Imarisai

Imai

Jehovap Nalunaajaasui

Oqaatsit toqqakkit Kalaallisut

Guuti pakatsissutigaajuk?

Guuti pakatsissutigaajuk?

“SOOQ uanga? Sooq uan­nut taamatut pisoqar­nis­saa Guutip akueraa?” Sidnei Brasiliamiu 24-nik ukiulik taama aperivoq. Nalut­tarfim­mi sisusarfik­kut ajutooreerluni pisus­sin­naajun­naar­poq.

Inuit ajutoor­nerup, nap­parsimanerup, asasamik toqusoor­nerup, pin­ngor­titami ajunaar­nersuaqar­nerata sorsut­toqar­nerataluun­niit kingunerisaanik naal­liuuteqar­tut Guuti pakatsis­sutigisin­naavaat. Taman­na takor­nar­taan­ngilaq. Itsaq ataataaner­paap Jobip alianar­tut misigisai imaagin­navip­put. Pis­sutis­saqar­nani Guuti ima pisuutip­paa: “Suaaraluarak­kit akin­ngilatit; maani qeqaraluar­punga, soqutigin­ngilarmali. Naak­kit­taal­lutit saapiloor­parma, peq­qar­niitsumil­lu saas­sul­lunga.” – Jobi 30:20, 21.

Jobip nalaataminut ajor­tunut pis­sutaasoq aam­ma sooq Guutip pisut akuerinerai naluaa. Qujanar­tumil­li tamak­kunun­nga pis­sutaasut pil­lugit qanorlu iliorsin­naasugut Biibilimi paasitin­neqar­pugut.

INUIT NAAL­LIUN­NIS­SAAT GUUTIP SIUNER­TARAA?

Biibilimi Guuti pil­lugu ima paasitin­neqar­pugut: “Naam­mal­luin­nar­tuup­put suliai, in­narluitsuup­put aq­qutigisai tamarmik. Guutiuvoq aalajaatsoq, sal­loqit­taan­ngisaan­nar­toq; naaper­tuil­luar­tuuvoq peq­qusersuitsuul­lunilu.” (5 Mosesi 32:4) Taman­nali Guutip ‘naaper­tuil­luar­tup peq­qusersuitsul­lu’ inun­nik naal­liutsitsisar­neranut pisul­luun­niit alianar­tut atorlugit inun­nik pil­laasar­neranut minguiaasar­neranul­luun­niit naaper­tuup­pa?

Naamik, Biibilimi ima al­las­simasoqar­poq: “Us­ser­neqarsimasumik oqar­toqar­niaqinani: ‘Guutimit us­ser­neqar­punga;’ Guutimi ajor­tumit us­ser­neqarsin­naan­ngilaq, nam­minerlu kimil­luun­niit us­siisan­ngilaq.” (Jaaku 1:13) Biibilimili ersersin­neqar­poq inuiaat pitsaaner­paamik aal­lar­tin­nis­saat Guutip isumagigaa. Inuit siul­liit, Adami Evalu, angerlarsimaf­fim­mik nuan­nersumik inuunermilu pisariaqar­titaan­nik tamanik tunil­lugil­lu nalerisimaar­nar­tumik sulias­sip­pai ima oqarfigalugit: “Kinguaas­siorlusi amerliar­toritsi nunarsuaq tamak­kerlugu ilis­sin­nul­lu naalatsigitil­lugu.” Adami Evalu Guutip pakatsis­sutiginis­saanut pis­sutis­saqan­ngil­luin­nar­put. – 1 Mosesi 1:28.

Ul­lumik­kul­li pis­sutsit ajorluin­nar­put. Inuil­lu oqalut­tuarisaanerat ajor­tunik ulik­kaar­poq. Oqaaseqatigiit uku ilumoorluin­nar­put: “Pin­ngor­titat tamarmik suli peqatigiil­lutik anersaarulul­lutil­lu [nimaar­put].” (Romamiut 8:22) Susoqarami?

SOOQ NAAL­LIUN­NAR­TOQAR­PA?

Naal­liun­nar­toqar­neranut pis­sutaasoq paasiumal­lugu ajor­nar­torsiuteqaler­neranut aal­lar­niutaasoq sam­mis­savar­put. In­ngilip pikitsitsiumatuup, kingusin­nerusuk­kut Saatanimik Diaavulumik taaneqar­talersup, Adami Evalu Guutip ‘or­pim­mit ajun­ngitsumik ajor­tumil­lu ilisimasaqalersitsisumit’ nerif­figeq­qun­ngisaanit nereq­qunerisigut Guutip eq­qor­tut eq­qun­ngitsul­lu pil­lugit najoq­qutas­siaanik ajat­tuilersip­pai. Diaavulup Eva Guutimut naalan­ngik­kunik toqunavian­ngin­neran­nik oqarfigigamiuk Guuti sal­lutuujunerar­paa. Saatanip aam­ma Guuti suut ajun­ngitsuuneran­nik ajor­tuuneran­nil­lu aalajangiisin­naatitaanermut tun­ngatil­lugu kif­faan­ngis­suseqar­titsin­ngitsutut un­nerluutigaa. (1 Mosesi 2:17; 3:1-6) Saatani oqamisaar­poq Guuti naalak­kersuin­ngip­pat inuiaat atugaat pitsaanerus­sasut. Tamak­ku tamarmik akerleriis­sum­mik pingaarutilim­mik pilersitsip­put – Guuti naalak­kersuinis­saminut piuk­kun­naateqar­pa?

