Imarisai

Saqqaata tullia

Imai

Jehovap Nalunaajaasui

Kalaallisut

Asasamik toqusoqaraangat

“Taamaassinnaanngilaq!”

“Taamaassinnaanngilaq!”

ANGUT New Yorkimi USA-miit­tumi najugalik ima oqalut­tuar­poq: „Er­nera Jonathan ikin­ngutiminut ungasin­ngitsumi najugalin­nut pulaar­poq. Taavun­nar­tar­nera nuliama Valentinap nuan­narival­laan­ngilaa, angal­lat­tor­pas­suit akor­nan­ni ajutoor­nis­saa an­nilaangagisaramiuk. Er­nermali elektronik­kimut tun­ngasut nuan­nareqai, ikin­ngutaalu sul­liveqar­put misileraaf­figisin­naasaanik. Uanga Manhattanimi New Yorkimiit­tumi angerlarsimavunga. Nuliara ilaqut­taminut Puerto Ricomiit­tunut tikeraarluni aal­larsimavoq. ’Jonathan angerlamut apuutilerun­narsivoq,’ eq­qarsar­punga. Taava matuk­kut sianer­toqar­poq. ’Taan­naana,’ qulan­ngivil­lunga eq­qarsar­punga. Taan­naan­ngilarli. Tas­saaku politiit ambulancelerisul­lu. ’Biilersin­naanermut al­lagar­taq una nalun­ngiliuk?’ politiip aperaanga. ’Aap, tas­sa er­nerma Jonathanip pia.’ ’Nuan­niitsumik tusagas­saqar­tip­patsigit. Ajutoor­toqarsimagami, er­neril­lu . . . er­nerit ajunaarami.’ Qisuariar­nera siul­leq tas­sa: ’Taamaas­sin­naan­ngilaq!’ Alianar­tup tamatuma uum­matitsigut ikiler­paatigut al­laat ukior­pas­suit kingor­na suli mamin­ngitsumik.“

‘Nuanniitsumik tusagassaqartippatsigit. Ajutoortoqarsimagami, ernerillu . . . ernerit ajunaarami.’

 Ataataq Barcelonami Spaniamiit­tumi najugalik ima al­lap­poq: „Taamanik­kut Spaniami 60-ik­kun­ni ilaqutariit­tut pil­luarluta inuuvugut. Nuliara, Maria, meeq­qavul­lu pingasut, David 13-inik, Paquito 11-nik Isabelilu 9-nik ukiul­lit.

Ul­lut ilaan­ni, 1963-imi marsiugaa, Paquito atuarfim­mit angerlamut apuup­poq niaqorlut­torujus­suunerarluni. Suna pis­sutaanersoq paasisin­naan­ngilar­put — sivisun­ngitsumil­li. Nalunaaqut­tap-akun­neri pingasut qaangium­mata toquvoq. Qaratsamigut aanaar­toor­nerata inuunera tas­san­ngaan­naq qamip­paa.

Paquitop toqunera ukiut 30-t sin­nerlugit matuma sior­na pisimavoq, ul­lorli man­na tikil­lugu itisuumik an­niaatigaar­put. Angajoq­qaat meeq­qamin­nik an­naasaqar­tut misigiuaan­nar­tar­put taman­na ilutigalugu nam­minius­sutsimik ilaanik an­naasaqarlutik — pif­fis­saq qanorluun­niit sivisutigisoq qaangiutereersimagaluar­pat  imaluun­niit qanorluun­niit amerlatigisunik al­lanik meeraqaraluarunik.“

Angajoq­qaat meeq­qamin­nik an­naasaqarsimasut misigisimasaasa marluk taak­ku takutip­paat meeq­qamik toqusoor­neq qanoq ititigisumik sivisutigisumil­lu aliasuutaasin­naasoq. Nakorsap oqaasii uku as­sut ilumoor­put: „Meeq­qamik toqusoor­neq utoq­qarmik toqusoor­nermit aliasuutaanerujus­suusar­poq akueriuminaan­nerul­lunilu, meeq­qap taama toqujaar­tiginis­saa naatsorsuutigineqar­neq ajormat. . . . Meeq­qap toquneratigut aam­ma an­naaneqar­tar­put ilaqut­tanut [er­neq, ukuaq, er­nut­tat] atatil­lugu siunis­samut takorluuk­kat, misigisas­sal­lu . . . suli misigineqan­ngitsut.“ Taamatut­taaq ar­naq naar­tuminik katatsisoq angisuumik an­naasaqar­tutut aliasus­sin­naasar­poq.

