“Nerisas­sarsiniarama kaageeq­qat akisoorujus­suit taamaal­laat pisias­saap­put. Aqaguani nerisas­saarutivis­simavoq!” – Paul, Zimbabwe.

“Uima oqarfigaanga qiman­niarluta. Ilumoorfigineqarun­naar­neq qanoq anigus­savara? Qitor­nak­ka qanoq qisuarias­sap­pat?” – Janet, USA.

“Qaar­tar­tumeerisoqar­neranik kalerrisaarisoqaleraangat ar­paan­naq toq­qorfis­sarsior­tar­punga. Tamatuma kingor­na sivisungaatsiar­tumik as­sak­ka sajut­tar­put.” – Alona, Israeli.

Ul­luni isumakuluf­fiusuni, ‘atugarliungaarfiusuni’, inuuvugut. (2 Timotheusi 3:1) Aningaasaqar­nik­kut ajalusoor­neq, ilaqutariit avis­saar­tuun­nerat, sorsun­nerit, nap­paalanerit toqus­sutaasar­tut, pin­ngor­titami ajunaar­nersuit ajunaar­neril­luun­niit inuit pilersitaat inup­pas­suit naner­tisimas­sutigingaar­tar­paat. Aam­ma mak­ku isumakuluutigineqar­tar­put: ‘Tinumasoq timin­niit­toq kræftin­nguutis­sava?’ ‘Er­nut­tak­ka silarsuarmi qanoq it­tumi peroriar­tus­sap­pat?’

Isumakulun­neril­li ilaat nalingin­naap­put. Misilitsin­neq, saq­qum­mius­sineq sulif­fis­sarsiorluniluun­niit oqaloqateqar­neq sioq­qul­lugu pis­sangasar­pugut. Mianersor­nerlu ajoqusin­ngin­nis­satsin­nut iluaqutigisar­par­put. Ingasat­tumil­li isumakulun­neq isumakulut­tuar­nerluun­niit ulorianarsin­naavoq. Qanit­tuk­kut inersimasunik 68.000-nit amerlanerusunik misis­suinermi paasineqar­poq isumakululaar­tuar­neq toqujaar­nermut pis­sutaasin­naasoq. Taamaat­tumik Jiisusi pis­sutis­saqarluarluni ima aperivoq: “[Kia] arlas­si isumakuluuteqar­nermigut ul­lut inuuf­figisas­sani ataasiin­narmil­luun­niit ilasin­naaner­pai?” Isumakulun­nik­kut ul­lut ilaneqarsin­naan­ngim­mata Jiisusi ima siun­nersuivoq: ‘Isumakuluuteqaqinasi.’ (Mat­thæusi 6:25, 27) Taman­nali ajor­nan­ngila?

Silatus­suseq, Guutimut up­perluar­neq siunis­samul­lu tun­ngatil­lugu tutsuiginar­tumik neriuuteqar­neq iluaqutigalugit taman­na ajor­nan­ngilaq. Al­laat maan­nak­kut isumakuluuteqan­ngik­kaluarluta siunis­sami isumakuluuteqalersin­naavugut. Taamaat­tumik Paulip, Janetip Alonal­lu isumakulun­nermik qaangiinis­samin­nut iluaqutigisimasaat sam­meriar­tigit.