Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik  |  Septembari 2015

 SAM­MISAQ PINGAAR­NEQ | ISUMAKULUUTIT QANOQ QAANGER­NEQARSIN­NAASUT

Navianartut pillugit isumakuluutit

Navianartut pillugit isumakuluutit

Alona ima oqalut­tuar­poq: “Kalerrisaari­soqaleraangat uum­matiga kas­suler­tar­poq, ar­paan­narlu toq­qorsimaf­fis­samukar­tar­punga. Taamaat­torli suli an­nilaangasar­punga. Silami ajor­nerusar­poq, toq­qorfis­saqan­ngin­nama. Ataasiarlunga aq­qusinik­kut pisutsil­lunga qialer­punga anersaar­nerlu sapilerlunga. Akun­ner­pas­suit eq­qis­siniarsarivunga. Taava kalerrisaarisoqaq­qiler­poq.”

Alona

Sorsun­nerit navianar­torsior­titsisut ilaan­naraat. As­sersuutigalugu asasavit toqus­sutaasin­naasumik nap­paateqaler­nera paasil­lugu an­nilaangangaalersin­naavutit. Al­lal­lu siunis­saq pil­lugu an­nilaangasar­put. Ima eq­qarsar­tar­put: ‘Qitor­navut er­nut­tavul­luun­niit silarsuarmi sorsuf­fiusumi, pinerluf­fiusumi, mingutsitsif­fiusumi, silaan­naap al­lan­ngoriar­torfiani nap­paalasoqarfiusumilu inuus­sap­pat?’ Isumakuluutit taamaat­tut qanoq qaangersin­naavavut?

Ajor­tumik pisoqas­sagaangat “silatuup perlus­saq takusar­paa qimar­nguf­fis­sarsior­tarlunilu”. (Us­satit 27:12) Timik­kut im­minut il­lersor­niarluta iliuuseqarsin­naanitsitut isumak­kut misigis­sutsik­kul­lu im­minut il­lersor­niarluta iliuuseqarsin­naavugut. Aliik­kutas­sat nakuuser­ner­tal­lit al­laal­lu nutaarsias­sat amiilaar­nar­tunik as­sital­lit inersimasut meeq­qal­lu isumakululis­sutigisin­naavaat. Tamak­kunin­nga isigin­naar­naveersaar­neq pis­sutsinik piviusunik suusupagin­nin­nerun­ngilaq. Guutip qarasar­put ajor­tunik eq­qarsaatigin­nit­tus­san­ngorlugu pin­ngor­tin­ngilaa. ‘Ilumoor­tul­li, iluar­tut, minguitsut asanar­tul­lu tamaasa’ eq­qarsaatigisarutsigit ‘eq­qis­sinerup Guutiata’ isumar­put uum­mater­pul­lu eq­qis­sisis­savai. – Filip­pimiut 4:8, 9.

 QINUSAR­NERUP PINGAARUTEQAS­SUSIA

Up­per­neq ilumoor­toq isumakulun­nermik qaangiinis­samut iluaqutaavoq. Biibilimi kajumis­saar­neqar­pugut qinunermut tun­ngatil­lugu eqiingaq­qul­luta. (1 Petrusi 4:7) “Sumil­luun­niit qinugut­ta tusarumaaraatigut” qularutiginagu Guuti ikioq­qul­luta piner­tusaar­nis­satsin­nul­lu ilisimas­suseqaq­qul­luta nikal­lujueq­qul­lutalu qin­nuigisin­naavar­put. – 1 Johan­nesi 5:15.

