“Erinitsal­lunga biiler­palut­torlu tusar­naar­tar­punga. Pingajus­saa Jordan inor­tuivoq. ‘Naanguna?’ eq­qarsar­punga. ‘Ajor­nar­torsior­pa? Isumaalut­tugut soqutigin­ngin­namiuk?’ Angerlamut apuun­nerata nalaani qaar­tuun­ngersaar­punga.”— GEORGE.

“Paniga nil­lialermat an­nilaarujus­suar­punga. Saak­kak­ku takuara niaq­qi patil­lugu qiasoq. Aq­qaluaata sisamanik ukiul­lip an­nersip­paa.”— NICOLE.

“‘As­sam­mioq til­lin­ngilara. Nas­saaraana!’ Natalie panip­put arfinilin­nik ukiulik oqar­poq, iserujus­suilu tungujor­tut pin­ngitsuusaar­palup­put. Man­nger­til­luni misiar­nera aliasuutigingaaratsigu qiavugut. Nalun­ngilar­pum­mi sal­lusoq.”— STEPHEN.

ANGAJOQ­QAAJUGUIT misigis­sutsit taamaat­tut ilisaraagit? Taamatut nalaataqaraangavit eq­qarsaatigisar­piuk qitor­nat qanoq perorsas­sanerlugu, perorsar­tariaqar­nerluguluun­niit? Qitor­nanik perorsaaneq kuk­kunerua?

PERORSAANEQ QANOQ PAASISA­RIAQAR­PA?

Perorsaaneq Biibilimi pineqaraangat tas­saagin­nar­nani pil­laaneq aam­ma pingaar­ner­tut tas­saasar­poq ilitsersuineq, ilin­niar­titsineq naq­qiinerlu. Ajor­tumik pin­nin­nermut naak­kit­taan­nermul­luun­niit atas­suteqan­ngisaan­nar­poq. — Us­satit 4:1, 2.

Perorsaaneq naatsiivilerinermut as­sersuun­neqarsin­naavoq. Naatsiivilerisup is­soq piareersar­tar­paa, naasul­lu imer­ter­tar­pai naggoris­sarlugil­lu, aam­ma uumasuaq­qanut naasupilun­nul­lu ajoqutaasunut il­lersor­tar­pai. Naasut al­liar­tor­tut kil­lor­tariaqarsin­naavai al­liar­tor­neran­ni aalajangersimasumik sam­miveqar­til­lugit al­liar­tor­tin­niarlugit. Nalun­ngilaa kusanar­tunik naatitsiniaraan­ni periaatsit as­sigiin­ngitsut ator­tariaqarini. Taamatul­li angajoq­qaat qitor­natik as­sigiin­ngitsutigut isumagisar­paat. Ilaan­nik­kul­lu meeq­qat sukan­ner­nerusumik perorsar­neqar­tariaqar­tar­put — soorlu ‘kil­lorlugit’, tas­sa eq­qun­ngitsulioq­qajaanerit piaar­tumik naq­qil­lugit aalajangersimasumik sam­miveqarlutik peroriar­torsin­naaq­qul­lugit. Naasorli ajoquseq­qunagu qajas­suar­tumik kil­lor­neqas­saaq. Taamatul­li angajoq­qaat asan­nit­tumik perorsaasariaqar­put.

Jehovap Guutip perorsaanermut tun­ngatil­lugu angajoq­qaanut maligas­siuil­luar­nera Biibilimi atuar­neqarsin­naavoq. Kif­faminik naalat­tunik nunarsuarmiit­tunik perorsaanera sun­niuteqarluangaarlunilu iluarinangaarmat taak­kua ‘oqaaq­qis­saar­neqar­ner­tik nuan­naraat’. (Us­satit 12:1) Perorsar­neqar­ner­tik ‘tamatigut aalajangiusimasar­paat an­naanaveersaarlugulu’. (Us­satit 4:13) Guutip perorsaariaasia ilaarlugu qitor­navit perorsar­neqar­nerminik akuersinis­saanut  ikiorsin­naavat. Guuti perorsaasar­poq (1) asan­nit­tumik, (2) naleq­qut­tumik aam­ma (3) al­lan­ngorar­tuun­ngitsumik.

