Imarisai

Saqqaata tullia

Imai

Jehovap Nalunaajaasui

Kalaallisut

Napasuliaq Alapernaarsuiffik  |  Maaji 2015

 SAMMISAQ PINGAARNEQ | BIIBILI ATUAQQISSAARUSUPPIUK?

Biibilimik atuaqqissaarneq — Neqeroorut tamanut

Biibilimik atuaqqissaarneq — Neqeroorut tamanut

Jehovap Nalunaajaasui tamanut oqaluussisarnertik ilisimaneqaatigaat. Nalunngiliulli aamma pilersaarusiukkamik Biibilimik atuaqqissaaqateqartartut?

2014-imi nunani 240-ni Nalunaajaasut 8 millioninit amerlanerusut qaammatit tamaasa 9,5 millioningajannik Biibilimik atuaqqissaaqateqartarput. * Tupinnaqaaq, nunarsuaq tamakkerlugu Biibilimik atuaqqissaaqatigineqartartut taama amerlatigimmata!

Nalunaajaasut ilinniartitsisinnaajumallutik ukiut tamaasa Biibilit, atuakkat, atuagassiat Biibilimillu atuaqqissaarutit allat 1,5 milliardit missaat — oqaatsini 700-t missaanni — saqqummersittarpaat! Taamaattumik inuit oqaatsit iluarinerusatik atorlugit Biibilimik atuaqqissaarsinnaapput.

 BIIBILIMIK ATUAQQISSAA­QATIGINNIT­TARNERPUT PILLUGU APEQQUTIGI­NEQARTARTUT

Qanoq periaaseqarluni atuaqqissaartoqartarpa?

Biibilimut tunngasut assigiinngitsut eqqartortarpavut Biibilimilu versit taakkununnga tunngasut misissortarlugit. Assersuutigalugu Biibilimi apeqqutit imaattut akineqarput: Guuti kinaava? Qanoq ittuua? Ateqarpa? Sumi najugaqarpa? Qanillisinnaavarput? Biibilimili suna quppissanerlugu nalunarsinnaavoq.

Inuit akissutissarsiorneranni ikiorniarlugit atuagaq 224-nik quppernilik Biibilimi sorpiaat ajoqersuutigineqarpat? atortarparput. * Biibilimi ajoqersuutinik tunngaviusunik inuit paasinnissinnaaqqullugit allataavoq. Guuti, Jiisusi Kristusi, inuit naalliuutaat, toqusunit makititaaneq, Guutimut qinuneq allarpassuillu pillugit kapitaleqarpoq.

 Sumi qaqugukkullu atuaqqissaartoqarsinnaava?

Illit iluarinerusanni atuaqqissaarsinnaavusi.

Qanoq sivisutigisumik atuaqqissaartoqartarpa?

Inuppassuit nalunaaquttap-akunnera ataaseq sapaatip-akunneranut Biibilimik atuaqqissaarnermut piffissariniartarpaat. Sivisunerusinnaavoq sivikinnerusinnaalluniluunniit. Illit piffissaqarnerit naapertorlugu naleqqussassaagut. Ilaat sapaatip-akunneranut minutsit qulit missaanni atuaqqissaartarput.

Kursuserneq qanoq akeqarpa?

Kursuserneq atuaqqissaarutissallu akeqanngillat. Jiisusip ajoqersukkaminut peqqussutaanut matumunnga naapertuuppoq: “Akeqanngitsumik tunineqarpusi, akeqanngitsumik tunisigitsi!” — Matthæusi 10:8.

Kursuserneq qanoq sivisutigisarpa?

Qanoq sivisutigisumik atuaqqissaartarnissassinnut illit apeqqutaavutit. Atuagaq Biibilimi sorpiaat ajoqersuutigineqarpat? 19-inik kapitaleqarpoq. Kapitalit tamaasa tulleriiaarlugit ilaannaalluunniit atuaqqissaarsinnaavasi, qanorlu sukkatigissanerlusi nammineq aalajangissavat.

Jehovap Nalunaajaasuinut ilannguttariaqarpunga?

Naamik. Inuit qanoq upperisaqassanerlutik nammineq aalajangiisinnaatitaanerat ataqqivarput. Biibili pillugu tunngaviusunik paasisaqareerlutik namminneq aalajangersinnaapput.

 Sumi paasisaqarnerusinnaavunga?

Nittartakkami jw.org-imi Jehovap Nalunaajaasuisa upperisaat sulinerallu pillugit eqqortunik paasissutissaqarpoq.

Biibilimik atuaqqissaaqatigi­neqarumallunga sumut qinnuteqar­sinnaavunga?

  • Nittartakkami www.jw.org-imi immersuigit.

  •  
  • Nunagisanni Jehovap Nalunaajaasui attavigikkit.

^ par. 4 Inuit ataasiakkaat amerlanngitsukkuutaalluunniit Biibilimik atuaqqissaaqatigineqartarput.

^ par. 9 Jehovap Nalunaajaasuinit saqqummersinneqartoq. Atuagaq taanna oqaatsini 260-init amerlanerusuni 230 millioninit amerlanerusunngorlugu naqitaavoq.