Diaavulu akerleriis­sum­mik al­lamik aam­ma pilersitsivoq. Inuit nam­minis­sarsiorlutik Guutimut kif­far­tor­nerar­pai. Jobi aalajaatsoq pil­lugu Guutimut ima oqar­poq: “Taan­na ilaqutaalu pigisaalu tamaasa tamatigut ser­nis­sugarisiman­ngin­ner­pigit? ... Ataguli as­sat isatserias­sagit pigisai tamaasa at­torlugit, taava kiin­nat toq­qavil­lugu perloq­qus­sagaluar­paatit!” (Jobi 1:10, 11) Matumani Jobi eq­qar­toraluarlugu Saatani oqamisaar­poq inuit tamarmik nam­minis­sarsiorlutik Guutimut kif­far­tor­tut.

GUUTIP AKERLERIIS­SUTIT QANOQ AAQ­QIS­SAGAI

Akerleriis­sutit pingaaruteqar­tut tamarmik pitsaaner­paamik qanoq aaq­qin­neqarsin­naap­pat? Guutip, sunik tamanik ilisimasaqar­tup, taman­na tamanut naam­maginar­tumik qanoq aaq­qin­neqas­sasoq nalun­ngilaa. (Romamiut 11:33) Aalajanger­poq inuit pif­fis­sami kil­lilim­mi naalak­kersuis­sasut anguneqar­tul­lu  tun­ngavigalugit naalak­kersueriaatsip sorliup pitsaaner­paanera ersersin­neqas­sasoq.

Ul­lumik­kut nunarsuarmi pis­sutsit erloqinar­tut inuit naalak­kersuisin­naan­ngil­luin­nar­neran­nut up­per­narsaataap­put. Inuit naalak­kersuisut eq­qis­sinermik, toq­qis­sisimanermik pil­luar­nermil­lu atuutilersitsinatik nunarsuarmik aseruip­put. Taman­na Biibilimi ilumoor­tumut tun­ngaviusumut uumun­nga up­per­narsaataavoq: “Inuk ingerlasoq al­loriar­tar­nerminik aqutsisin­naatitaan­ngilaq.” (Jeremia 10:23NW) Guutip naalak­kersueriaasia kisimi qaqugorsuarmut eq­qis­sinermik, pil­luar­nermik atugaris­saaler­nermil­lu atuutilersitsisin­naavoq, taman­nami Guutip siuner­tarigamiuk. – Esaja 45:18.

Guutim­mi inun­nut siuner­tani qanoq naam­mas­sis­sagamiuk? Eq­qaamajuk Jiisusip ajoqersuk­kani ima qinunis­samik ilin­niar­tim­magit: “Naalagaaf­fiit tikiul­li, piumasat qilam­misut nunamis­saaq pili.” (Mat­thæusi 6:10) Aap, Guuti pif­fis­sani nal­liup­pat naalagaaf­fini aq­qutigalugu naal­liun­nermut pis­sutaasut tamaasa suujun­naarsis­savai. (Danieli 2:44) Piitsuus­suseq, nap­paas­suit toqulu atuuk­kun­naas­sap­put. Piitsunut tun­ngatil­lugu Biibilimi al­las­simavoq Guutip an­naatis­sagaa “piitsoq ikioq­qul­luni suaar­tar­toq”. (Tus­siaat 72:12-14) Nap­parsimasut Biibilimi ima neriorsor­neqar­put: “In­nut­taasoq kinaluun­niit oqas­san­ngilaq: ‘Nap­parsimavunga!’” (Esaja 33:24) Al­laat toqusimasut Guutip eq­qaamasai pil­lugit Jiisusi ima oqar­poq: “[Pif­fis­saq] nal­liuk­kumaar­poq ilivermiit­tut tamarmik taas­suma nipaanik tusarumaarfis­saat iliver­nil­lu aniumaarfis­saat.” (Johan­nesi 5:28, 29) Neriorsuutit qamuuna kil­litsin­nangaaramik!

Guutip neriorsuutaanik upperinninneq taassuma pakatsissutigiunnaarnissaanut iluaqutigissavarput

PAKATSIUN­NAAR­TOQARSIN­NAAVOQ

Sidnei, siusin­nerusuk­kut eq­qaaneqar­toq, ajutoor­nermi ukiut 17-it mis­saat qaangium­mata ima oqar­poq: “Jehova Guuti ajutoor­nermut pisuutin­ngisaan­nar­nikuuara, nas­suerutigis­savarali aal­laq­qaam­mut pakatsis­sutigigak­ku. Ilaan­neeriarlunga nikal­lungangaar­tar­punga in­narluuteqar­neralu eq­qarsaatigileraangak­ku qiasarlunga. Biibilimili paasivara ajutoor­nera Guutimit pil­laatis­siis­sutaan­ngitsoq. Biibilimi al­las­simasutut ‘nalaatsor­nik­kut pisar­tunit’ (1990) eq­qugaasar­pugut. Jehovamut qinusar­nera al­las­simaf­fin­nil­lu aalajangersimasunik atuar­tar­nera anersaak­kut nukit­tujuar­nis­samut ajun­ngitsumil­lu isigin­nit­taaseqar­nis­samut iluaqutigaak­ka.” – Oqaluus­sisar­tup oqaasii 9:11; Tus­siaat 145:18; 2 Korinthimiut 4:8, 9, 16.

Guutip naal­liun­nar­toqar­neranik akuerin­nin­neranut pis­sutaasut taas­sumalu qanit­tuk­kut tamak­kunin­nga atuuk­kun­naarsitsinis­saanik eq­qarsaatigin­nit­tar­ner­put Guutip pakatsis­sutigiun­naar­nis­saanut iluaqutigis­savavut. Neriorsor­neqar­pugut Guutip ‘ujarlersini akis­sarsisik­kumaarai’. Kinaluun­niit taas­sumun­nga er­neranul­lu up­per­toq pakatsisin­neqas­san­ngilaq. – Hebræerit 11:6; Romamiut 10:11.