ASAN­NIT­TUMIK PERORSAANEQ

Guutip perorsaanermini asan­nin­neq tun­ngavigalugulu kajumis­sis­sutigisar­paa. “Naalak­kam­mi asasani anusin­ngorsar­tar­paa soorlu ataatap er­nini asasani taama iliorfigisaraa,” Biibilimi al­las­simavoq. (Us­satit 3:12) Aam­mami Jehova ‘nal­lit­tuisuuvoq, saam­maasuuvoq kamajaatsuul­lunilu’. (2 Mosesi 34:6) Taamaat­tumik Jehova ajor­tumik pin­nin­neq ajor­poq naak­kit­taan­ngisaan­narlunilu. Oqaatsit an­ner­nar­tut ator­neq ajor­pai, ajorin­nit­tuaan­nan­ngilaq tujorminar­tumil­lu tusangiasaarineq ajor­poq, taamaalior­nerim­mi “panatut kapisisar­put”. — Us­satit 12:18.

TUSAR­NAARUK

Ilumoor­poq Guutip im­minut naalak­kersin­naanermut tun­ngatil­lugu maligas­siaa naam­mal­luin­nar­toq angajoq­qaat ilaaq­qis­saarsin­naan­ngik­kaat. Ilaan­nik­kut naam­magit­tarsin­naanerit misilin­neqangaar­tar­poq, taama misigigaangavit eq­qaamasaruk kamatsil­luni pil­laaneq naqisiman­nin­nerul­lunilu ingasaas­sinerul­lunilu kingunipiloqar­tar­toq. Aam­ma pil­laaneq kaman­nermit pakatsinermil­luun­niit pis­suteqar­toq perorsaanerun­ngil­luin­nar­poq. Tas­saagin­nar­poq im­minut naalak­kersin­naajun­naar­neq.

Akerlianil­li asan­nit­tumik im­minul­lu naalak­kersin­naal­lutit perorsaaguit angusaqarluar­nerus­saatit. George aam­ma Nicole, angajoq­qaat al­laaserisap matuma aal­laq­qaataani is­suar­neqar­tut, qanoq periaaseqar­tut sam­meriar­tigu.

QINOQATIGIUK

“Jordan kiisami isermat nuliaralu kamangaaraluarluta im­minut aqus­sin­naal­luta nas­suiaasoq tusar­naar­par­put. Kinguseqim­mat aalajanger­pugut aatsaat ul­laak­kut oqaloqatiginiarlugu. Tamat­ta qinoqatigeeriarluta in­nar­pugut. Aqaguani eq­qis­sil­luta oqaloqatigiin­nis­samut er­nit­talu uum­mataata kil­lin­nis­saanut pif­fis­saal­luar­neruvoq. Kil­liliis­sutivut akuerai pis­susilersor­ninilu utoq­qatsis­sutigalugu. Qujanar­tumik paasivar­put kamatsil­luni ingerlaan­naq qisuariar­neq kingunipiloqar­tar­toq. Tusar­naaq­qaaraangat­ta pitsaaner­paasar­poq.”— George.

OQALOQATIGIUK

“Er­nerma misigit­taal­luni aleqaminik an­nersitsisimanera takugak­ku kamaam­merujus­suar­punga. Ingerlaan­naq qisuariar­nanga er­nera inaanukar­tip­para kamangaaramami silatusaar­tumik aalajangiisin­naan­ngilanga. Kingusin­nerusuk­kut eq­qis­siimigama sukan­nersumik nas­suiaap­para an­nersitsinera akuerineqarsin­naan­ngitsoq takutil­lugulu aleqani qanoq an­nersis­simagaa. Taman­na sun­niuteqarluar­poq. Aleqani utoq­qatserfigeriarlugu eqip­paa.”— Nicole.

 Aap, ingasaas­sin­ngitsumik perorsaaneq, al­laat pil­laaner­taqar­tariaqaraluaraangat, asan­nin­nermit pis­suteqar­tuaan­nar­poq.

NALEQ­QUT­TUMIK PERORSAANEQ

Jehova perorsaagaangami tamatigut “ingasaas­saan­ngitsumik” pisar­poq. (Jeremia 30:11; 46:28) Pis­sutsit tamaasa, aam­ma takuneqariaan­naan­ngitsut, eq­qarsaatigisar­pai. Angajoq­qaat qanoq taamaaliorsin­naap­pat? Stephen is­suar­neqareersoq ima nas­suiaavoq: “Nataliep as­sam­mioq pil­lugu misiar­nera aliasuutigingaarlugulu paasisin­naan­ngik­kaluarlutigu nukanganera eq­qarsaatigaar­put.”

