Imarisai

Saqqaata tullia

Imai

Jehovap Nalunaajaasui

Kalaallisut

Biibilimik oqaluttuaatikka

Oqaluttuaq 64: Salomon naalaffiliortitsisoq

Oqaluttuaq 64: Salomon naalaffiliortitsisoq

TOQUNNGINNERMINI Davidip Salomon tunivaa Jehovap naalaffissaata sananissaanut Guutip pilersaarutaanik. Naalakkersuinermi ukiuisa sisamassaanni Salomon naalaffiliulerpoq, inernissaanullu ukiut arfineq-pingajussaat qiteqqullugu atorneqarput. Angutit tituusintilippassuit naalaffiliorput, sananeralu akisoqaaq kuulterpassuit siilverpassuillu atorneqarmata.

Naalaffimmi init pingaarnerit marluk init marluk illernartuummiittut naligaat. Inilli taakku illernartuummiittunit marloriaammik annerupput. Angerutsip illerfia naalaffiup inaanut ilorlermut Salomonip inissinneqartippaa, illernartuummeersullu allat init aappaannut inissinneqarput.

Naalaffik inermat nalliuttorsiornersuaqarpoq. Salomon naalaffiup sioraani seeqqumiarpoq qinullunilu, soorlu assilissami takusinnaagit. ’Qilak tamaat allaat tattorit,’ Salomonip Jehova oqarfigaa, ’Naalaffik manna naammaginavianngilat. Maannali, Guutiga, innuttatit illu manna saaffigalugu qinugaangata tusartakkit.’

Kunngi Salomoni qinusoq

Salomon qinoreermat inneq qilammit nakkarpoq, uumasut pilliutaasut ikikkarlugit. Qaamanersuullu Jehovamit pisup naalaffik tamakkerpaa. Tamatuma takutippaa Jehova naalaartoq, naalaffillu Salomonillu qinnutaa iluarigai. Illernartuummiunngitsoq naalaffimmili maanna inuit Guuti pallorfigisalerpaat pilliuteqarfigisalerlugulu.

Sivisuumik Salomon silatuumik naalakkersuivoq, inuillu pilluarput. Salomonilli arnarpassuit nunanit allaneersut Jehovamik pallorfiginnittuunngitsut nuliartaariortorpai. Ilaat inuusaliap sioraani guutipilussiortoq takusinnaaviuk? Naggataatigut nuliaasa aamma Salomon guutipilussiulersippaat. Salomon taamaaliulermat qanoq pisoqartoq nalunngiliuk? Inuit ajunngitsumik iliorfigiunnaarpai. Naakkittaatsuliulerpoq, inuillu pilluarunnaarput.

Kunngi Salomoni inuusaliap sioraani guutipilussiortoq

Taava Jehovap Salomon kamaatilerpaa, oqarfigalugulu: ’Naalagaaffimmik arsaarumaarpakkit angummullu allamut tunniukkumaarlugu. Illit inuutillutit taamaaliussanngilanga, ernerpilli naalakkersuinerata nalaani taamaaliorumaarlunga. Naalagaaffilli tamakkernagu erninnit arsaarinnissutigissavara.’ Tamanna qanoq pisoq takoriartigu.

1 Israelikkut 28:9-21; 29:1-9; 1 Kunngit 5:1-18; 2 Israelikkut 6:12-42; 7:1-5; 1 Kunngit 11:9-13.