Uil­lar­neq ima oqalut­tuar­poq: „Uiga Russell sorsun­nersuup kingul­liup nalaani Maneras­suarmi sorsuf­fiusumi sak­kutuut nakorsaat­tut sulisimavoq. Akersuun­nerit amiilaar­nar­tut misigisarsimavai. USA-mut uter­poq eq­qis­sisimanerusumil­lu inuulerluni. Kingor­na Guutimut kif­far­tor­tun­ngor­poq. 60-it qaangersimalerlugit uum­matilut­taler­poq. Taamaak­kaluar­toq suliniarsariin­nar­poq. Ul­lul­li ilaan­ni, 1988-imi juuliugaa, uum­mal­leriataar­poq toq­qutigisaminik. Qimagun­nera aliasuutigisorujus­suuara. Al­laam­mi inuul­luaq­qun­ngilara. Uigiin­nan­ngilara, aam­mali ikin­ngutiginer­paasaraara. Ukiuni 40-ni aap­pariis­simavugut. Tas­sa kiserlior­nerujus­suarmik atugaqar­tariaqaler­punga.“

Misigisimasat tamak­ku alianar­tut ilaqutariin­nik nunarsuarmi sumi tamaaniit­tunik ul­lut tamaasa eq­quisar­tut tuusintilik­kuutaat ilaan­naminin­nguaraat. Soorlu inuit qimagaasimasut oqarfigiumas­sagaatsit meeq­qamik, uimik, nuliamik, angajoq­qaamik ikin­ngum­mil­luun­niit toqusoor­neq kristumiup Biibilimik al­laqataasup Paulusip oqar­neratut tas­saavoq ’qin­ngarsuisut nun­ngutis­saat’. Tusak­kamut alianar­tumut qisuariar­neq siul­leq tas­saagajup­poq: „Taamaas­sin­naan­ngilaq! Up­perin­ngilara.“ Soorlulu takus­sagip­put qisuariar­nerit al­lat kingor­natigut tak­kut­tar­put. — 1 Korintumiut 15:25, 26.

Aliasun­nermili misigis­sutsit eq­qar­tor­tin­nagit apeq­qutit pingaaruteqar­tut akeq­qaalaariar­tigik. Toqu tamanut naggataava? Asasatsin­nik takun­neq­qis­sin­naanis­satsin­nut neriuutis­saqar­pa?

Uppernartumik neriuutissaqarpoq

Biibilimik al­laqataasup Paulusip erseq­qis­sar­paa ’qin­ngarsuisut nun­ngutis­saan­nit’ tamatuman­nga, toqumit, aniguisitaanis­saq ajor­nan­ngitsoq. Ima al­las­simavoq: ’Qin­ngarsuisut suujun­naarsitas­sat nun­ngutis­saat tas­sa toqu.’ (1 Korintumiut 15:26) Sooq Paulus taama qular­pasin­ngitsigaa? Tas­sa toqusunit makititaasimasumit Jesus Kristusimit oqalut­tuun­neqarsimagami. (apustilit suliait 9:3-19) Taamaat­tuminguna Paulus aam­ma ima al­las­sin­naasimasoq: ’Toqumi inuk­kut [Adamik­kut] pin­ngormat aam­mat­taaq toqusut makif­fis­saat inuk­kut [Jesus Kristusik­kut] pin­ngor­poq. Soorlumi Adamimi tamarmik toqusut, taama Kristusimi tamarmik uum­mar­titaas­sap­put.’ — 1 Korintumiut 15:21, 22.

Jesus as­sut aliatsas­simavoq uil­lar­neq Nainimiu er­nerminik toqusoorsimasoq takugamiuk. Biibilimi ima oqalut­tuarineqar­poq: ’Il­loqarfiup [Nainip] isaaf­fia [Jesusip] tikilermagu, ata, toqusoq taava akiarlugu an­nik­kaat, ar­naata taan­na er­nituarigaa uil­lar­nerul­lunilu; inuil­lu qas­seersuit il­loqarfim­mit ingerlaqatigaat. Naalak­kal­lu takugamiuk nal­ligingaaler­paa oqarfigalugulu: „Qianak.“ Taava or­nigul­luni akiutaat at­tor­paa, akiar­tul­lu unim­mata oqar­poq: „Inuusut­toq uumaa, oqarfigaak­kit: Makigit.“ Toqusoq taava ingip­poq oqalulerlunilu.  Ar­naanul­lu tun­niup­paa. Tamarmik taava ersiler­put, Guutilu un­nersiutigaat oqarlutil­lu: „Pruf­fiitersuaq akor­natsin­ni makis­simavoq, Guutil­lu in­nut­tani tikeraarsimavai.“’ Malugiuk Jesus qanoq misigin­neqataatigisoq, al­laat uil­lar­nerup er­nera toqusunit makitil­lugu! Takorlooruk taman­na siunis­samut sumik ilimasaarisoq! — Lúkarse 7:12-16.

