Inuuneq sumik siuner­taqar­pa?

Ilaannikkut misigisarpit inuuneq sivikippallaartoq?

Eq­qarsaatiginikuuiuk pin­nguar­nerup, sulinerup, aap­panin­nerup, meerar­taar­nerup utoq­qalinerul­lu saniatigut inuuneq sumik siuner­taqar­nersoq? (Jobi 14:1, 2) Biibilimi ersersin­neqar­poq al­laat inuit silatuut taman­na eq­qarsaatigisaraat. – Oqaluus­sisar­tup oqaasii 2:11 atuaruk.

Inuuneq siuner­taqar­pa? Akis­sutis­sarsiumal­lugu ima apereq­qaar­tariaqar­pugut: Inuuneq qanoq piler­pa? Qaratsat­ta timit­talu sin­nera qanoq alutor­nar­tiginerat eq­qarsaatigeq­qis­saareerlugu inup­pas­suit silatuumik Pin­ngor­titsisoqar­nera up­periler­tar­paat. (Tus­siaat 139:14 atuaruk). Taamaap­pat pis­sutis­saqarluni pin­ngor­tis­simas­savaatigut. Tamatuma akis­sutis­sarsinera inuunitsin­nik siuner­taqarlualersitsisin­naavoq.

Sooq inuit pin­ngor­tin­neqar­pat?

Guutip aap­pariit siul­liit pil­luaq­quai pis­sanganar­tumil­lu sulias­sil­lugit. Nunarsuaq kinguaamin­nik tamak­kis­sagaat, paratiisin­ngor­tis­sagaat naas­saan­ngitsumil­lu inuunis­saat siuner­taraa. – 1 Mosesi 1:28, 31 atuak­kit.

Inuit Guutip naalak­kersuineranut pikitsitsim­mata siuner­taa kinguar­tin­neqar­poq. Guutil­li ajat­tuler­natalu nunarsuarmut siuner­tani al­lan­ngor­tin­ngilaa. Biibilimi up­per­narsaavigineqar­pugut Guutip inun­nik aalajaatsunik aniguisitsiniarluni suliuar­neranik nunarsuarmul­lu tun­ngatil­lugu neriorsuutaata eq­quuk­kumaar­neranik. Taamaat­tumik Guutip siuner­tarisamisut inuuler­nis­sat kis­saatigaa. (Tus­siaat 37:29 atuaruk). Biibilimi paasisin­naavat Guutip siuner­taa qanoq iluaqutigisin­naanerlugu.