Imarisai

Saqqaata tullia

Imai

Jehovap Nalunaajaasui

Kalaallisut

Biibilimik oqaluttuaatikka

Biibilimik oqaluttuaatikka

Biibilimik oqaluttuaatikka
Jiisusi meeqqanik oqaloqateqartoq

UNA atuagaavoq ilumoortunik oqaluttualik. Oqaluttuat tamarmik silarsuarmi atuakkat pingaarnersaanninngaanneersuupput. Tamakkunuuna oqaluttuarisaanermi pisimasut oqaluttuarineqarput Guutip pinngortitsilerneraniit manna tikillugu. Guutip siunissami naammassiumaagai allaat oqaluttuarineqarput.

Atuakkami uani Biibilip imai pingaarnersiorneqarput. Biibilip inuttai taakkualu naammassisaat oqaluttuarineqarput. Takutippaattaaq nunami paratiisiusumi inuunermik naassaanngitsumik neriuutissaq nuanningaartoq Guutip innuttaminut neriorsuutigisaa.

Atuakkami uani 116-inik oqaluttuaqarpoq. Arfineq pingasunik immikkoortoqarpoq. Immikkoortut tamarmik immikkut siulequtaqarput imaannik nassuiaatitalimmik. Oqaluttuat qanga pisimanertik najoqqutaralugu tulleriissillugit allassimapput. Tassuuna pisimasut allanut naleqqiullugit qanga pisimaneri paasisinnaalissavatit.

Paasiuminartumik allataapput. Meeqqat namminneerlutik oqaluttuat atuarsinnaassavaat. Angajoqqaat paasilissavaat meerannguit oqaluttuanik atuffanneqaqattaarnissartik nuannareqigaat. Aamma misigissavat inuusuttut utoqqaallu allaat atuagaq una soqutigissagaat.

Oqaluttuat tamarmik naggataanni allassimasarput Biibilip ilaanit sorlermit issuagaanersut. Biibilimi allassimaffinnik oqaluttuat najoqqutarisaannik atuartarnissaq inassutigineqarpoq.

Atuakkami uani Biibilimit issuakkat oqaatsit meeqqanut paasiuminartut atorlugit allagaapput. Oqaluttuat tamarmik naggataanni Biibilimi najoqqutassaqarfigisat allassimasarput.