Aam­ma Nicolep uiata, Rober­tip, pis­sutsit tamaasa eq­qarsaatiginiar­tar­pai. Meeq­qat naalan­ngik­kaangata im­minut ima aperisar­poq: ‘Ataasiaan­narluni taamaalior­pa pis­susipiloqalersimavaluun­niit? Meeraq qasua iluaagisaqar­paluun­niit? Pis­susilersor­nera ajor­nar­torsium­mut al­lamut ersiutaava?’

Angajoq­qaat naleq­qut­tumik perorsaasar­tut aam­ma eq­qaamasar­paat meeq­qat inersimasuaraan­ngitsut. Apustilip Paulusip kristumiup taman­na nas­suerutigaa ima al­lak­kami: “Meeraagal­larama meeq­qatut oqalut­tar­punga, meeq­qatut paasin­nit­tar­punga.” (1 Korinthimiut 13:11) Rober­t ima oqar­poq: “Meeraagal­larama iliuuserisarsimasan­nik im­minut eq­qaasit­tar­nera eq­qor­tumik naliliinis­san­nut qisuariapilun­ngin­nis­san­nul­lu iluaqutigisar­para.”

Pingaaruteqar­poq piumasaqar­pal­laan­ngin­nis­saq, aam­mali eq­qun­ngitsulior­nerup utoq­qatsis­sutis­sarsiun­ngin­nis­saa ilagin­naan­nan­ngin­nis­saalu puior­neqas­san­ngil­lat. Qitor­navit pigin­naaneri, pisin­naasaasa kil­leqar­neri pis­sutsil­lu al­lat eq­qarsaatiginerisigut qulak­kiis­savat perorsaanerit naleq­qut­tuunersoq.

AL­LAN­NGORAR­TUUN­NGITSUMIK PERORSAANEQ

“Uanga Naalagaq al­lan­ngorsiman­ngilanga,” Malaki 3:6-imi al­las­simavoq. Guutip kif­faasa tamatumin­nga ilisiman­nin­ner­tik toq­qis­sisimas­sutigaat. Aam­ma meeq­qat al­lan­ngorar­tuun­ngitsumik perorsar­neqarunik toq­qis­sisimas­sap­put. Isum­map­pit al­lan­ngorar­nera apeq­qutaatil­lugu malit­tarisas­satit al­lan­ngor­tar­pata qitor­natit paatsiveerul­lutil­lu nikal­lus­sap­put.

Eq­qaamajuk Jiisusi ima oqar­toq: “Anger­nersi imaas­saaq: Aap, naaggaar­nersilu: Naagga.” Oqaatsit taak­ku meeq­qanik perorsaanermut aam­ma tun­ngap­put. (Mat­thæusi 5:37) Eq­qor­tik­kusun­ngisan­nik sioorasaaris­san­ngilatit. Qitor­nat naalan­ngip­pat pil­lar­neqas­sasoq oqarfigiguk­ku oqarfigineqar­neratut pisoqar­nis­saa qulak­keer­taruk.

Angajoq­qaat al­lan­ngorar­tuun­ngitsumik perorsaas­sagunik at­taveqaqatigiil­luar­nis­saat pingaaruteqar­poq. Rober­t ima oqar­poq: “Paasigaangak­ku nuliama naamiigaanik qitor­nama anger­tis­simagaan­nga nuliara tapersersor­niarlugu aalajanger­nera al­lan­ngor­tit­tar­para.” Arlaan­nut tun­ngasoq qanoq iliuuseqarfigis­sanerlugu angajoq­qaat isumaqatigiin­ngis­sutigigunik­ku pitsaas­saaq marluin­naatil­lutik isumaqatigiin­niarlutik taman­na eq­qar­torunik­ku.

PERORSAANERUP PINGAARUTEQAS­SUSIA

Jehovap asan­nit­tumik, naleq­qut­tumik al­lan­ngorar­tuun­ngitsumil­lu perorsaanera ilaar­taruk­ku qitor­navit taman­na iluaqutigiumaaraat qularis­san­ngilat. Asan­nit­tumik perorsaanerit qitor­navit akisus­saas­suseqar­tutut oqimaaqatigiis­saarisutul­lu inersimasun­ngor­nis­samin­nut iluaqutigis­savaat. Biibilimi ima al­las­simavoq: “Nukap­piaraq ingerlavis­samigut ingerlaan­nar­nis­saanut kajumis­saaruk, utoq­qaligaluaruniluun­niit taman­na nigus­san­ngilaa.” — Us­satit 22:6.