Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik  |  Maaji 2015

Apeqqutit Biibilimi akineqartut

Apeqqutit Biibilimi akineqartut

Inuit qanoq siunissaqarpat?

Jiisusip toquata inuit isumassoqatigiilernissaat qanoq ajornarunnaarsippaa?

Inuit ilisimatusarnermut tunngatillugu siumukartuarnerat qularutissaanngilaq. Nammineerlutilli innuttaaqatigiinnik imminnut isumassoqatigiittunik pilersitsisinnaappat? Naamik. Ullumikkut silarsuaq namminissarsiornermit piumatunermillu aqunneqarpoq. Guutilli inuit ajunnginnerusumik siunertaqarfigai. — 2 Petrusi 3:13 atuaruk.

Guutip oqaasiani allaatigineqarpoq siunissami inuit silarsuaq tamakkerlugu asaqatigiilerumaartut. Toqqissillutik kimilluunniillu ajoquserneqassanatik inuussapput. — Mika 4:3, 4 atuakkit.

Namminis­sarsior­tuerutis­saaq — Qanoq?

Inuk Guutip pinngortitaa aallaqqaammut namminissar­sioqqajaa­suunngilaq. Inulli siulleq Guutimut naalannginniarluni aalajangernermigut naammalluinnar­tuujunnaarpoq. Taassumanngalu namminissarsioq­qajaaneq kingornupparput. Guutilli Jiisusi aqqutigalugu inuit naammalluinnartun­ngortissavai. — Romamiut 7:21, 24, 25 atuakkit.

Guutip piumasaanut naapertuuttumik Jiisusi pilliutitut toquvoq inuullu siulliup naalannginnerata sunniutai atorunnaarsillugit. (Romamiut 5:19) Taamaalilluni Jiisusip inuit nuanningaartumik siunissa­qarsinnaa­lersippai, siunissamimi inuit namminissarsiorlutik eqqunngitsulioq­qajaajun­naassapput. — Tussiaat 37:9-11 atuakkit.