanngilaq,’ amerlasuut oqarumassapput. ’Nunami eqqissiviilliorneq atuuttuaannarsimavoq, taamaattuaannassallunilu.’ Angerlarsimaffilli Guutip Adamimut Evamullu tunniussaa qanoq ittuusimava?

Guutip Adam Evalu paratiisimut inississimavai. Guutimut naalannginnamik aatsaat angerlarsimaffitsik annaavaat, utoqqanngorlutik toqullutillu. Guuti neriorsuivoq inuit asasini Adamip Evallu annaasaannik tuniumaarlugit.

Paratiisissami nutaami ajoqusiisoqassanngilaq aseruisoqassananilu. Eqqissineqarluinnassaaq. Inuit tamarmik peqqillutillu pilluassapput. Guutip aallaqqaammut piumasaatut pissutsit ilissapput. Guutilli tamanna qanoq piviusunngortissagaa kingorna ilinniassavarput.

Jesaja 11:6-9; sarĸúmersitat 21:3, 4.