Uinilu, Avi

Biibilimi nas­suiar­neqar­poq Saatani tas­saasoq “silarsuup matuma naalagaanera” aam­ma ‘Ajor­tup silarsuaq tamaat pis­saaneqarfigigaa’ (NW). (Johan­nesi 12:31; 1 Johan­nesi 5:19) Taamaat­tumik Jiisusip ima qinusar­nis­samik ilin­niar­tik­kamisigut as­sersuusiuin­nan­ngilaq: ‘Ajor­tumit an­naatsigut.’ (Mat­thæusi 6:13) Alona ima oqar­poq: “Kalerrisaarisoqaleraangat misigis­sutsin­nik aqutsinis­samut ikioq­qul­lunga Jehovamut qinusar­punga. Aam­ma uima asasama sianerfigisar­paanga qinoqatigalungalu. Qinuneq iluaqutaangaar­poq.” Biibilimi ima al­las­simavoq: “Naalagaq qanip­poq torlorfigisiminut tamanut, tamanut ilumoorlutik im­minut torlorfigin­nit­tunut.” – Tus­siaat 145:18.

SIUNIS­SAMUT TUN­NGATIL­LUGU NERIUUTER­PUT

Jiisusip qaq­qami oqaluutsimini ajoqersuk­kani ima qinusar­nis­samik ilin­niar­tip­pai: “Naalagaaf­fiit tikiul­li.” (Mat­thæusi 6:10) Guutip naalagaaf­fiata isumakuluutit ajoqutaasut tamaasa atuuk­kun­naarsis­savai. Jiisusi, “Eq­qis­sinermut Naalagaaneq”, aq­qutigalugu Guutip “nunarsuarmi tamarmi sorsun­nerit soraarsik­kumaar­pai”. (Esaja 9:5; Tus­siaat 46:10) “Naalagaq [Guuti] eq­qar­tuus­siumaar­poq inuiap­pas­suit akor­nan­ni. ... Inuiaat panamik im­min­nut silugutis­saas­sap­put sorsun­nis­samul­lu sungiusarun­naas­sal­lutik. Tamarmik eq­qis­sil­lutik inuus­sap­put.” (Mika 4:3, 4) Ilaqutariit pil­luar­tut “il­luliorumaar­put nam­min­neq inigisas­samin­nik viin­nequtinil­lu ik­kus­suil­lutik inerititaat nerisas­samin­nik”. (Esaja 65:21) “In­nut­taasoq kinaluun­niit oqas­san­ngilaq: ‘Nap­parsimavunga!’” – Esaja 33:24.

Ul­lumik­kut mianersoraluarluta ‘nalaatsor­nik­kut pisar­tut’ ingalas­simajuaan­narsin­naan­ngilagut. (Oqaluus­sisar­tup oqaasii 9:111990) Sorsun­nerit, nakuuserfigineqar­nerit nap­paatil­lu inuit suli toqus­sutigisar­paat. Inuit taak­ku pisuus­suteqan­ngitsut sumik neriuutis­saqar­pat?

Inuit mil­lionil­lit, Guutimit taamaal­laat kisin­neqarsin­naasut, toqusunit makititaas­sap­put. Maan­na oqarsin­naavugut Guutip eq­qaaman­nis­sin­naas­susiani naam­mal­luin­nar­tumi sinit­tut ul­loq “ilivermiit­tut tamarmik ... aniumaarfis­saat” nal­liutserlugu. (Johan­nesi 5:28, 29) Makititsinermut tun­ngatil­lugu Biibilimi ima neriorsor­neqar­pugut: “Neriugisaq taan­na tar­nimut kitsatut ip­poq, aalariar­titas­saan­ngitsoq isuman­naatsoq.” (Hebræerit 6:19) Guutil­lu taman­na “tamanut up­perisas­san­ngor­tip­paa [Jiisusi] toqusunit makitik­kamiuk”. – Apustilit Suliaat 17:31.

Guutimit iluarisaarusut­tut suli isumakuluuteqar­tas­sap­put. Paul, Janet Alonalu nam­mineq iliuuseqar­nik­kut, qinusar­nik­kut Guutimut qanil­linik­kut siunis­samul­lu tun­ngatil­lugu Biibilip neriorsuutaanik up­perin­nin­nermik ineriar­tor­titsinik­kut iluatsil­luar­tumik isumakuluutinik qaangiip­put. Taak­kunun­nga tun­ngatil­lugu pisimanermisut qanor­toq “Guutip neriuuteqar­titsisup im­merlisi tipaatsungaar­nermik eq­qis­sinermil­lu”. – Romamiut 15:13.