Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik  |  Novembari 2015

 SAM­MISAQ PINGAAR­NEQ | JEHOVAP NALUNAAJAASUI KIK­KUUP­PAT?

Jehovap Nalunaajaasuisa suna upperaat?

Jehovap Nalunaajaasuisa suna upperaat?

Jehovap Nalunaajaasuisa up­peraat ‘Al­lak­kat tamarmik Guutimit anersaarfigineqarlutil­lu iluaqutaasut’. (2 Timotheusi 3:16) Pin­ngor­titsisoq pil­lugu ilin­niar­nermut siuner­taqarluar­tumil­lu inuunis­samut ilitsersuutitut atoriaan­naasutut Biibili ator­tar­par­put.

Biibilimi ima al­las­simavoq: “[Inuit paasis­savaat] il­lit kisivit – aq­qit tas­saasoq Jahve [Jehova, NW] – Qutsin­nerus­saar­tuusutit nunarsuarmi tamarmi.” (Tus­siaat 83:19) Taamaat­tumik Jehova Guuti kisiat pal­lorfigalugulu taas­suma Nalunaajaasuisut aq­qa ilisimaneqalersin­niarlugu sapin­ngisatsin­nik iliuuseqar­tar­pugut. – Esaja 43:10-12, 21.

Kristumiutut up­peraar­put Jiisusi “tas­saasoq Guutip er­nera” * Mis­siarsitul­lu nunarsuarmut aal­lar­titaasoq. (Johan­nesi 1:34, 41; 4:25, 26) Jiisusi toqunermi kingor­na qilam­mut makititaavoq. (1 Korinthimiut 15:3, 4) Kingusin­nerusuk­kut Guutip naalagaaf­fiani kun­ngin­ngor­poq. (Saq­qum­mersitat 11:15) Naalagaaf­fik taan­na piviusuuvoq nunarsuarmi paratiisimik pilersitseq­qit­tus­saq. (Danieli 2:44) Biibilimi ima al­las­simavoq: “Qanilaar­tut nuna kingor­nutis­savaat pil­luangaar­ner­til­lu nuan­naarutigis­sal­lugu.” – Tus­siaat 37:11, 29.

“Up­peraat Guutip nipaa Biibilimi atuar­nik­kut tusaaneqarsin­naasorlusooq. Ajor­nar­torsiutitik Guutip oqaasia tun­ngavigalugu aaq­qin­niar­tar­paat. ... Guutip oqaasia suli sun­niisin­naas­suseqar­tutut isigaat.” – Katuul­lit palasiat Benjamin Cherayath, aviisi Münsterländische Volkszeitung, Tysklandi

Jehovap Nalunaajaasuisa up­peraat najoq­qutas­siat Biibilimeersut al­laat ul­lumik­kut inun­nut iluaqutaasut. (Esaja 48:17, 18) Taamaat­tumik najoq­qutas­siat taak­ku maleruar­niar­tar­pavut. As­sersuutigalugu Biibilimi isumatsin­nik timitsin­nil­lu mingutsitsisin­naasut ingalas­simaq­quneqarmata pujor­tar­neq ajorlutalu ikiaroor­neq ajor­pugut. (2 Korinthimiut 7:1) Aam­ma iliuutsit Biibilimi iner­teq­qutigineqar­tut – soorlu imerajun­neq, kinguaas­siuutitigut inuunerlun­neq til­lin­nerlu – ingalas­simasar­pavut. – 1 Korinthimiut 6:9-11.

^ par. 5 Jiisusi siul­ler­paal­luni kisiar­taal­lunilu Jehovamit toq­qaan­nar­tumik pin­ngor­titaagami aam­ma Biibilimi ‘Guutip er­nituatut’ taaneqar­poq. – Johan­nesi 3:18; Kolos­semiut 1:13-15.