Imarisai

Saqqaata tullia

Jehovap Nalunaajaasui

Kalaallisut

Aliasuttoqartuassa­soraajuk?

Aliasuttoqartuassa­soraajuk?
  • Naamik?

  • Aap?

  • Asuki?

 AKISSUT BIIBILIMEERSOQ

‘Guutip qulliit tamaasa isaannit allarterumaarpai, toqulu peerukkumaarpoq, aliasuttoqarunnaarlunilu nilliasoqarunnaarlunilu anniartoqarunnaassaaq.’ — Saqqummersitat 21:3, 4.

TAMANNA QANOQ ILUAQUTIGISINNAAGIT

Qulariunnaassavat Guuti ajornartorsiortitsineq ajortoq. — Jobi 34:10.

Tuppallersaatigissavat aliasukkaangatta Guutip paasilluinnartaraatigut. — Zakaria 2:12.

Neriuutigilissavat aliasuttoqarunnaavissasoq. — Tussiaat 37:9-11.

 BIIBILIMI ALLASSIMASUT UPPERISINNAAVAVUT?

Aap, ilaatigut uku marluk pissutigalugit:

  • Guutip alianartut naapertuilluanngitsuliornerillu uumigimmagit. Eqqarsaatigiuk Jehova Guuti qanoq misigisimasoq itsaq innuttani naakkittaatsumik pineqarmata. Biibilimi allassimavoq taakkua ‘annikilliortitaanerat’ pissutigalugu aliasuttoq. — Eqqartuussisut 2:18.

    Guutip inuit inoqatiminnik ajortumik pinnittarnerat anniaatigingaartarpaa. Assersuutigalugu Biibilimi allassimavoq “assaat pinngitsup aavanik kuisisut” maajugigai. — Ussatit 6:16, 17.

  • Guutip tamatta immikkut soqutigimmatigut. Jehovap nalusanngilaa inuit ‘qamuuna eqqorneqartutut misigigaangata’! — 2 Nalunaarsuutit 6:29, 30.

    Jehovap naalagaaffini aqqutigalugu qanittukkut tamatta aliasukkunnaarsissavaatigut. (Matthæusi 6:9, 10) Taamaaliornissami tungaanut ilumoorlutik imminik ‘ujarlersut’ asannilluni tuppallersartarpai. — Apustilit Suliaat 17:27; 2 Korinthimiut 1:3, 4.

 EQQARSAATISSIISSUT

Sooq Guutip aliasuutit akuerai?

Akissut Biibilimeersoq ukunaniippoq: ROMAMIUT 5:12 aamma 2 PETRUSI 3:9.