Imarisai

Imai

Jehovap Nalunaajaasui

Oqaatsit toqqakkit Kalaallisut

 SAM­MISAQ PINGAAR­NEQ

Jehovap Nalunaajaasui kikkuuppat?

Jehovap Nalunaajaasui kikkuuppat?

“Mike ukior­pas­suar­ni nalun­ngisarivara. Jehovamik Nalunaajaasuuvoq. Up­perisaali eq­qumiigiuaan­nar­nikuuara. Jehova kinaagami? Sooq Nalunaajaasut nal­liut­torsior­neq ajor­pat? Mike ilagiin­nut im­mik­koor­niar­tunut ilaava?” – Becky, Califor­nia, USA.

“Sanilik­ka Jehovap Nalunaajaasuinit atuaq­qis­saaqatigineqar­talermata ima eq­qarsar­punga: ‘Taaguutaat, Jehovap Nalunaajaasui, qanoq isumaqar­pa? Taaguutaat eq­qumiik!’” – Zenon, Ontario, Canada.

“Nuliaralu isum­mer­pugut naalagiar­neq ajor­ner­put pil­lugu ilerasutsin­niaan­narluta Jehovap Nalunaajaasuisa alak­kar­taraatigut. Eq­qarsar­pugul­lu ujar­tuk­kavut oqaluf­fiit ilisimasat­ta pigin­ngip­patigit aam­ma ilagiit im­mik­koor­niar­tut eq­qumiitsut, Jehovap Nalunaajaasuisa, piginavian­ngik­kaat.” – Kent, Washington, USA.

“Kik­kuunersut qanorlu up­perisaqar­nersut nalul­luin­nar­para.” – Cecilie, Esbjerg, Danmarki.

Ilimanar­poq matumiit matumut aq­qusinermiluun­niit oqaluus­sinermin­ni Biibililersaarutinik Biibilimil­luun­niit atuaq­qis­saaqateqar­nis­samik neqerooruteqar­tut takusimas­sagitit. Im­maqa atuagas­siaq una taak­kunan­nga pivat. Jehoval­li Nalunaajaasuisa kik­kor­piaanerat im­maqa eq­qarsaatigisar­pat. Im­maqa qulaani is­suar­neqar­tunut as­singusumik eq­qarsaateqar­nikuuvutit.

Apeq­qutit eq­qarsaatil­luun­niit taamaat­tut sumi akis­sutis­sarsineqarsin­naap­pat? Jehovap Nalunaajaasuisa suna up­perineraat, oqaluus­sinerat pal­lorfigin­nit­tarfiisalu qanoq aningaasalersor­neqar­nerat aam­ma sooq il­lit angerlarsimaf­fin­nut kasut­tor­tar­nersut aq­qusinermilu saaf­figisaraatsit qanoq paasiniarsin­naaviuk?

Cecilie siusin­nerusuk­kut is­suar­neqar­toq ima oqar­poq: “Jehovap Nalunaajaasui pil­lugit inter­netik­kut atuangaatsiar­tar­punga. Taak­ku pil­lugit tusatsiagaqar­tarlungalu nakerisarsior­tunut tusar­naar­tar­punga. Tamatuma kingunerisaanik Jehovap Nalunaajaasui ajor­tumik isigin­nit­taaseqarfigiler­pak­ka.” Kingusin­nerusuk­kul­li Jehovap Nalunaajaasuinik oqaloqateqarami apeq­qutigisar­tak­kani naam­maginar­tumik akis­sutis­sarsivai.

Jehovap Nalunaajaasui pil­lugit apeq­qutinut akis­sutit ilumoor­tut paaserusup­pigit? Taman­na pil­lugu ilisimasaqarluar­nerusunut – Jehovap Nalunaajaasuinut, atuagas­siamik matumin­nga saq­qum­mersitsisunut – saaf­figin­neq­qul­lutit kajumis­saar­patsigit. (Us­satit 14:15) Neriup­pugut al­laaserisat tul­liut­tut kik­kuunitsin­nik, qanoq up­perisaqar­nitsin­nik suliatsin­nil­lu paasin­nin­nis­san­nut iluaqutigis­sagitit.