Jesus inup­pas­suit tak­kuan­ni puiunaatsumik toqusunit makititsivoq. Makititsineq taman­na makititsinis­samut tamatuma sior­na siulit­tuutigisimasaanut — ’qilas­sat nutaat’ ataan­ni nunarsuarmi inuunermut pin­ngor­titaaq­qin­nermut — siumut as­sersuutaavoq. Taamani Jesus ima oqarsimavoq: ’Taman­na tupigusuutigis­san­ngilarsi, ul­lut nal­liuk­kumaarmata, taava iliver­niit­tut taas­suma nipaa tusarumaar­paat; anil­lutil­lu makis­sap­put.’ — sarĸúmersitat 21:13, 4; Juánase 5:28, 29; 2 Pîtruse 3:13.

Apustili Peter al­lal­lu aq­qanil­lit Jesusimik malin­nit­tut makititsinermik aam­ma takun­nis­simap­put. Al­laam­mi Galiliiap tasersuani Jesusimit makititaasimasumit oqaluf­figineqarsimap­put. Ima oqalut­tuarineqar­poq: ’Jesusip oqarfigai: „Qaal­lusi neriar­toritsi.“ Ajoqersuk­kal­li arlaan­naataluun­niit ima aperineq saper­paa: „Kinaavit?“ Naalagaq tas­saasoq nalun­ngin­namik­ku. Taava Jesusip or­nil­lugit timiusaq tigugamiuk taak­kunun­nga tun­niup­paa ner­pim­mil­lu tunisarlugit. Tamas­sa Jesusip toqusunit makik­kami kingor­na ajoqersuk­kaminut saq­qum­mersar­nerisa pingajus­saat.’ — Juánase 21:12-14.

Taamaat­tuminguna Peter qulan­ngil­luin­narluni ima al­las­sin­naasimasoq: ’Un­nersiutigineqarli Guuti, Naalak­kat­ta Jesus Kristusip ataataa, naak­kin­nin­nersuani naaper­torlugu er­nioq­qis­sik­kamisigut neriugisamut uumasumut Jesus Kristusip toqusunit makin­neragut.’ — 1 Pîtruse 1:3.

Aam­ma apustilip Paulusip qulan­ngin­nini ersersip­paa ima oqarami: ’Inatsisini pruf­fiitil­lu al­lagaan­ni al­las­simasut tamaasa up­peraak­ka Guutilu neriuf­figalugu ukuat­taaq ilimagisaan­nik; toqusut makik­kumaarmata, iluar­tul­lu iluaatsul­lu.’ — apustilit suliait 24:14, 15.

Taamaat­tumik inuit mil­lionilik­kuutaat qularatik neriugisin­naavaat asasatik nunarsuarmi inooq­qilerumaar­tut takusin­naas­sal­lugit — pis­sutsit ul­lum­mik­kor­nit al­laal­luin­nar­tut atuun­neran­ni. Pis­sutsit qanoq it­tut? Neriuut Biibilimik tun­ngaveqar­toq taman­na pil­lugu paasis­sutis­sat amerlanerusut atuagas­siaaq­qap matuma im­mik­koor­tuisa kingul­lersaan­ni „Toqusunut neriuut qular­naatsoq“-mik qulequtalim­mi sam­mineqas­sap­put.

Siul­lermil­li sam­meq­qaariar­tigik apeq­qutit asasamik an­naasaqarsimatil­luni qaf­fakaasar­tut ilaat: Taamatut aliasun­nera pis­susis­samisoor­pa? Aliasuutiga qanoq nam­mas­sin­naavara? Nam­man­nis­saanut al­lat qanoq ilil­lutik ikiorsin­naavaan­nga? Al­lat aliasut­tut qanoq ikiorsin­naavak­ka? Pingaar­ner­paamil­lu: Toqusunut neriuutis­samik qular­naatsumik Biibilimi nas­saas­saqar­pa? Asasak­ka an­naasimasak­ka takoq­qis­sin­naas­savak­ka? Taamaap­pal­lu sumi?