Imarisai

Saqqaata tullia

Imai

Jehovap Nalunaajaasui

Kalaallisut

Biibilimik oqaluttuaatikka

Oqaluttuaq 4: Paratiisi annaagaat

Oqaluttuaq 4: Paratiisi annaagaat

TAKUUK! Adam Evalu Edenip naatsiivianit alianaatsumit anisinneqarput. Suna pissutaasoq nalunngiliuk?

Adam Evalu Edenip naatsiivianit anisinneqartut

Assut ajortuliorsimagamik. Taamaattumik Jehovap pillarpai. Adamip Evallu sumik ajortuliornerat nalunngiliuk?

Guutip inerteqqutaanik iliorput. Guutip oqarfigisimavai orpiit naatsiivimmiittut neriffigisinnaagaat, orpilli ataasiinnaq neriffigissanngikkaat, neriffigigaluarunikku toqussammata. Orpik taanna Guutip pigisamisut isigaa. Nalunngilarpullu inuup allap pigisaa tigussagutsigu ajortuliornerusoq, ilaa? Taava, qanoq pisoqarpa?

Ullut ilaanni Eva kisimiittoq pulateriaarsuup oqaluffigilerpaa. Eqqumiissusia! Eva oqarfigaa orpik Guutip neriffigeqqunngisaa neriffigeqqullugu. Pulateriaarsuliorami Jehovap taakku oqalussinnaassuseqartinngilai. Taamaattumik allatut isumaqarneq ajornaqaaq kisianni alla pulateriaarsummik oqalutsitsisoq. Kina?

Tassaanngilaq Adam. Tassaassaarli nuna pinngortinngikkallaramiuk Jehovap pinngortitaasa ilaat. Inngiliupput, uagullu takusinnaanngilavut. Inngili ataaseq pingaarniartorujussuanngorsimavoq. Isumaqalersimavoq Guutitut naalagaajumalluni. Inuillu imminut naalaqquai Jehovamut naalaqqunagit. Taanna tassaavoq inngili pulateriaarsummik oqalutsitsisoq.

Inngilip taassuma Eva salloqittarpaa. Oqarfigimmani paarnaq nerigaluaruniuk Guutitut ittunngussasuni, upperaa. Taava nerivoq, Adamittaaq nerivoq. Adamip Evallu Guuti naalanngilaat, tamannalu pissutigalugu paratiisi annaavaat.

Qaquguluunniilli nunap tamarmiusup Edenip naatsiiviatut alianaatsigisunngornissaa Guutip isumagiumaarpaa. Illit qanoq ilioruit peqataasinnaassasutit kingorna ilinniassavarput. Maannali Adam Evalu qanoq pinersut paasiniariartigu.

1 Moses 2:16, 17; 3:1-13, 24; sarĸúmersitat 12:9.