Imarisai

Saqqaata tullia

Imai

Jehovap Nalunaajaasui

Kalaallisut

Biibilimik oqaluttuaatikka

Oqaluttuaq 54: Angut nukittunerpaaq

Oqaluttuaq 54: Angut nukittunerpaaq

ANGUTIT inuusimasut nukittunerpaartaat nalunngiliuk? Tassaavoq eqqartuussisoq Samsonimik atilik. Jehovap Samson taama nukittutigitippaa. Samson suli inunngunngitsoq arnaa Jehovap oqarfigaa: ’Ernertaarumaarputit. Taassuma siulersortaalluni Israelikkut filisterinit annaakkumaarpai.’

Samsoni løvimut akiuuttoq

Filisterit inuupput ajortut Kana’animi najugaqartut. Sakkutoorpassuaqarput, Israelikkunnillu ajoqusiisarlutik. Ullut ilaanni Samson filisterit nunaaliartoq liiversuup uiannisaarluni ornippaa. Samsonilli liiveq assaannarminik toquppaa. Aammattaaq filisterit ajortut hundredelippassuit toquppai.

Kingorna Samsonip arnaq Dalilamik atilik asannilerfigaa. Filisterit siulersortaat neriorsuipput tamarmik immikkut Dalila siilvinik 1100-nik tuniumaarlugu nalunaarfigippatik Samsonip nukittunersuata suna peqqutigigaa. Dalilap aningaasarpassuit taakku perusuppai. Dalila Samsonimut Guutilluunniit innuttaanut ikinngutaanngilaq ilumoortoq. Taava Samson apersortuarpaa nukittunersuata suna peqqutigigaa.

Dalila Samsonilu

Kiisami Samsonip isertukkaminik Dalila oqaluttuuppaa. ’Nutsakka kipineqarsimanngisaannarput,’ oqarpoq. ’Inunngorninniilli Guutip qinerpaanga immikkut kiffarilerlunga. Nutsakka kipineqassagaluarpata nukeerutissagaluarpunga.’

Tamanna paasileramiuk Dalilap Samson saamini sinitsippaa. Taava angut iseqquaa nujai kipeqqullugit. Samson iterami nukeerussimavoq. Taava filisterit iserput tigusaralugulu. Isai illuttut qaarpaat inussiaatigilerlugulu.

Samsonip sukarsuit uppitikkai

Ullut ilaanni filisterit nalliuttorsiorput guutertik Dagon unnersiutigalugu, Samsonilu parnaarussivimmit anisippaat ikkatigiumallugu. Samsonilli nujai tallisimapput. Samsonip nukappiaraq tasiortigisani oqarfigaa: ’Sukarsuit illup aalajangerfii attortikkit.’ Taava Samsonip Jehova qinnuigaa nakussatseqqulluni, sukarsuillu eqillugit. Nillerpoq: ’Filisterit toqoqatigilakka.’ Filisterit 3000-it nalliuttorsioqataapput, Samsonillu sukarsuit ajammagit illorsuaq uppippoq inuppassuit ajortut taakku tamaasa toqullugit.

Eqqartuussisut kapitalit 13-imiit 16 ilanngullugu.